A Lagasai Roxo Na Jon A Xaleie 6:9 - A Turoxoian Fa'ui Sina Piran

⁹ “A toxan a saxa lak modak nabe' pana bret baali pama e a din taragua; taasaxa fanganan modak malaan a pife fexaxaas xena fafanganaan nari xapiak.”

Kara

⁹ “A toxan a saxa lak modak nabe' pana bret baali pama e a din taragua; taasaxa fanganan modak malaan a pife fexaxaas xena fafanganaan nari xapiak.”

A Lagasai Roxo Na Jon A Xaleie 6:9 Iomraidhean Croise

Matiu 14:17

E ri suie, “Maam toxan a fomirak bret pama e ro din mon.”

Matiu 16:9

Mi pife masam lunai, bo? Mi fo maluf xo a yaan ne viak a fomirak bret pama xena fafangan a mu rabuna tomexaan 5,000, bo? A bi titifai talavisan mi fo fabase?

Maak 6:38

E nane xuus nari, “Fe kaalum, mi toxan a bret talavisan taxa waan?” E ri fe fakate e ri suie, “A bret pama e fomirak din taragua taxa waan.”

Maak 8:19

Layaan ne viak a bret pama xana rabuna 5,000, mi tifi a maana xavil lana bi talavisan?” E ri xuuse, “A bi sangafilu saxa pana taragua!”

Luuk 9:13

E nane sui nari, “Mi tavai nari pana fanganan.” E ri suie, “Maam toxan a fomirak bret pama e din taragua mon nabe'. Naak maam taa fe maraan bret xari xapiak, bo?”

A Lagasai Roxo Na Jon A Xaleie 11:21

Na Marta a xuus na Yesus, “Memai, naak tamo no waan nabe' na vasaak i taa pife maat.

A Lagasai Roxo Na Jon A Xaleie 11:32

Layaan nane savat si Yesus nane poxo la kana e xuuse, “Memai, naak tamo no waan nabe' na vasaak i taa pife maat.”

A Lagasai Roxo Na Jon A Xaleie 21:10

Na Yesus a xuus nari, “Lisanmaan a saxano din aava mi fo siaxe monabe' mon.”

A Lagasai Roxo Na Jon A Xaleie 21:13

Na Yesus a filimaan faasilak xe siri e siak a bret e tavai nari pana e a vil malaane pana mu din vaxa.

A Lagasai Roxo Na Jon A Xaleie 21:9

Layaan ri ung ri xalum a fata taxa rangat e saxanu din nane taxa suluxe pave e a bret sait.

A Lagasai Roxo Na Jon A Xaleie 6:11

Na Yesus a siak a bret baali e fenung e kuus faasiroxo paaliu xe sina Piran. Mui nane viak a bret e tavai a mu rabuna aava ri nai xolai pana e nane vil malaane pana din sait. E mu rabuna xapiak ri siak fanganan fefexaxaas sena vubuxanan siri.

A Lagasai Roxo Na Jon A Xaleie 6:7

Na Filip a suie, “Ai, tamo ne faisok pana fulun pisiktul, ne pife fexaxaas sena maraan a bret fexaxaas xena fafangan nari xapiak pana xavil modak, modak.”

2 Korin 8:9

Senaso mi texaas sena xakaavangan xatam sina Memai Yesus Krais: nane waan laa'ui la xunavata e waan xuvul pana Piran lana fafanaian sina, taasaxa nane ta'ulan a maana mo aave e savat mataa valagof mon xena xavangaan nami. E voxo sena vilaana aanabe' sina, mi fexaxaas sena waan xuvul pana Piran lana fafanaian sina.

Kuusan Fasavatan 6:6

E ne langai a saxa ling la palou ina mu mo to talafaat a kuus malaan: “Pana faisok ina yaan saxa, no fexaxaas sena maraan a fomirak bi pana ‘rais wiit’. E pana faisok ina yaan saxa no fexaxaas sena maraan a miraxana bi talatul pana rais baali. Taasaxa muta kawaasan a wel e wain.”