A Lagasai Roxo Na Jon A Xaleie 4:38 - A Turoxoian Fa'ui Sina Piran

³⁸ Nenia, ne feng nami xena siak faxuvul a fanganan aava paamua mi pife faisoxane. Saxanofuna ri fo faisok faagut pana e nami, mi taxa faisok xuvul pari layaan mi taxa siak faxuvul a fanganan aave.”

Kara

³⁸ Nenia, ne feng nami xena siak faxuvul a fanganan aava paamua mi pife faisoxane. Saxanofuna ri fo faisok faagut pana e nami, mi taxa faisok xuvul pari layaan mi taxa siak faxuvul a fanganan aave.

A Lagasai Roxo Na Jon A Xaleie 4:38 Iomraidhean Croise

Matiu 4:23

Na Yesus a falet xolai pe Galili e nane fepitaa la maana lifu ina faxuvulan siri e kuusan fasavat a Lagasai Roxo sena fatataganan sina Piran. E a maana buk giisan aava fo sip a rabuna, nane vil faroxoie.

A Lagasai Roxo Na Jon A Xaleie 1:7

Nane filimaan malaan sena xasa mataa ina kuus xakaavang. Nane maa kuusan fasavat a lagasai sena malang talo pana kuus xakaavangan sina, a maana rabuna ri taa namkai sena malang aave.

A Lagasai Roxo Na Jon A Xaleie 17:18

Nenia, ne taxa feng nari xe la palou ina mu rabuna ti la xavala malaan se' no fo fengau xe la palou ina mu rabuna ti la xavala.

A Lagasai Roxo Na Jon A Xaleie 4:37

E voxo a ferawaian ti kavai aanabe' a tuuna o saxa i taa xapis a kam ina fanganan e xasafuna i taa faxuvul a fanganan ina.

A Lagasai Roxo Na Jon A Xaleie 4:39

A mu Sameria xaves ti la bina aave ri namkai se Yesus sena ferawaian sina tefin aave layaan nane kuus, “Nane xuus fatexaasau pana maana mo xapiak aava ne fo mo vile.”

Faisok 2:41

E voxo nari aava ri kuus turoxo pana ferawaian si Pita, ri fasufan. E a xakatan iri fexaxaas sena 3,000.

Faisok 4:32

A mu rabuna aava ri namkai, ri faxuvul lana lamonan e nasaman siri. Pi ta mataa felamon saxaie pana maana mo xapiak sina. Taasaxa ri femiraaxan a maana mo siri.

Faisok 4:4

Taasaxa maana rabuna xaves, faasilak 5,000, ri langai se Yesus e ri namkai.

Faisok 5:14

E la maana yaan xapiak, a xakatan ina mu rabuna aava ri namkai, taxa lo molava et.

Faisok 6:7

E voxo, a ferawaian sina Piran a fala fepatok fataapus e a xakatan sina mu rabuna aava ri usi na Yesus taxa lo laak fataapus. E mu paamua xaves ina lotu Juda sait, ri puk a lamonan siri e ri usi a vilaana si Yesus.

2 Korin 10:15

E vaxa maam pife ferawai falalava sena faisok sina xasanofuna malaan sena faisok simaam, piau. Taasaxa maam vubuk o a namkaian simi i tafe faagut e voxo a nobina ina faisok simaam i tafe molava.