A Lagasai Roxo Na Jon A Xaleie 11:47 - A Turoxoian Fa'ui Sina Piran

⁴⁷ E voxo mu memai priis e mu Ferasi ri xel faxuvul a mu piran Israel xe lana Faxuvulan Lava. E ri kuus, “A mataa aanabe' i taxa vil a mu fakalimaanan xaves. E taara taxa vil a so?

Kara

⁴⁷ E voxo mu memai priis e mu Ferasi ri xel faxuvul a mu piran Israel xe lana Faxuvulan Lava. E ri kuus, “A mataa aanabe' i taxa vil a mu fakalimaanan xaves. E taara taxa vil a so?

A Lagasai Roxo Na Jon A Xaleie 11:47 Iomraidhean Croise

Matiu 26:3

E pe la lifu lava si Kaiafas aava memai sina mu priis, mu paamua priis e mu matalava ri faxuvul

Matiu 5:22

Taasaxa nenia, ne xuus nami o nase' ta mataa a maraleian na tina i taa waan lapaana tiisan. E fulaa, nase' ta mataa a xuus na tina o ‘A putum a faat!’ nane, a mu matalava ri taa tiise. Taasaxa, nase' ta mataa a kuus pana ‘No vavagai!’, i taa fakasanaman lana fata aava i taxa raam vulai.

Maak 14:1

La yaan taragua paamuina yaan molava sina mu Juda, a Yaan ina Paaliuan e a fenamo ina Bret A Piau Ta Yiis, mu matalava ina lotu e rabuna ina fepitaa pana mu vuputkai, ri taxa lo lalamon pana so ta vilaana ri taa vil kasame xena yotaan na Yesus e punuxaana.

Luuk 22:2

A mu paamua priis e mu rabuna ina fepitaa pana vuputkai, nari xapiak ri mataut sena malila e voxo ri vubuk rao ri taa punuk fun na Yesus.

A Lagasai Roxo Na Jon A Xaleie 11:57

Senaso a mu memai priis e mu Ferasi ri fo fasei a mu rabuna o tamo ta mataa a texaas o na Yesus taxa waan faa i taa xuus fatexaas nari talo ri taa fe pise.

A Lagasai Roxo Na Jon A Xaleie 12:19

E mu Ferasi ri fefiaian nari, “Xalume, taara taa vil a so? A maana rabuna xapiak ri taxa usie naboxo.”

A Lagasai Roxo Na Jon A Xaleie 2:11

Nabe' ve a mo fa'ipul mata aava na Yesus a vesane e nane vile la bina Kena pe Galili. Nane faxalit famatavas a roxoyan sina e voxo a mu fefeng sina ri namkai sena.

A Lagasai Roxo Na Jon A Xaleie 6:2

A toxan a tang malila taxa usie senaso ri fo xalum a maana mo fa'ipul aava nane fuuna vile xena vil faroxoi a mu rabuna pana giisan.

A Lagasai Roxo Na Jon A Xaleie 7:32

A mu Ferasi ri langai sena maana mo a malila ri taxa fefinaas pana. E voxo a mu memai priis e mu Ferasi ri feng a mu sisiak, a rabuna ina kaalum votai siri xena pise.

A Lagasai Roxo Na Jon A Xaleie 7:45

Nari, mu rabuna ina kaalum votai, ri ulaa xe sina mu memai priis e mu Ferasi e ri fin nari, “Ai, xenaso mi pife lisanmaan na Yesus?”

Faisok 5:21

Nari, ri faxa'usi a kuusan sina angelo aanabe' e ri laak xe lana tang lifu lotu la paanen paaliu e ri tangpat pana fepitaa fulaa. Layaan a mu paamua ina lotu xuvul pana mu tauri, nari aava ri xali nari pana Saniidrin, ri maa savat la lifu ina tiisan, ri feng a saxanofuna xe la lifu ina vipisan xena xelaana mu yaamut.

Faisok 5:24

Layaan a mu memai priis e memai keptin ri langai a ferawaian siri, ri lalamon pana so ta mo naboxo i taa savat.