A Lagasai Roxo Na Jon A Xaleie 19:11 - A Turoxoian Fa'ui Sina Piran

¹¹ Na Yesus a suie, “No taa piau ta gutan xulok tamo a Saxa pe laa'ui a pife tavai nano pana. E voxo nari aava ri lisanau xe siim ri taa toxan a tiisan molava.”

Kara

¹¹ Na Yesus a suie, “No taa piau ta gutan xulok tamo a Saxa pe laa'ui a pife tavai nano pana. E voxo nari aava ri lisanau xe siim ri taa toxan a tiisan molava.”

A Lagasai Roxo Na Jon A Xaleie 19:11 Iomraidhean Croise

Matiu 26:65

Layaan na Yesus a ferawai malaan a memai priis a ririk a marapi sina e kuus, “Nane xo pife suai faroxo sena Piran pana ferawaian saat aave! Maam taa pife seng ta xasano rabuna xena gel tifie. Monabe' mon mi fo langai a ferawaian saat sina!

Matiu 27:2

Ri pise e ri lisane xe si Pailat aava paamuian a bina pave lapaana paamua lava ti Rom.

Matiu 6:13

E muta lisan nemaam xe lana vavalam taasaxa tivotan nemaam xasena gutan ina saatan.’

Maak 14:44

Na Judas fo xuus fatexaas nari pana saxa fakalimaanan nane taa vile, “Nase' ta mataa ne taa fe nguse, nane ve na Yesus. Mi yote e mi tao fatateaxe e mi xele saa xuvul pami.”

Luuk 22:53

La maana yaan xapiak ne waan xuvul pami la maana nobina pe la lifu lotu e mi pife pisau. Taasaxa yaan aanabe' a yaan simi, a yaan si Setan.”

A Lagasai Roxo Na Jon A Xaleie 18:13

e ri lisan paamuiane xe si Aanas. Nane va imu Kaiafas aava paamua priis la mariaas aave.

A Lagasai Roxo Na Jon A Xaleie 18:3

Lavaxa, na Judas a savat la nobina aapave xuvul pana mu rabuna ina rawen aava mu matalava Juda ri feng nari e saxanu fefeng sina memai priis e mu Ferasi vaxa. E nari xapiak ri toxan a lamak e laam e maana mo ina fevisan: a tol, vam e pinis.

A Lagasai Roxo Na Jon A Xaleie 19:10

“No bai ferawai xuvul paga, bo?” na Pailat a fine. “No pife texaas o nenia, ne toxan a gutan xena mulus nano o xena niil fataxutan nano?”

A Lagasai Roxo Na Jon A Xaleie 3:27

Na Jon a sui nari, “A Piran pe la xunavata i taa lamon pana so ta mo i taa tavai a mataa pana e a mataa taa siak a maana mo aave.

A Lagasai Roxo Na Jon A Xaleie 7:30

Sena ferawaian aanabe' rao ri pise taasaxa piau ta mataa fe tawe senaso a yaan sina pife savat lunai.

A Lagasai Roxo Na Jon A Xaleie 9:41

Na Yesus a xuus nari, “Tamo mi rabuna piif, mi taa pife vupuno. Taasaxa mi fo kuus o mi fexaxaas sena kaalum e voxo mi taxa vupuno lunai.

Faisok 2:23

E a Piran xo lana texaasan e vubuxanan sina, a texaas o mi taa yot na Yesus. E nami, pana xakaavangan sina mu rabuna saat, mi punuxe layaan mi niil fataxutane laa'ui xuluna bolo.

Faisok 3:13

A Piran si Abrahem, Aisaak e na Yaakop ve a Piran sina mu butaara, nane tavai a sisiak sina, na Yesus, pana isin lava layaan nane fatatoi fa'ulie ti la maatan. Nami, mi tavai a mu paamua simi pana xena punuxaana. E na Pailat, a memai ti Rom, nane tafo mulus tapine, taasaxa mi bai.

Faisok 4:28

Lana gutan e texaasan siim a so ta mo no lamon faati o i taa savat, nari xo, ri fo fasavate.

A Si Pol Lagasai Xe Sina Mu Rom 11:36

Nane xa a vil fasavat a maana mo xapiak e sena gutan sina mon ri waan vulai. E nane fasavat xapin a maana mo malaan sena vubuxanan sina. A mo roxo paaliu tamo mu rabuna xapiak ri taa kuus fati a isina Piran xe vulai pana piau ta taxapusan ina. A tuuna paaliu.

A Si Pol Lagasai Xe Sina Mu Rom 13:1

Nami saxa saxa, mi taa fasivi faroxoi nami xa lapaana mu paamua ina mu bina simi senaso a Piran a tavai nari pana ngavuk siri talo ri taa paamuian a mu rabuna. E vaxa, a Piran a fakalimaan a mu paamua la mu bina xapiak xena vil a faisok siri.

Jems 1:17

A maana mu tatavai xapiak sina Piran ri roxo e maana tatavai fatak aave, ri sivimaan ti laa'ui la bina sina Piran, na Tamataara aava vesan a maana mu vapara la xunavata. Nane pi xuxul famodak, piau paaliu. E piau ta saxa mo fefexaxaas sena fasuk a malang ina.

Jems 4:17

Tamo ta mataa texaas sena mo roxo xena vile e nane pife vile, i taxa faasaal.