A Lagasai Roxo Na Jon A Xaleie 15:11 - A Turoxoian Fa'ui Sina Piran

¹¹ Ne fo xuus nami pana ferawaian aanabe' talo a faamamaasan siak i taa waan la xunus imi e mi taa bas paaliu pana faamamaasan.

Kara

¹¹ Ne fo xuus nami pana ferawaian aanabe' talo a faamamaasan siak i taa waan la xunus imi e mi taa bas paaliu pana faamamaasan.

A Lagasai Roxo Na Jon A Xaleie 15:11 Iomraidhean Croise

Luuk 15:23

E mi paan e mi siak a saxa lak bulmakau palak e mi punuxe setaara taa fangan e taara taa faamamaas.

Luuk 15:32

Taasaxa, no taa faamamaas. A vilauma i taa roxo vulai. Na tiam aanabe' va fo maat taasaxa naboxo a to fa'ulaa; fo malit taasaxa naboxo a savat fa'ulaa.’”

Luuk 15:9

E layaan a tingine, i taa xel faxuvul a mu fesing sina e kuus, ‘Faamamaas xuvul paga senaso ne fo tingin xo a faat aava malit.’

A Lagasai Roxo Na Jon A Xaleie 16:24

Paamua fefexaxaas tanin mi pife fenung pana saxa mo lapaana isaak, taasaxa naboxo mi fenung saa e mi taa siaxe talo mi taa bas paaliu pana faamamaasan.

A Lagasai Roxo Na Jon A Xaleie 16:33

“Ne fo xuus nami pana maana mo aanabe' talo lapaana isaak a xunus imi taa luai. La palou ina mu rabuna ti la xavala mi taa toxan a matafanan taasaxa muta mataut, ne fo xasliu a maana vilaana ti la xavala.”

A Lagasai Roxo Na Jon A Xaleie 17:13

“Naboxo ne taxa falet xe siim e ne taxa kuus pana ferawaian aanabe' talo nari, ri taa masam tuunei a faamamaasan siak e ri taa faamamaas sait.

A Lagasai Roxo Na Jon A Xaleie 3:29

A tefin va mo sina lavana. A fesing sina lavana aava fuuna fangasixe, a waan bang xena langaiaana e layaan a langai a ling ina, nane i taa faamamaas. A faamamaasan aave ve siak e naboxo ne fo bas paaliu pana.

A Si Pol Lagasai Xe Sina Mu Rom 15:13

E voxo, senaso a Piran va fufuna waan bangan aave, ne fenung xe sina o i taa fabas nami pana faamamaasan. E i taa faluai a xunus imi talo lapaana gutan sina Vovau Xaradak, mi taa waan bang fatateak a maana mo roxo aava ri taa savat mui.

2 Korin 1:24

Maam pife lamon fasivi a namkaian simi taasaxa maam faisok xuvul pami xena fafaamamaas nami senaso mi tigina fatateak lana namkaian simi.

Efasis 5:18

Muta fatavanat a lamonan simi pana num temasaatan a raarum tateak senaso i taa kawaasan nami. Taasaxa mi taa bas pana Vovau ina Piran.

Filipai 1:25

Ne lamon tuuna sena mo aave e voxo ne texaas o ne taa waan. E ne taa lo waan xuvul pami xena xavang nami talo mi taa faamamaas e mi fepalak lana namkaian simi

1 Tesalonaika 5:16

Vulai mi faamamaas

1 Pita 1:8

Paamua mi pife xalume taasaxa mi vubuxan xasingite e naapalaan mi pife xalume naboxo mi namkai sena e mi faamamaas faagut sena pana faamamaasan aava ferawaian simi a pife fexaxaas sena kuusane senaso a faamamaasan aave a bas pana malangan.

1 Jon 1:4

E maam xalei a mo aanabe' xena vil falavai a faamamaasan simaam.

2 Jon 1:12

Ne toxan a mo xaves xena xuus fatexaas nami pana taasaxa ne bai kala xe simi pana naboxo. Rao ne taa savat xe simi e taara taa irimai e a faamamaasan simi i taa molava piis.