A Lagasai Roxo Na Jon A Xaleie 7:1 - A Turoxoian Fa'ui Sina Piran

¹ Lamina mu yaan aanabe' na Yesus a falet e fe sangas xolai pe Galili. Nane vil malaane senaso a mu Juda pe Judia rao ri punuxe.

Kara

¹ Lamina mu yaan aanabe' na Yesus a falet e fe sangas xolai pe Galili. Nane vil malaane senaso a mu Juda pe Judia rao ri punuxe.

A Lagasai Roxo Na Jon A Xaleie 7:1 Iomraidhean Croise

Matiu 10:23

Layaan ri vil pengan nami la saxa bina, sinuf xe la xasa bina. Ne kuus tuuna o mi taa pife lisan a lagasai siak xe la mu bina xapiak pe Israel paamuina filimaanan sina Natuna Mataa.

Matiu 21:38

“Taasaxa layaan a mu rabuna aave ri xalum a lak tomexaan, ri fexuus, ‘A lak tuaan aanabe' i taa siak a maana mo si tamana. Man, taara taa punuxe xena siak a maana mo xapiak sina.’

Maak 11:18

A mu matalava sina rabuna aava ri faisok lana lifu lotu e mu rabuna aava ri masam pana mu vuputkai siri, ri langai a ferawaian sina e ri lalamon pana punuxaana taasaxa ri mataut se Yesus e sena rabuna vaxa, senaso a rabuna xo, ri ipul pana fepitaian sina.

A Lagasai Roxo Na Jon A Xaleie 1:19

Saxa yaan xo, a mu matalava sina mu Juda pe Jerusalem ri feng a saxanu priis e saxanu rabuna lana pabung si Livai xe si Jon rao ri taa fine, “Nano nase'?” Ri vil malaane e na Jon a xuus nari malaan, “Nenia, ne pife Krais, a Mataa Failai.” Nane kuus famatavas e pife bit nari.

A Lagasai Roxo Na Jon A Xaleie 4:3

E layaan na Yesus a texaas sena lalamonan siri mu Ferasi, nane ta'ulan a maana mu bina Judia e fe ulaa fulaa xe la mu bina pe Galili.

A Lagasai Roxo Na Jon A Xaleie 4:54

A mo aanabe' a fataraguiaana fakalimaanan aava na Yesus a vile layaan nane falet xe Galili ti Judia.

A Lagasai Roxo Na Jon A Xaleie 6:1

Lumui na Yesus a laak xuluna xaati e falet xe la xasa paxasing ina Laman Galili; ri xalie pana Raarum Taibirius.

A Lagasai Roxo Na Jon A Xaleie 7:11

Pave la fenamo a mu Juda ri taxa lo senge e ri kuus, “Faa ta mataa aave?”

A Lagasai Roxo Na Jon A Xaleie 7:13

Taasaxa nari xapiak ri pife ferawai sena la matavas senaso ri mataut sena mu matalava Juda.

A Lagasai Roxo Na Jon A Xaleie 7:19

Na Moses fo tavai nami pana mu vuputkai, bo? Taasaxa piau ta saxa simi fe usi fatak a maana vuputkai. Xenaso mi taxa lo tafang pana punuxau?”

A Lagasai Roxo Na Jon A Xaleie 7:25

Lavaxa, saxano rabuna pe Jerusalem ri fefiai malaan, “A saxa aanabe' mon ve, a mataa aava ri taxa tafang pana punuxaana, bo?

A Lagasai Roxo Na Jon A Xaleie 7:35

A mu Juda ri fefiaian nari xa, “Ai, a mataa aanabe' rao i taa paan xe faa e taara pife fexaxaas sena tingine? Naak nane taa falet xe la mu bina sina mu tautaara aava ri taxa taagul la palou ina mu Griik, bo? I taa fe fapiti nari, mu Griik, bo?

A Lagasai Roxo Na Jon A Xaleie 8:37

Ne texaas o nami, mi mu bu Abrahem, taasaxa nami, mi vubuk punuxau senaso mi piau ta nobina la xunus imi xana ferawaian siak.

A Lagasai Roxo Na Jon A Xaleie 8:40

Nenia, ne fo kuusan a tuunayan aava ne langaie sina Piran e mi taxa seng ta salan xena punuxau, na Abrahem a pife vil malaane.

Faisok 10:38

Mi texaas o a Piran a noxol na Yesus ti Nasaret pana Vovau Xaradak e gutan. E na Yesus a falet xolai pana vilaana roxo e nane mulus tapin a mu rabuna xapiak aava ri sisiak si Setan. Nane vile senaso a Piran a waan xuvul pana.