A Lagasai Roxo Na Jon A Xaleie 15:18 - A Turoxoian Fa'ui Sina Piran

¹⁸ “Tamo a mu rabuna ti la xavala ri taa baian nami, muta ipul, senaso ri fo baianau paamuin ri baian nami.

Kara

¹⁸ “Tamo a mu rabuna ti la xavala ri taa baian nami, muta ipul, senaso ri fo baianau paamuin ri baian nami.

A Lagasai Roxo Na Jon A Xaleie 15:18 Iomraidhean Croise

Matiu 10:22

A mu rabuna xapiak ri taa baian nami senaso mi namkai sega. Taasaxa nase' ta mataa i taa lo tigina fatateak lana namkaian sina fefexaxaas a yaan fataxapiak, i taa kaaxup.

Matiu 24:9

“Lamina yaan a maana mo aanabe' fo savat, a mu rabuna pana tateaxan ri taa pis nami e a mu xaiyaas simi ri taa vil pengan nami e punuk nami. A mu rabuna xapiak ri taa baian nami senaso mi waan xuvul paga.

Matiu 5:11

“A naian simi a roxo paaliu layaan a rabuna ri ferawai fasaat semi e ri vil pengan nami e ri bit tifi nami pana maana bitan saat senaso mi namkai sega.

Maak 13:13

E nami, a maana rabuna taa baian nami senaso mi paa xolai pana isaak. Taasaxa tamo ta mataa siak i taa tigina fatateak fefexaxaas la yaan fataxapiak, ne taa fakaxupe.”

Luuk 6:22

Faamamaas nami aava rabuna ri baian nami e ri feng tapin nami e ri ferawai fakasal nami e ri gilis a isimi malaan sena isin saat senaso mi usi fatak a Natuna Mataa. Aisaia 51:7.

A Lagasai Roxo Na Jon A Xaleie 16:1

“Ne fo xuus nami pana maana mo aanabe' talo mi taa pife milung.

A Lagasai Roxo Na Jon A Xaleie 16:33

“Ne fo xuus nami pana maana mo aanabe' talo lapaana isaak a xunus imi taa luai. La palou ina mu rabuna ti la xavala mi taa toxan a matafanan taasaxa muta mataut, ne fo xasliu a maana vilaana ti la xavala.”

A Lagasai Roxo Na Jon A Xaleie 3:20

A mu rabuna aava ri bilai fasaat, ri baian a malang e ri pi sasangas lana malang senaso ri mataut o mu vilaana saat siri taa savat la matavas.

A Lagasai Roxo Na Jon A Xaleie 7:7

A mu rabuna ti la xavala ri pife fexaxaas sena baian nami, taasaxa ri baianau senaso ne fuuna kuus o a maana mu vilaana ri vivile ri saat sang.

Faisok 14:22

Re ferawai xe sina mu fetinan xena fagutaan nari talo ri taa waan fatateak lana namkaian tuuna siri. Re fepitaa malaan, “Taara taa falet tuuna xe lana lagafan xaves xena laak la fatataganan sina Piran.”

Hibru 12:2

Taara taa xalum fatak na Yesus senaso nane fo tangpat a namkaian sitaara e nane xa taa fataxapine. Nane pife faatasu sena bolo sina, piau. Taasaxa nane lamon fepalauan a mangilan ina e lamon faagut sena faamamaasan aava i taa savat lumui. E naboxo nane taxa nai la pamuaan ina ivin sina Piran.

Jems 4:4

Mi malaan sena tefin aava pife mati xuvul pa lavana taasaxa mati xuvul pana xasanofuna. Mi pife masam o tamo a mataa i taa fesing xuvul pana vilaana ti la xavala nane bai fesing xuvul pana Piran, bo? Nase' ta mataa i taa siak fati a vilaana ti la xavala e usie, nane ve a xaiyaas sina Piran.

1 Jon 3:1

La yaan aava Piran fo tavai netaara pana vubuxan xasingitan sina e xali netaara pana rafulak sina, a yaan aave a yaan roxo paaliu marasaxa. E taara taxa waan a mu rafulak sina lunai. A mu rabuna ti la xavala ri vungut setaara senaso ri vungut se Yesus.

1 Jon 3:13

Kamu fetinan, muta ipul layaan a mu rabuna ti la xavala ri taa maraleian nami.

1 Jon 3:3

Nase' ta mataa i taxa timin fanei a lamonan sina xulu Krais, a mataa aave i taa gei tapin a lalosaat sina xa xena waan malaan se Krais aava piau ta lalosaat.