A Lagasai Roxo Na Jon A Xaleie 7:17 - A Turoxoian Fa'ui Sina Piran

¹⁷ Layaan ta mataa a buk usi a vilaana sina Saxa aave, i taa texaas sena fufuna fepitaian aanabe', tamo fo savat sina Piran o tamo nenia, ne ferawai lapaana gutan siak fatak.

Kara

¹⁷ Layaan ta mataa a buk usi a vilaana sina Saxa aave, i taa texaas sena fufuna fepitaian aanabe', tamo fo savat sina Piran o tamo nenia, ne ferawai lapaana gutan siak fatak.

A Lagasai Roxo Na Jon A Xaleie 7:17 Iomraidhean Croise

Matiu 6:22

“A ro matami ve re ro laam xena famalang a tami. Tamo a matami a tateak e matavas, a tami xurul i taa bas pana malang.

Luuk 8:15

Taasaxa mu kam aava la xavala roxo ri malaan seri aava xunus iri a xaradak e roxo. Ri langai a Ferawaian e ri tao fatateaxe e ri faisok faagut vulai xena fasavat a maana vilaana roxo.

A Lagasai Roxo Na Jon A Xaleie 3:21

Taasaxa nari aava ri fuuna taagul lana tuunayan, ri sasangas lana malang e voxo a malang taa faxaalit o a Piran va fufuna mu vilaana roxo siri.”

A Lagasai Roxo Na Jon A Xaleie 8:43

Xenaso mi pife masam a lagasai siak? Naak, mi pife fexaxaas sena langai a mo ne taxa kuusane, bo?

A Lagasai Roxo Na Jon A Xaleie 8:44

Mi fo savat ti la bina si tamami, na Setan, e voxo mi vubuk vil a maana mo aava nane xuus nami pana. Paamua paaliu ti la tangpat, nane a mataa ina ngaapunuk. E nane pife fexaxaas sena tigina lana kuus tuunayan senaso a piau paaliu ta tuunayan. Layaan nane taxa kuus bit i taxa ferawai lana pok bina sina senaso nane a mataa vibit e na tamana maana bitan xapiak.

A Lagasai Roxo Na Jon A Xaleie 8:47

Nase' sina Piran ve i taa langai a ferawaian sina Piran. A fufuna lamavaangan simi ve a malaan: mi pife rabuna sina Piran!”

Faisok 17:11

A mu rabuna pe Beria xo ri vubuk langai a lagasai, nari ve ri peraroxo sena mu Tesalonaika. La yaan saxa saxa ri lalamon pana Ferawaian sina Piran talo ri taa texaas o a ferawaian si Pol a tuuna o piau.