A Lagasai Roxo Na Jon A Xaleie 7:20 - A Turoxoian Fa'ui Sina Piran

²⁰ E mu rabuna pave ri suie, “Ai, a masalai fo vao nano. Nase' taxa rao i punuk nano?”

Kara

²⁰ E mu rabuna pave ri suie, “Ai, a masalai fo vao nano. Nase' taxa rao i punuk nano?”

A Lagasai Roxo Na Jon A Xaleie 7:20 Iomraidhean Croise

Matiu 10:25

E voxo a mataa u'usi i taa faamamaas layaan i taa malaan sena mataa ina fepitaa sina e a yaasok layaan i taa malaan sena mataa tafuna. Tamo ri fo xali a paamua ina matafetama pana Bilsibul, naak ri taa xali a mu rabuna la matafetama sina pana vaxa.

Matiu 12:24

Layaan a mu Ferasi ri langai pana, ri sui nari, “Nane taxa gei tapin a mu masalai senaso a faisok lapaana gutan sina paamua siri, na Bilsibul.”

Matiu 9:34

Taasaxa mu Ferasi ri kuus, “Nane fuuna gei tapin a mu vovau saat lapaana gutan sina paamua lava ina mu vovau saat.”

Maak 3:30

Na Yesus a kuus malaan senaso a rabuna ri fo kuus o nane toxan a vovau saat paaliu.

A Lagasai Roxo Na Jon A Xaleie 10:20

Xaves ri kuus, “Nane toxan a vovau saat fo vawe e vil fangonge. Mi taxa langaie xenaso?”

A Lagasai Roxo Na Jon A Xaleie 8:48

A mu matalava Juda ri xuuse, “Naak maam taxa ferawai fatak, bo? Nano, no saxa Sameria e a vovau saat fo vao nano, bo?”

A Lagasai Roxo Na Jon A Xaleie 8:49

Na Yesus a sui nari, “Piau ta vovau saat fe vawau, taasaxa ne suaian na Tamaang e mi pife suaian nenia.

A Lagasai Roxo Na Jon A Xaleie 8:52

E nari mu matalava Juda ri xuuse, “Naboxo maam texaas tuuna o a vovau saat fo vao nano. Na Abrahem fo maat e vaxa mu rabuna ina kuus fatuxai sait e nano, no taxa kuus o tamo ta mataa taa usi fatak a ferawaian siim a maatan i taa pife siaxe?

Faisok 26:24

La fena ferawaian si Pol na Festas a xukulai, “Nano Pol, no mataa ngong. A texaasan siim a kawaasan nano.”