A Lagasai Roxo Na Jon A Xaleie 17:5 - A Turoxoian Fa'ui Sina Piran

⁵ Naboxo Tamaang, tavaiau fulaa pana malangan aava taare fo toxane paamuina tangpat ina xavala.

Kara

⁵ Naboxo Tamaang, tavaiau fulaa pana malangan aava taare fo toxane paamuina tangpat ina xavala.

A Lagasai Roxo Na Jon A Xaleie 17:5 Iomraidhean Croise

Matiu 25:34

“E mui a King aave i taa kuus xe siri mu rabuna la pamuaan sina, ‘Filimaan, nami aava na Tamaang a ferawai fararoxo semi. Filimaan, siak a maana roxoyan ina fatataganan sina aava nane faigotane xami paamuina yaan nane vesan a xavala.

A Lagasai Roxo Na Jon A Xaleie 1:18

Piau ta mataa fo xalum a Piran taasaxa, a Saxa aava fuuna waan faasilak se Tamataara, nane ve a Piran e Lak Fatak Mon e fo waan la xasing ina. Nane fo faxalit a Piran xe sitaara.

A Lagasai Roxo Na Jon A Xaleie 10:30

Na Tamaang e nenia maame saxa.”

A Lagasai Roxo Na Jon A Xaleie 14:9

Na Yesus a suie, “Ne fo waan xuvul pami pana yaan xaves paaliu Filip e mi pife taraxaliau lunai? Nane aava fo xalumau fo xalum na Tamataara. Xenaso no taxa finau, ‘Faxalit nemaam pa Tamataara?’

A Lagasai Roxo Na Jon A Xaleie 17:1

Na Yesus a ferawai xapiak pana mo aanabe' e mui nane kaalum xe laa'ui la xunavata e kuus, “Tamaang, a yaan fo savat xo; siak fati a isi Natum talo na Natum taa siak fati a isaam.

A Lagasai Roxo Na Jon A Xaleie 17:24

“Tamaang, no fo tavaiau pari e ne vubuk o ri taa waan xuvul paga la bina siak xena xalum a miridingan siak; a miridingan aava no fo faneie xulok. No fo vile senaso paamuina faisok siim ina vesanaana maana mo ti la xavala aanabe' no vubuxan xasingitau.

A Lagasai Roxo Na Jon A Xaleie 3:13

A Natuna Mataa, nane sang mon a sivimaan ti laa'ui la xunavata e piau ta mataa fulaa fo waan pe laa'ui.

A Lagasai Roxo Na Jon A Xaleie 8:58

Na Yesus a xuus nari, “A tuuna paaliu, ne xuus nami: paamuina luluuxan si Abrahem nenia, ne fo waan!”

Filipai 2:6

“Lana mu vilaana e lamonan sina nane ve a Piran fatak, taasaxa lamon faati o i taa pife tao fatateak a mu vilaana e lamonan xapiak aave xena waan la vepen sina Piran.

Hibru 1:10

E nane kuus fulaa: “Nano Memai, la tangpat no fo vesan a xavala e maana mo xapiak xuluna e pana maam no fo vesan a finavata e maana mo xapiak lana.

Hibru 1:3

Nane sang mon i taxa faxalit a miridingan sina Piran; a maana mo xapiak sina e maana mo sina Piran ri fexaxaas. E pana gutan ina ferawaian sina nane taxa lo tao fanei fatateak a maana mo aava nane fo vesane. E lamina yaan nane fo siak a lamon tapinan sena vilaana saat xana mu rabuna xapiak, nane laak xe la xunavata e fe nai la pamuaan sina Piran pana Maana Gutan Xapiak.

1 Pita 1:20

Paamuina tangpat ina xavala a Piran fo siak fatie, taasaxa lana mu yaan aanabe' nane fasavate xena fangasik nami.

1 Pita 1:21

A Piran a fatatoi fa'uli na Krais ti la maatan e tavaie pana isin lava e lapaa Krais mi namkai sena Piran. E voxo namkaian simi e lamon fanaian simi re waan fatateak xuluna Piran.

1 Jon 1:2

A toyan aave fo savat e nemaam fo xalume e maam taxa kuusan fasavate talo nami, mi taa texaas sena toyan vulai, vulai aava waan paamua xuvul pana Piran, taasaxa naboxo fo savat sitaara.

Kuusan Fasavatan 13:8

a maana mu rabuna xapiak aava isiri pife savat lana Buuk ina Toyan sina Natuna Sipsip, nari xapiak aava ri nangus a vupung patak. A buuk aanabe' fo waan ti la tangpat ina xavala e a Natuna Sipsip aava fo punuxan, a xaleie.

Kuusan Fasavatan 3:21

“Nase' ta mataa i taa fa'onam a mu vilaana ti la xavala, nane aave i taa nai xuvul paga xuluna ivin lava ina naian siak. A mataa aave i tafe malaan sega senaso ne fo fa'onam a maana mo ti la xavala e naboxo ne taxa nai xuvul pa Tamaang xuluna ivin lava ina naian sina.