A Lagasai Roxo Na Jon A Xaleie 13:18 - A Turoxoian Fa'ui Sina Piran

¹⁸ “Ne pife ferawai semi xapiak, ne texaas seri aava ne fo xel nari. Taasaxa Ferawaian sina Piran aanabe' i taa savat tuuna: ‘Nane aava fo fangan xuvul paga, nane ve fo paas fasiviau.’ Yanganan 41:9.

Kara

¹⁸ “Ne pife ferawai semi xapiak, ne texaas seri aava ne fo xel nari. Taasaxa Ferawaian sina Piran aanabe' i taa savat tuuna: ‘Nane aava fo fangan xuvul paga, nane ve fo paas fasiviau.’ Yng 41:9

A Lagasai Roxo Na Jon A Xaleie 13:18 Iomraidhean Croise

Matiu 10:36

A mu matafetama sina mataa ri taa xaiyaas sina.’

Matiu 26:21

Layaan ri taxa fangan na Yesus a xuus nari, “Ne xuus nami, saxa la palou imi i taa pet lisanau.”

Matiu 26:23

Na Yesus a sui nari, “Nane aava sugup a bret sina lana ‘plet’ xuvul paga, nane taa pet lisanau.

Maak 14:17

E la nona leaaf na Yesus e maana xasano fefeng sina ri savat sirie.

Maak 14:18

E layaan nari xapiak ri taxa mati fafangan na Yesus a xuus nari, “Ne kuus tuuna, a saxa mataa nabe' la palou itaara i taa pet lisanau xe la mana mu matalava sina mu Juda. A saxa ti la palou imi aava i taxa fangan xuvul paga.”

Maak 14:20

E nane xuus nari, “A toxan a saxa mataa aava i taxa sugup a bret lana ʻdisʼ xuvul paga, i taa vile.

Luuk 22:21

Taasaxa kaalum, a saxa aava i taa pet lisanau naboxo i taxa waan nabe' la palou itaara.

A Lagasai Roxo Na Jon A Xaleie 13:21

Layaan na Yesus a kuus malaan a xunus ina a nasam a mamaxusan e nane kuus, “Ne kuus tuuna paaliu, a saxa simi i taa pet lisanau.”

A Lagasai Roxo Na Jon A Xaleie 13:22

A mu fefeng sina ri taxa fexalumai senaso ri vungut o nane taxa ferawai pase'.

A Lagasai Roxo Na Jon A Xaleie 13:26

Na Yesus a suie, “A bret aanabe' ne taa sugup fadaxe lana nim aanabe' e ne taa tavaie pana.” Na Yesus a sugup famodak a xavil ina bret lana nim e tavai na Judas, a lak si Simon Iskeriot, pana.

A Lagasai Roxo Na Jon A Xaleie 15:16

Nami, mi pife siak fatiau, piau. Ne fo siak fati nami e fo bur nami o mi taa falet e malaan sena mu wai roxo mi taa fuaa faroxo. Mi taa fuaa pana xalana aava i taa waan vulai, e voxo a so ta mo mi taa nung na Tamataara pana lapaana isaak, i taa tavai nami pana.

A Lagasai Roxo Na Jon A Xaleie 15:19

A tuuna a mu rabuna ti la xavala ri taa baian nami senaso mi pife malaan seri. Tamo mi saxa siri ri taa vubuxan nami senaso mi malaan seri. Taasaxa ne fo xel nami ti la palou iri xe lana pabung siak.

A Lagasai Roxo Na Jon A Xaleie 15:25

E voxo a xakalayan lana Vuputkai siri a savat tuuna paaliu: ‘Ri baian faagutanau e ri piau ta fufuna xena vil malaane.’ Yanganan 69:4.

A Lagasai Roxo Na Jon A Xaleie 17:12

Layaan ne waan xuvul pari ne tagan faroxoi nari pana gutan ina isaam aava no tavaiau pana. Ne tagan faagutan nari aanabe' e ri pife tapigis fepatok, taasaxa saxa xo tapigis seri, nane aava no fo lamon sena o i taa milung e i taa kawaasanan talo a xakalayan sena i taa savat tuuna.

A Lagasai Roxo Na Jon A Xaleie 18:32

A mo aanabe' a savat talo a ferawaian na Yesus fo xuus nari pana sena so ta buk maatan sina, i taa savat tuuna.

A Lagasai Roxo Na Jon A Xaleie 19:24

E voxo ri ferawai sena, “Taara taa pife ririxe taasaxa taara taa fetafangai pana faat talo taara taa texaas o nase' taa siaxe.” Ri vil malaane e voxo ri fasavat tuunei a xakalayan aava kuus malaan: “Ri fepatoxan a mu marapi siak la palou iri e ri fetafangai pana faat xena texaas o nase' i taa siak a ʻsiotʼ siak.” Yanganan 22:18.

A Lagasai Roxo Na Jon A Xaleie 19:36

A mu vilaana aave ri savat senaso a Xakalayan ti Kavai a kuus malaan: “E piau ta saxa tun ina taa vuaxan.” Yanganan 34:20.

A Lagasai Roxo Na Jon A Xaleie 21:17

E na Yesus a fatalatul a fiaian sina, “Saimon, natu Jon, a tuuna no vubuxanau?” Na Pita a mamaxus senaso na Yesus a fin faatalatulane pana “Tuuna no vubuxanau?” E voxo nane suie, “Memai, no texaas sena maana mo xapiak; no texaas o ne vubuxan nano.” Na Yesus a xuus fulane, “Tavai a mu sipsip siak pana fanganan.

A Lagasai Roxo Na Jon A Xaleie 6:70

E na Yesus a suie, “Ne fo siak fati nami bo, nami Sangafilu Saxa pana Taragua? Taasaxa saxa la palou imi ve si Setan.”

Faisok 1:16

a kuus malaan, “Mu fetinan, a paferawaian sina Piran aanabe' a savat tuuna la matavas, a ferawaian se Judas aava Vovau sina Piran a kuus fatuxai pana la ngusu Devit. Na Judas aanabe' a paamuian a mu rabuna aava ri yot na Yesus.

Faisok 1:2

Paamuina laaxan sina nane tavai a mu yaamut aava nane fo siak fati nari, pana fepitaian lapaana gutan sina Vovau Xaradak.

2 Korin 4:5

Maam pife kuusan fasavat nemaam xa, piau, maam kuus fasavat o na Yesus Krais ve a Memai e nemaam ve maam mu sisiak simi lapaana.

Hibru 4:13

Mi piau ta mo mi fexaxaas sena fune xasena Piran, piau. A maana mo xapiak aava nane fo vesane, a waan xurul e matavas lapaana xakaaluman sina. E voxo taara xapiak taa xuuse pana so ta vilaana taara fo vile.

Kuusan Fasavatan 2:23

E maana natuna, ne taa punuk nari pana giisan molava. E voxo la maana lifu lotu siak ri taa masam faroxo o nenia xa, ne Saxa aava tatafang a maana mu lamonan simi e ne xalum a maana mo lana xunus imi. E mi taa texaas o nenia xa, ne taa tavai nami saxa saxa pana mo roxo xana mu vilaana roxo e pana mo mosaat xana mu vilaana saat.