A Lagasai Roxo Na Jon A Xaleie 20:1 - A Turoxoian Fa'ui Sina Piran

¹ La paanen lolof la yaan mata ina ʻwiikʼ, a bina suk lunai e na Maria ti Mekdala a savat la bina ina mamaat aave. Nane xalum a faat ina xawei a liing ina mamaat, ri fo pul tapine e a matana talakas.

Kara

¹ La paanen lolof la yaan mata ina ‘wiik’, a bina suk lunai e na Maria ti Mekdala a savat la bina ina mamaat aave. Nane xalum a faat ina xawei a liing ina mamaat, ri fo pul tapine e a matana talakas.

A Lagasai Roxo Na Jon A Xaleie 20:1 Iomraidhean Croise

Matiu 27:56

La palou iri na Maria ti Mekdala, na Maria aava na nina Jems nare Joses e a tefin si Sebedi, rutul taxa waan.

Matiu 27:60

e famatie lana liing ina mamaat sina xa aava ri fo taxe lana faat. E a tivotan a matana liing aave pana tang faat e ta'ulan a bina.

Matiu 27:64

Xuus a mu rabuna ina rawen siim o ri taa kaalum votai sena liing ina mamaat aave fefexaxaas a fatalatulaana yaan talo a mu rabuna sina ri taa pife fenou a vipin ina e xuus a mu rabuna o nane taxa to fa'ulaa. A bitan fataxapiak aanabe' i taa mo mosaat sena bitan mata.”

Matiu 27:66

E voxo ri fe timin a fakalimaanan xuluna tang faat aave e ri feng a mu rabuna ina rawen xena kaalum votai.

Matiu 28:1

Lamina Yaan ina Fangaafusan, la paanen lolof la yaan mata ina ʻwiikʼ, na Maria ti Mekdala xuvul pana xasa Maria, re falet xe la liing ina mamaat aave.

Matiu 28:2

E fataapus a toxan a mara'ulia lava senaso a saxa angelo sina Memai a sivimaan ti laa'ui la xunavata e fe pul tapin a tang faat aava ti votan a liing e a nai xuluna.

Maak 15:46

E na Yosep xuvul pana saxano rabuna ri maraan a marapi pasak e ri vil fadui a vipin i Yesus e ri xafute pana marapi pasak aave e ri timine lana liing. (A liing aanabe' ve a mataa fo taxe lana faat xena xaafaian.) E ri vil votan a matana liing pana faat molava.

Maak 16:9

[Layaan na Yesus a to fa'ulaa, la yaan mata ina ʻwiikʼ, (la Sande) nane savat paamua si Maria Mekdala aava nane fo gei tapin a mu vovau saat pisiguak xasena.

A Lagasai Roxo Na Jon A Xaleie 11:38

Na Yesus nari, ri fe savat la bina ina mamaat e fulaa a xunus i Yesus a mamaxus. A bina ina mamaat sina mataa aave ve a liing e ri timine lana e ri xaweie pana faat molava.

A Lagasai Roxo Na Jon A Xaleie 11:41

E voxo ri pul tapin a faat e na Yesus a kaalum xe laa'ui e kuus, “Tamaang, ne kuus faasiroxo xe siim senaso no fo langaiau.

A Lagasai Roxo Na Jon A Xaleie 19:25

Lavaxa, na nina Yesus narie tina xuvul pa Maria, a tefin si Klopas e xasa Maria, na Maria ti Mekdala, nari, ri taxa tigina faasilak la tana bolo si Yesus.

A Lagasai Roxo Na Jon A Xaleie 20:26

A saxa ʻwiikʼ mui lamina, a mu fefeng si Yesus ri faxuvul fulaa lana lifu aave e na Tomas taxa waan xuvul pari. A mu matana lifu ri xawei fatateaxe taasaxa na Yesus a savat e maa tigina la palou iri e kuus, “Ne vubuk rao a luaian taa waan la xunus imi.”

Faisok 20:7

Lavung, la yaan mata ina ʻwiikʼ maam faxuvul xena femiraaxan a matafanganai sina Memai. E senaso na Pol a vubuk rao i taa paan a yaan mui nane fapiti a mu rabuna. A ferawai paan, paan, paan xe la xunavung.

1 Korin 16:2

La yaan mata ina ʻwiikʼ saxa saxa mi taa timin fanei a saxano faat ina maana faat aava mi fo fasavate talo mi taa pife seng ta tatavai layaan ne maa savat.

Kuusan Fasavatan 1:10

La saxa Sande xo, a Vovau Xaradak xa, a vil famifau. E ne langai a ling aava barak faagut la miak malaan sena tafiu.