A Lagasai Roxo Na Jon A Xaleie 11:25 - A Turoxoian Fa'ui Sina Piran

²⁵ Na Yesus a xuuse, “Nenia ve ne To Fa'ulaian e ne Toyan Tuuna. Nase' aava namkai sega, naapalaan a maat, i taa to.

Kara

²⁵ Na Yesus a xuuse, “Nenia ve ne To Fa'ulaian e ne Toyan Tuuna. Nase' aava namkai sega, naapalaan a maat, i taa to.

A Lagasai Roxo Na Jon A Xaleie 11:25 Iomraidhean Croise

Luuk 23:43

E na Yesus a suie, “Ne xuus tuunei nano, tanin mon no taa waan xuvul paga la bina roxo, Paradais.”

A Lagasai Roxo Na Jon A Xaleie 14:19

Famodak fulaa mon e a rabuna ti la xavala ri taa pife xalumau fulaa, taasaxa nami, mi taa xalumau. Nenia, ne taxa to vulai e voxo nami sait mi taa to vulai.

A Lagasai Roxo Na Jon A Xaleie 14:6

Na Yesus a suie, “Nenia ve, ne Salan, ne Tuunayan, e ne Toyan. Piau ta saxa mataa taa savat sina Piran lana xasa salan patak, nenia sang mon ne Salan.

A Lagasai Roxo Na Jon A Xaleie 3:16

“Senaso, a Piran a vubuxan xasingit a mu rabuna xapiak la xavala e voxo nane turoxo pana maatan sina Lak Tomexaan Fatak sina talo nase' ta mataa aava i taa namkai sena, i taa pife maat, taasaxa i taa toxan a toyan vulai, vulai.

A Lagasai Roxo Na Jon A Xaleie 3:36

Nase' ta mataa i taxa namkai se Natuna a toxan a toyan vulai, taasaxa nase' ta mataa i taa baian a Natuna i taa pife siak a toyan senaso a maraleian sina Piran taa waan xuluna mataa aave.”

A Lagasai Roxo Na Jon A Xaleie 5:21

Na Tamana a fexaxaas sena yaas fatiginei a mu mamaat e tavai nari pana toyan, bo? E na Natuna vaxa taa tavai nari aava nane taa siak fati nari, pana toyan.

A Lagasai Roxo Na Jon A Xaleie 5:26

Na Tamana a fufuna toyan, bo? E vaxa nane siak fati na Natuna talo i taa waan a fufuna toyan sait.

A Lagasai Roxo Na Jon A Xaleie 6:35

Na Yesus a xuus nari, “Nenia xa, ne bret ina toyan, nase' i taa filimaan xe siak i taa pife lagai e vaxa nane aava i taa namkai sega i taa pife ma'iu fulaa.

A Lagasai Roxo Na Jon A Xaleie 6:44

Piau ta saxa a fexaxaas sena filimaan xe siak tamo na Tamataara aava fengau, a pife xele. E nase' ta mataa aava fo xelan, ne taa fatatoie la Yaan Fataxapiak.

Faisok 3:15

E mi punuk a mataa aava tavai netaara pana toyan tuuna, taasaxa Piran a fatatoi fa'ulie ti la maatan. E maam xalum tuuneie.

A Si Pol Lagasai Xe Sina Mu Rom 4:17

Senaso a Xakalayan Taap a kuus, “Ne fo fakalimaan nano xena tamana mu rabuna xaves.” Tangpat 17:5. E voxo na Abrahem va tamataara la matana Piran aava nane namkai sena; a Piran aava fatatoi fa'uli a mu mamaat e kuus pana mo, paamuina savatan ina, malaan sena fo savat xo.

A Si Pol Lagasai Xe Sina Mu Rom 8:2

senaso lana xuvulaian xuvul pa Krais Yesus a Vovau ina Toyan Tuuna a mulus tapin netaara sena vuputkai aava fasavat a vilaana saat e a maatan.

1 Korin 15:18

E fulaa a mu rabuna aava ri namkai se Krais e ri fo maat xo, nari vaxa ri milung.

1 Korin 15:29

Naboxo, tamo a Piran i taa pife fatatoi fa'uli a mu mamaat xenaso a saxanofuna ri fasufan sena mu mamaat. Ri taxa sou? A fasufaan nari i taa xavang a mu mamaat malaafaa?

2 Korin 4:14

senaso maam texaas o nane aava fatatoi fa'uli na Memai Yesus ti la mamaat, i taa fatatoi fa'uli nemaam vaxa xuvul pa Yesus e i taa faxuvul nemaam xuvul pami la matana.

Filipai 1:23

A vubuxanan taragua aave re taxa yuufau: Ne buk ta'ulan a toyan aanabe' xena waan xuvul pa Krais aava peraroxo;

Filipai 3:10

Ne vubuk o a texaasan se Krais i taa waan la lamonan siak taasaxa ne vubuk tuuna o a gutan si Krais aava Piran a fatatoi fa'ulie ti la maatan pana, i taa faisok lana toyan siak e vaxa ne taa waan xuvul pana lana maasaxan sina. E ne buk savat malaan sena lana maatan sina.

1 Tesalonaika 4:14

Taara namkai o na Yesus fo maat e to fa'ulaa e vaxa taara namkai o lana yaan layaan na Yesus i taa ulaamaan fulaa, a Piran i taa lisanmaan a mu rabuna aava ri namkai e ri fo maat xo, xuvul pa Yesus.

Kuusan Fasavatan 1:18

Nenia, ne taxa to taasaxa paamua ne maat e naboxo ne toxan a toyan xe vulai. E ne toxan a ʻkiʼ taragua, saxa ina Maatan e saxa ina bina lapaana xavala aava ri xalie pana ʻHelʼ.

Kuusan Fasavatan 20:5

Nabe' a Yaan Mata ina To Fa'ulaian. A xasanofuna ri taa waan la mamaat e ri taa pife to fa'ulaa fefexaxaas sena mariaas 1,000 aave tafe liu.

Kuusan Fasavatan 21:4

Nane taa saf tapin a raarum ti la matari. E maatan e mamaxusan e taangiisan e maasaxan ri taa malit paaliu senaso a mu vilaana ti kavai ri taxapus naboxo.”

Kuusan Fasavatan 22:1

E a angelo naang a faxalitau pana raarum ina toyan aava matavas e roxo paaliu. A raarum aave a savat palau ti lana ivin sina Piran e a Natuna Sipsip.

Kuusan Fasavatan 22:17

A Vovau Xaradak e a tefin fa'ui ina tamaian, re kuus, “Filimaan!” E nari aava ri langai faroxo, nari sait ri kuus, “Filimaan!” Nase' ta mataa a ma'iu, nane fexaxaas sena filimaan xena siak xatam a raarum ina toyan. Nase' ta mataa a vubuk filimaan, a roxo move, i taa filimaan.