A Lagasai Roxo Na Jon A Xaleie 14:12 - A Turoxoian Fa'ui Sina Piran

¹² A tuuna paaliu ne xuus nami, nane aava taxa namkai sega, nane vaxa a fexaxaas sena vil a mu faisok fa'ipul aava nenia, ne taxa vile. E vaxa naak i taa vil a mo fa'ipul molava seri senaso ne taxa falet xe si Tamataara.

Kara

¹² A tuuna paaliu ne xuus nami, nane aava taxa namkai sega, nane vaxa a fexaxaas sena vil a mu faisok fa'ipul aava nenia, ne taxa vile. E vaxa naak i taa vil a mo fa'ipul molava seri senaso ne taxa falet xe si Tamataara.

A Lagasai Roxo Na Jon A Xaleie 14:12 Iomraidhean Croise

Matiu 21:21

E na Yesus a sui nari, “Ne xuus tuunei nami, tamo mi namkai e mi muta lamon maranga, mi fexaxaas sena vil a so ta mo ne fo vile xe sina wai aanabe'. E pife mo aanabe' mon, piau, mi fexaxaas sena ferawai xe sina put modak nabe' ‘Tamasiak e fe tapin nano xa la laman!’ e i taa vil malaane.

Maak 11:13

E nane xalum a wai malaan sena xakaap a toxan a paxana xaves. E nane falet xe pave rao i taa murul a xalana. Taasaxa layaan nane fe savat pe la funa wai e xalume, piau ta xalana senaso pife yaan ina fuaian sina lunai.

Maak 16:17

E voxo a mu fakalimaanan aanabe' ri taa falet xuvul pana mu rabuna aava ri namkai: ri taa gei tapin a mu vovau saat pana gutan lana isaak, ri taa ferawai pana maana pok bina fa'ui

A Lagasai Roxo Na Jon A Xaleie 14:28

“Mi fo langaiau layaan ne xuus nami, ‘Ne taa ta'ulan nami taasaxa ne taa savat fa'ulaa xe simi.’ Tamo mi vubuxan xasingitau naak mi taa faamamaas paaliu o ne taxa falet xe si Tamataara senaso na Tamataara a lava sega.

A Lagasai Roxo Na Jon A Xaleie 16:7

Taasaxa ne xuus tuunei nami o a mo roxo taa savat sena faletan siak. Tamo ne pife falet a Saxa ina xakaavangan i taa pife filimaan taasaxa layaan ne falet ne taa fenge xe simi.

A Lagasai Roxo Na Jon A Xaleie 4:37

E voxo a ferawaian ti kavai aanabe' a tuuna o saxa i taa xapis a kam ina fanganan e xasafuna i taa faxuvul a fanganan ina.

A Lagasai Roxo Na Jon A Xaleie 5:20

Senaso na Tamana a vubuxan xasingit na Natuna e nane taxa faxalite pana maana mo xapiak aava nane taxa vile. A mo fa'ipul mi fo xalume, na Tamana taa faxalit na Natuna pana maana mo molava sena e voxo mi taa ipul temasaat seri.

A Lagasai Roxo Na Jon A Xaleie 7:33

Na Yesus a kuus, “Ne taa waan xuvul pami famodak fulaa lunai e mui ne taa paan xe sina aava fengau.

A Lagasai Roxo Na Jon A Xaleie 7:39

Nane ferawai malaan, sena Vovau Xaradak senaso a mu rabuna aava ri namkai se Yesus, ri taa siak a Vovau Xaradak. Taasaxa la yaan naang, la yaan ina ferawaian sina, a Vovau Xaradak a pife lisanan lunai senaso na Yesus pife siak a maasaxan sina lunai e pife laak xe la bina sina Piran.

Faisok 10:46

Ri texaas sena senaso ri langai nari, ri taxa ferawai lana saxano pok bina e ri kuus faasiroxo xe sina Piran. E mui na Pita a kuus,

Faisok 16:18

Nane vil malaane pana maana yaan xaves e voxo na Pol a marala e a tapuk xe sina e xuus faagutan a vovau saat aave, “Lana isi Yesus Krais ne fasei nano, ta'ulan a tefin aanabe'.” E fataapus a vovau aave a ta'ulane.

Faisok 19:12

a maana marapi modak aava na Pol a tawe, ri lisan nari xe sina mu rabuna aava ri giis. E layaan nari, ri tawe, a giisan siri o a vovau saat siri, ri malit.

Faisok 2:33

E vaxa a Piran a siak falak na Yesus xe la pamuaan sina e nane xo saxam a Vovau Xaradak aava na Tamana fo xuus faneie pana. E a maana mo aanabe' aava mi xalume e langaie tanin, ri savat sena Vovau Xaradak sina Piran.

Faisok 2:41

E voxo nari aava ri kuus turoxo pana ferawaian si Pita, ri fasufan. E a xakatan iri fexaxaas sena 3,000.

Faisok 4:16

Ri fefiai, “Taara taa vil a so pana rovaat aanabe'? A mu rabuna xapiak pe Jerusalem ri texaas sena mo fa'ipul molava re fo vile e taara pife fexaxaas sena kuus o a bitan.

Faisok 4:33

Pana gutan molava paaliu, a mu yaamut si Yesus ri lo kuusan a to fa'ulaian si Memai Yesus e a Piran a tavai nari pana xakaavangan xatam molava sina.

Faisok 4:4

Taasaxa maana rabuna xaves, faasilak 5,000, ri langai se Yesus e ri namkai.

Faisok 5:15

A mu rabuna ti Jerusalem ri langai sena maana mo a mu yaamut ri fo vile e voxo ri siak fasavat a maana rabuna aava ri giis e ri fe famati nari la vangana salan talo a xaxaalua i Pita i taa poxo xuluri layaan i taxa sangas et e ri taa roxo fulaa.

Faisok 6:7

E voxo, a ferawaian sina Piran a fala fepatok fataapus e a xakatan sina mu rabuna aava ri usi na Yesus taxa lo laak fataapus. E mu paamua xaves ina lotu Juda sait, ri puk a lamonan siri e ri usi a vilaana si Yesus.

Faisok 8:7

Nane gei tapin a maana vovau saat e vil faroxoi a saxano maalapen.

Faisok 9:34

Na Pita a xuuse, “Eneas, na Yesus Krais a vil faroxoi nano. Tamasiak e pulum a vem siim.” Fataapus, na Eneas a tamasiak.

Faisok 9:40

Na Pita a feng tapin nari xapiak xe lamalei e mui nane tapiit turung e a fenung. Nane tapuk xe sina tefin aava fo maat e a kuus, “Tabita, tamasiak.” Nane tafaangun e layaan a xalum na Pita a nai fatak.

A Si Pol Lagasai Xe Sina Mu Rom 15:19

A vovau sina Piran a fagutau xena vil a maana mo fa'ipul e maana faisok ina gutan. E voxo ne fo falet xolai pe Jerusalem fefexaxaas Ilirikam e ne fo kuusan xapin a Lagasai Roxo se Krais pe la mu bina aave.