A Lagasai Roxo Na Jon A Xaleie 6:57 - A Turoxoian Fa'ui Sina Piran

⁵⁷ Ta mataa aava i taa ngan vulanau i taa to senaso nenia, ne taxa to. A mo aanabe' a fexaxaas senaso na Tamataara fo fengau e ne taxa to vulai lapaa Tamataara.

Kara

⁵⁷ Ta mataa aava i taa ngan vulanau i taa to senaso nenia, ne taxa to. A mo aanabe' a fexaxaas senaso na Tamataara fo fengau e ne taxa to vulai lapaa Tamataara.

A Lagasai Roxo Na Jon A Xaleie 6:57 Iomraidhean Croise

Matiu 16:16

Na Saimon Pita a suie, “Nano ve a Mataa Failai, a Natuna Piran aava to vulai.”

A Lagasai Roxo Na Jon A Xaleie 14:19

Famodak fulaa mon e a rabuna ti la xavala ri taa pife xalumau fulaa, taasaxa nami, mi taa xalumau. Nenia, ne taxa to vulai e voxo nami sait mi taa to vulai.

A Lagasai Roxo Na Jon A Xaleie 14:6

Na Yesus a suie, “Nenia ve, ne Salan, ne Tuunayan, e ne Toyan. Piau ta saxa mataa taa savat sina Piran lana xasa salan patak, nenia sang mon ne Salan.

A Lagasai Roxo Na Jon A Xaleie 17:21

talo nari xapiak ri taa faxuvul lapaana lamonan saxa xuvul pataare. Tamaang, no taxa waan la xunus iga e ne taxa waan la xunus ima e ne vubuk o ri taa waan malaan setaare. E voxo a mu rabuna ti la xavala ri taa namkai o no fo fengau.

A Lagasai Roxo Na Jon A Xaleie 3:17

A Piran pife feng a Lak Tomexaan sina xena lisan a fakasanaman xe sina mu rabuna xapiak, piau. Nane tavaie pana faisok xena fakaxupaana mu rabuna.

A Lagasai Roxo Na Jon A Xaleie 5:26

Na Tamana a fufuna toyan, bo? E vaxa nane siak fati na Natuna talo i taa waan a fufuna toyan sait.

A Lagasai Roxo Na Jon A Xaleie 6:29

Na Yesus a sui nari, “A faisok sina Piran a malaan: ‘Mi taa namkai sena saxa aava Piran fo fenge.’”

A Lagasai Roxo Na Jon A Xaleie 6:38

Senaso ne pife sivimaan ti la xunavata xena vil a vubuxanan siak, piau. Ne fo sivimaan xena vil a vubuxanan sina saxa aava fengau.

1 Korin 15:22

E malaan sena mu rabuna xapiak ri fo maat senaso ri waan la xuvulaian xuvul pa Aadam, nari aava ri waan la xuvulaian xuvul pa Krais ri taa to fa'ulaa.

1 Korin 15:45

A malaan sena Xakalayan Taap a kuus, “A Piran a vil fanei a mataa mata, na Aadam, e nane savat matatuuna pana toyan. Taasaxa na Aadam fataxapiak fo savat a vovau aava tatavai pana toyan.”

2 Korin 13:4

Senaso nane marupak layaan ri niil fataxutane xuluna bolo, taasaxa naboxo nane taxa to sena gutan sina Piran. Lana xuvulaian xuvul pana, nemaam vaxa maam marupak, taasaxa lapaana gutan sina Piran maam taxa to xuvul pana, xena xavang nami.

Galesia 2:20

E naboxo, ne fo niil fataxutanan xuluna bolo xuvul pa Krais e nenia xa ne pife to fulaa taasaxa na Krais xo a tavaiau pana toyan fa'ui sina. E naboxo, lana toyan aava nane fo tavaiau pana, ne taxa to pana namkaian sena Natuna Piran aava vubuxan xasingitau e lisan nane xa paga.

1 Tesalonaika 1:9

senaso nari xa ri kuusan a maana mo aava savat layaan maam falet xe simi; malaafaa mi kas a lifu simi xe simaam e mi puk tapin nami xa xasena mu piran bit xena savat sisiak sina Piran Tuuna aava To Vulai

Hibru 9:14

A vilaana aanabe' a tuuna, taasaxa lamon pana faisok molava paaliu aava ria i Krais a fexaxaas sena vile. Lapaana Vovau Xaradak aava waan vulai nane fo tatavai pana xa xena tavai a Piran pana tatavaian fatak xasingit. A ria ina i taa gon fatak a nasaman sitaara talo taara taa ta'ulan a vilaana palau mon e taara taa vil a faisok sina Piran aava to vulai.

1 Jon 4:9

E voxo a vubuxanan sina Piran xataara a malaan: a Piran fo feng a Natuna xe la xavala talo taara taa siak a toyan vulai sena.