A Lagasai Roxo Na Jon A Xaleie 3:34 - A Turoxoian Fa'ui Sina Piran

³⁴ Nane aava Piran fo fenge, nane taxa ferawai pana ferawaian sina Piran e a Piran fuuna feng a Vovau sina e a Vovau sina i taa pife taxapus.

Kara

³⁴ Nane aava Piran fo fenge, nane taxa ferawai pana ferawaian sina Piran e a Piran fuuna feng a Vovau sina e a Vovau sina i taa pife taxapus.

A Lagasai Roxo Na Jon A Xaleie 3:34 Iomraidhean Croise

Matiu 12:18

“Kaalum, ne fo siak fati a mataa aanabe' xena sisiak siak. Ne vubuxan xasingite e ne faamamaas pana. Ne taa fabase pana Vovau siak e i taa xuus a mu rabuna xapiak pana vilaana ina tiisan tuuna.

Luuk 4:18

“A vovau sina Piran a xafutau senaso nane fo noxolau xena kuusan fasavat a Lagasai Roxo xe sina mu valagof. Nane fengau xena kuus fatexaas o nari aava ri vipis ri taa mulus tapinan; a mu mata piif ri taa kaalum fulaa e a mu rabuna aava ri waan lapaana gutan sina xaiyaas siri ri taa ta'ulai xaseri

A Lagasai Roxo Na Jon A Xaleie 1:16

Ti lana xakaavangan xatam sina, nane fo tavai netaara pana maana mo roxo; saxa mo roxo xuluna saxa mo roxo fulaa maan.

A Lagasai Roxo Na Jon A Xaleie 15:26

“A toxan a Saxa ina xakaavangan, a Vovau ina Tuunayan aava na Tamataara taxa fenge. E la yaan ne taa fengmaane xe simi ti pave sina Tamataara, i taa kuusan fasavatau.

A Lagasai Roxo Na Jon A Xaleie 16:7

Taasaxa ne xuus tuunei nami o a mo roxo taa savat sena faletan siak. Tamo ne pife falet a Saxa ina xakaavangan i taa pife filimaan taasaxa layaan ne falet ne taa fenge xe simi.

A Lagasai Roxo Na Jon A Xaleie 3:17

A Piran pife feng a Lak Tomexaan sina xena lisan a fakasanaman xe sina mu rabuna xapiak, piau. Nane tavaie pana faisok xena fakaxupaana mu rabuna.

A Lagasai Roxo Na Jon A Xaleie 5:26

Na Tamana a fufuna toyan, bo? E vaxa nane siak fati na Natuna talo i taa waan a fufuna toyan sait.

A Lagasai Roxo Na Jon A Xaleie 7:16

E na Yesus a sui nari, “A fepitaian aanabe' a pife mo siak taasaxa mo sina Saxa aava fo fengau.

A Lagasai Roxo Na Jon A Xaleie 8:40

Nenia, ne fo kuusan a tuunayan aava ne langaie sina Piran e mi taxa seng ta salan xena punuxau, na Abrahem a pife vil malaane.

A Lagasai Roxo Na Jon A Xaleie 8:47

Nase' sina Piran ve i taa langai a ferawaian sina Piran. A fufuna lamavaangan simi ve a malaan: mi pife rabuna sina Piran!”

Faisok 1:2

Paamuina laaxan sina nane tavai a mu yaamut aava nane fo siak fati nari, pana fepitaian lapaana gutan sina Vovau Xaradak.

Faisok 10:38

Mi texaas o a Piran a noxol na Yesus ti Nasaret pana Vovau Xaradak e gutan. E na Yesus a falet xolai pana vilaana roxo e nane mulus tapin a mu rabuna xapiak aava ri sisiak si Setan. Nane vile senaso a Piran a waan xuvul pana.

A Si Pol Lagasai Xe Sina Mu Rom 8:2

senaso lana xuvulaian xuvul pa Krais Yesus a Vovau ina Toyan Tuuna a mulus tapin netaara sena vuputkai aava fasavat a vilaana saat e a maatan.

Efasis 3:8

Naapalaan nenia, ne mataa palau mon sena mu rabuna fatak sina, nane tavaiau pana ngavuk lava aanabe': nenia, ne taa kuusan fasavat a Lagasai Roxo xe sina mu rabuna aava ri pife Juda. A lagasai aanabe' a kuus famatavas pana maana fafanaian e roxoyan molava piis aava waan xuvul pa Krais. Taara pife fexaxaas sena tingin a ngangai o katan ina.

Kolaasi 1:19

A Piran a nanam o a gutan sina xa e maana vilaana roxo sina ri fabas soliuane.

Kolaasi 2:9

A mu vilaana e lamonan xapiak sina Piran xa re fabas xapin a vipin sina saxa mataa mon, na Krais.

Kuusan Fasavatan 21:6

E nane xuusau, “A taxapus xo! Nenia, ne Elfa e ne Omega, ne Paamua e ne Fataxapiak. Nase' ta mataa aava ma'iu, ne taa tavai xatame pana raarum ti la matana raarum ina toyan.

Kuusan Fasavatan 22:1

E a angelo naang a faxalitau pana raarum ina toyan aava matavas e roxo paaliu. A raarum aave a savat palau ti lana ivin sina Piran e a Natuna Sipsip.