A Lagasai Roxo Na Jon A Xaleie 4:6 - A Turoxoian Fa'ui Sina Piran

⁶ A raakaaf ina raarum na Yaakop fo xafe, taxa waan pave. A bina xo fo paanaas e na Yesus a maagus fadak sena sangasan sina e voxo maa nai la vangana raakaaf.

Kara

⁶ A raakaaf ina raarum na Yaakop fo xafe, taxa waan pave. A bina xo fo paanaas e na Yesus a maagus fadak sena sangasan sina e voxo maa nai la vangana raakaaf.

A Lagasai Roxo Na Jon A Xaleie 4:6 Iomraidhean Croise

Matiu 27:45

La paanaas, faasilak la belo, a bina xapiak fesuk pana awa talatul.

Matiu 4:2

E na Yesus a falfaal pana yaan sangafilu talafaat xurul e felagai.

Matiu 8:24

E a tang reref molava xuvul pana raafui re savat fa'ipul la laman e a xaati aave faasilak i lus. Taasaxa na Yesus i taxa matef.

Luuk 2:7

E nane luk a lak tuaan sina, a lak tomexaan. Nane xafute pana marapi e famatie lana nobina ina fanganan sina bulmakau senaso piau ta nobina xare lana lifu saxong.

Luuk 9:58

E na Yesus a xuuse, “A mu vupung ri toxan a mu liing siri e mu maanu laa'ui la tavegof ri toxan a mu singa siri taasaxa Natuna Mataa a pi ta nobina xena mati lana.”

A Lagasai Roxo Na Jon A Xaleie 11:9

Na Yesus a sui nari pana ferawaian aanabe', “A ngaas fuuna waan pana awa sangafilu saxa pana taragua mon, bo? Layaan a mataa taa sangas xolai la matavas i taa pife poxo senaso nane fexaxaas sena kaalum lana malang ina ngaas.

A Lagasai Roxo Na Jon A Xaleie 4:12

Nano, no matalava molava sena butaara na Yaakop aava tavai netaara pana raakaaf aanabe', bo? Nane fatak fo num a raarum ti lana e fulaa a mu rafulak sina e mu tiir, sipsip e bulmakau sina vaxa, ri num ti lana.”

A Lagasai Roxo Na Jon A Xaleie 4:5

E ri fesavat la saxa bina pe Sameria ri xalie pa Saikar. A bina ve taxa waan faasilak la bina aava na Yaakop fo tavai a lak sina, na Yosep, pana.

A Lagasai Roxo Na Jon A Xaleie 4:7

Layaan a saxa tefin ti Sameria a savat xena pituf raarum na Yesus a fine, “A fexaxaas no taa tavaiau pana raarum?”

2 Korin 8:9

Senaso mi texaas sena xakaavangan xatam sina Memai Yesus Krais: nane waan laa'ui la xunavata e waan xuvul pana Piran lana fafanaian sina, taasaxa nane ta'ulan a maana mo aave e savat mataa valagof mon xena xavangaan nami. E voxo sena vilaana aanabe' sina, mi fexaxaas sena waan xuvul pana Piran lana fafanaian sina.

Hibru 2:17

A malasuf ina a malaan: nane waan fexaxaas paaliu malaan sena mu fetinan lana taagulan xapiak siri e voxo i taa usi fatak a Piran e i taa bas pana mamaaluxan talo i taa savat memai priis siri. Pana vilaana aanabe' i taa vil a faisok sina Piran talo Piran i taa pife marala e i taa lamon tapin a vilaana saat sina mu rabuna.

Hibru 4:15

A Memai Priis sitaara pife saxa aava pife fexaxaas sena taraxali e muluk a maana murupaxan sitaara, piau! Taasaxa taara toxan a Memai Priis lava aava fo siak a valaman e tafangan fexaxaas fatak setaara, taasaxa nane pife faasaal pana saxa mo.