A Lagasai Roxo Na Jon A Xaleie 8:44 - A Turoxoian Fa'ui Sina Piran

⁴⁴ Mi fo savat ti la bina si tamami, na Setan, e voxo mi vubuk vil a maana mo aava nane xuus nami pana. Paamua paaliu ti la tangpat, nane a mataa ina ngaapunuk. E nane pife fexaxaas sena tigina lana kuus tuunayan senaso a piau paaliu ta tuunayan. Layaan nane taxa kuus bit i taxa ferawai lana pok bina sina senaso nane a mataa vibit e na tamana maana bitan xapiak.

Kara

⁴⁴ Mi fo savat ti la bina si tamami, na Setan, e voxo mi vubuk vil a maana mo aava nane xuus nami pana. Paamua paaliu ti la tangpat, nane a mataa ina ngaapunuk. E nane pife fexaxaas sena tigina lana kuus tuunayan senaso a piau paaliu ta tuunayan. Layaan nane taxa kuus bit i taxa ferawai lana pok bina sina senaso nane a mataa vibit e na tamana maana bitan xapiak.

A Lagasai Roxo Na Jon A Xaleie 8:44 Iomraidhean Croise

Matiu 12:34

Nami mu lamavaang, mi pife fexaxaas sena ferawai pana mo roxo senaso mi rabuna saat. A so ta lamonan a fabas a xunus imi i taa savat la matavas layaan mi ferawai.

Matiu 13:15

senaso a lamonan siri a sopat e ri pife fexaxaas sena siak a texaasan. Ri vil votan a tangari talo ri taa pife langai e ri xafut a matari talo ri taa pife kaalum. Tamo ri pife vil malaane ri tamaa kaalum pana matari, langai pana tangari e masam la xunus iri e puk a vilaana siri e ne taa vil faroxoi nari.’ Aisaia 6:9,10.

Matiu 13:38

A uma lava va xavala e a kam roxo va mu rabuna aava ri waan la fatata- ganan sina Piran. A latan va mu rabuna aava ri waan la fatataganan sina mataa saat

A Lagasai Roxo Na Jon A Xaleie 6:70

E na Yesus a suie, “Ne fo siak fati nami bo, nami Sangafilu Saxa pana Taragua? Taasaxa saxa la palou imi ve si Setan.”

A Lagasai Roxo Na Jon A Xaleie 7:17

Layaan ta mataa a buk usi a vilaana sina Saxa aave, i taa texaas sena fufuna fepitaian aanabe', tamo fo savat sina Piran o tamo nenia, ne ferawai lapaana gutan siak fatak.

A Lagasai Roxo Na Jon A Xaleie 8:38

Nenia, ne taxa kuus pana so ta mo ne fo xalume se Tamaang, taasaxa nami, mi taxa lo vil a so ta mo na tamami fo xuus nami pana.”

A Lagasai Roxo Na Jon A Xaleie 8:41

Nami, mi taxa usi a vilaana si tamami.” E ri suie, “Muneta lamon o maam piau ta pabung! A Piran sang mon a Tamamaam e Memai simaam.”

A Lagasai Roxo Na Jon A Xaleie 8:55

Mi pife texaas sena taasaxa nenia, ne texaas sena. Tamo ne taa kuus o ne pife texaas sena, nenia, ne taa mataa vibit malaan semi, taasaxa piau. Ne texaas sena e ne sasangas vulai lapaana ferawaian sina.

Faisok 13:10

“Nano, no lak si Setan e no xaiyaas sina maana mo roxo. No bas pana bitan e vulai no vubuk o a mu ferawaian tuuna sina Piran i taa malaan sena bitan mon.

Faisok 24:9

A mu Juda sait ri kuus o a maana mo aanabe' a fatak.

Faisok 5:3

Layaan na Ananaias fe lisan a faat xe si Pita, na Pita a fine, “Ananaias, xenaso no langai si Setan talo i taa fabas a xunus ima e voxo no bit a Vovau Xaradak pana mamareiai ina xavala?

2 Korin 11:3

Taasaxa ne taxa mataut ulaa na Tiui Saat, na Setan aava fo pol na Eva, i tamaa yuuf a lamonan simi vaxa e mi taa pife usi fatak na Krais pana vilaana aava piau ta lalosaat.

1 Pita 5:8

Para! Faxatang faroxo! A xaiyaas simi, na Setan, i taxa sangas xolai e i taxa vaas faagut malaan sena piu vupung ri xalie pana ʻlaionʼ e i taxa seng ta mataa talo i taa ngane.

2 Pita 2:4

Senaso, a Piran a pife nanaula sena timin a fakasanaman xuluna mu angelo aava ri fo faasaal, piau. Nane fo tapin fadui nari xe lana bina ina fakasanaman, pe ʻHelʼ; nane fo pis nari xe lana mu vaa'ul aava suk e ri taa waan vipis lana fefexaxaas sena yaan molava ina tiisaan nari.

1 Jon 1:8

Layaan taara taa kuus o taara piau ta saatan, taara taxa bit mon netaara e a lamonan tuuna pife waan la xunus itaara.

1 Jon 2:21

Ne pife kala xe simi senaso mi vungut sena lamonan tuuna, piau, taasaxa senaso mi masam faroxo e mi texaas o a bitan pife fexaxaas sena savat ti lana lamonan tuuna.

1 Jon 2:4

Nase' ta mataa a kuus, “Ne texaas sena”, taasaxa pife usi a ferawaian sina, nane ve a mataa vibit e a ferawaian tuuna pife waan la xunus ina.

1 Jon 3:12

Muta bilai malaan se Kein aava mataa si Setan, nane punuk a tina, na Ebal. Nane punuxe xenaso? Senaso a vilaana si Kein a saat e mu vilaana si tina, ri xaradak.

1 Jon 3:15

A mataa aava taxa lo langai pesalai o fakasal a rabuna, nane ve a mataa ina ngaapunuk e mi texaas o a mataa malaanabe' a vungut sena toyan vulai.

Juut 1:6

E saxano angelo aava ri pife bilai faroxo lana nobina siri taasaxa ri ta'ulane, nane timin nari lana bina aava suk e pis nari pana ʻseinʼ aava waan vulai talo i taa tiis nari layaan a yaan ina tiisan lava sina i taa savat.

Kuusan Fasavatan 12:9

E voxo a tang tiui aave, a tiui ti kavai aava ri xalie pa Setan e pana paamua ina mu masalai sait, nane aava fuuna familung a mu rabuna xuluna xavala, a tapinan xe lapia la xavala xuvul pana maana mu vovau fefeng sina.

Kuusan Fasavatan 13:14

Nane a yaamut sina vupung patak e toxan a gutan molava. E pana maana mo fa'ipul sina nane taxa bit a mu rabuna xuluna xavala. Nane fasei faagutan nari o ri taa vesan fati a maaradaang xena suaian a vupung aava putuxan pana pinis taasaxa taxa to lunai.

Kuusan Fasavatan 2:10

Muta mataut sena tafangan aava i taa savat simi. A tuuna, na Setan i taa yot tapin ta saxanu tuvaat simi xe lana vipis xena tafang nami. Taasaxa, a tafangan aanabe' i taa waan pana yaan sangafilu mon. Tao fatateak a namkaian simi sega fefexaxaas sena maatan simi e mui ne taa tavai nami pana ligilot ina toyan.

Kuusan Fasavatan 21:8

Taasaxa nari aava ri faatasu pana usiau e ri pife namkai sega e nari aava ri vil a mo mosaat malaan: ri punuk mataa, tamai feruuk, vibit, neneng e ri nangus a mu piran bit; a nobina xana maana rabuna malaan ve a Ulim Ina Fata aava raam pana ʻsalfaʼ. A mo aanabe' ve a fataraguiaana maatan.”

Kuusan Fasavatan 22:15

A mu rabuna saat ri taa waan lamalei, nari aave ri malaan sena piu aava ri vil a mo lalosaat. E nari sait aava ri vil a maana vilaana malaan: ri xel a rongan o masalai xena yirin o neng; ri tamai feruuk o ri punuk mataa o ri nangus a piran bit o ri vubuk usi a vilaana ina bitan.

Kuusan Fasavatan 9:11

Ri toxan a saxa a fuuna paamuian nari, a saxa vovau fefeng ti lana Tang Vaa'ul. Lana pok bina Hibru ri xalie pa Abaadan e lana pok bina Griik ri xalie pa Epolyon. (A malasuf ina ve a malaan, “Galas xapine”.)