A Lagasai Roxo Na Jon A Xaleie 3:13 - A Turoxoian Fa'ui Sina Piran

¹³ A Natuna Mataa, nane sang mon a sivimaan ti laa'ui la xunavata e piau ta mataa fulaa fo waan pe laa'ui.

Kara

¹³ A Natuna Mataa, nane sang mon a sivimaan ti laa'ui la xunavata e piau ta mataa fulaa fo waan pe laa'ui.

A Lagasai Roxo Na Jon A Xaleie 3:13 Iomraidhean Croise

Matiu 28:20

e fapiti nari xena langai fatak a maana vuputkai aava ne fo tavai nami pana. E nenia xo, ne taa waan vulai xuvul pami fefexaxaas a yaan a xavala aanabe' i taa taxapus.”

Matiu 8:20

E na Yesus a suie, “A mu piu vupung ri toxan a liing siri e mu maanu la tavegof ri toxan a singa siri, taasaxa a Natuna Mataa piau ta nobina xena mati fangaafus.”

A Lagasai Roxo Na Jon A Xaleie 1:18

Piau ta mataa fo xalum a Piran taasaxa, a Saxa aava fuuna waan faasilak se Tamataara, nane ve a Piran e Lak Fatak Mon e fo waan la xasing ina. Nane fo faxalit a Piran xe sitaara.

A Lagasai Roxo Na Jon A Xaleie 17:5

Naboxo Tamaang, tavaiau fulaa pana malangan aava taare fo toxane paamuina tangpat ina xavala.

A Lagasai Roxo Na Jon A Xaleie 3:12

Tamo ne ferawai tuuna xuvul pami sena maana mo ti la xavala e mi pife namkai sena ferawaian siak malaafaa mi fexaxaas sena namkai layaan ne ferawai pana mo ti la xunavata?

A Lagasai Roxo Na Jon A Xaleie 3:31

“A Saxa aava savat ti laa'ui i taa paamuian a maana mo xapiak e nane aava savat ti lapia nane a mo ti la xavala e nane ve taxa ferawai malaan sena saxa ti la xavala. Ne kuus fulaa o nane aava savat ti la xunavata i taa paamuian a maana mo xapiak.

A Lagasai Roxo Na Jon A Xaleie 6:33

Senaso a bret sina Piran a mo aava sivimaan ti la xunavata e i taa tavai a mu rabuna la xavala pana toyan.”

A Lagasai Roxo Na Jon A Xaleie 6:38

Senaso ne pife sivimaan ti la xunavata xena vil a vubuxanan siak, piau. Ne fo sivimaan xena vil a vubuxanan sina saxa aava fengau.

A Lagasai Roxo Na Jon A Xaleie 6:42

E ri kuus, “Nane na Yesus, bo? A lak si Yosep? Na tamana narie ninana, taara texaas sere, bo? Malaafaa nane kuus: ‘Nenia, ne fo sivimaan ti la xunavata?’”

A Lagasai Roxo Na Jon A Xaleie 6:46

Piau ta mataa fo xalum na Tamataara taasaxa saxa aava fo sivimaan ti laa'ui sina Piran, nane sang mon fo xalum na Tamataara.

A Lagasai Roxo Na Jon A Xaleie 6:51

Nenia xa, ne bret i taxa to aava sivimaan ti la xunavata. Tamo ta mataa taa ngan a bret aanabe' i taa to vulai. A bret aanabe' ve a vipin iga aava ne taa lisane xena maraan fa'uli a maana rabuna ti la xavala.”

A Lagasai Roxo Na Jon A Xaleie 6:62

A so ta mo i taa savat tamo mi taa xalum a Natuna Mataa i taxa laak fa'ulaa xe la bina aava nane waan lana paamua?

A Lagasai Roxo Na Jon A Xaleie 8:42

Na Yesus a xuus nari, “Tamo Piran a Tamami, mi taa vubuxanau senaso ne fo filimaan sina Piran e naboxo ne taxa waan nabe'. Ne pife savatmaan lapaana gutan siak taasaxa nane fo fengau.

Faisok 2:34

Na Devit xo pife laak xe laa'ui la xunavata taasaxa nane kuus, “‘A Piran a xuus a Memai siak, “Nai la pamuaan siak fefexaxaas

Faisok 20:28

Faxatang nami e a malila aava Vovau Xaradak a tavai nami pana xena faxatangaan nari. Faxatang faroxoi a mu rabuna sina Piran aava nane maraane pana ria ina.

A Si Pol Lagasai Xe Sina Mu Rom 10:6

Taasaxa, a mataa aava Piran a xalie pana ʻmataa fatakʼ senaso a namkai, a ferawai malaan: “Muta xuus nami xa o ‘Nase' taa laak xe la xunavata’, senaso naak mi buk lisan fasivi na Krais aava fo sivi xo.

1 Korin 15:47

A mataa mata a savat ti la xavala e a Piran a vesane pana pof, taasaxa, a fataraguiaana mataa a savat ti la xunavata.

Efasis 1:23

A mu rabuna aave ve ri vipin si Krais e ri faxurul na Krais malaan se Krais a faxurul a maana mo xapiak.