A Lagasai Roxo Na Jon A Xaleie 1:1 - A Turoxoian Fa'ui Sina Piran

¹ Layaan a maana mo xapiak ri tangpat, na Ferawaian fo waan. Na Ferawaian a taagul xuvul pana Piran e narie, na Ferawaian e a Piran, re saxa.

Kara

¹ Layaan a maana mo xapiak ri tangpat, na Ferawaian fo waan. Na Ferawaian a taagul xuvul pana Piran e narie, na Ferawaian e a Piran, re saxa.

A Lagasai Roxo Na Jon A Xaleie 1:1 Iomraidhean Croise

Matiu 1:23

Ri kuus malaan: “Langai, a tefin palau aava pife mati xuvul pana saxa mataa lunai, i taa tiva e i taa luk a lak tomexaan e ri taa xalie pa Imaanuel.” (A malasuf ina isin aanabe' a malaan: Piran taxa waan xuvul pataara) Aisaia 7:14.

Luuk 24:53

E ri waan vulai lana lifu lotu e ri fuuna kuus faasiroxo vulai xe sina Piran.

A Lagasai Roxo Na Jon A Xaleie 1:14

Na Ferawaian xo, fesavat mataa e taagul la palou itaara e taara fo xalum a malangan sina, a malangan sina saxa fatak sina Piran, na Tamana. Nane a bas pana xakaavangan xatam e ferawaian tuuna.

A Lagasai Roxo Na Jon A Xaleie 1:18

Piau ta mataa fo xalum a Piran taasaxa, a Saxa aava fuuna waan faasilak se Tamataara, nane ve a Piran e Lak Fatak Mon e fo waan la xasing ina. Nane fo faxalit a Piran xe sitaara.

A Lagasai Roxo Na Jon A Xaleie 1:2

Nane taxa waan xuvul pana Piran ti la tangpat.

A Lagasai Roxo Na Jon A Xaleie 16:28

Ne filimaan ti pave si Tamataara e ne maa savat la xavala e naboxo ne taa ta'ulan a xavala e ne taa ulaa xe si Tamataara fulaa.”

A Lagasai Roxo Na Jon A Xaleie 17:5

Naboxo Tamaang, tavaiau fulaa pana malangan aava taare fo toxane paamuina tangpat ina xavala.

A Lagasai Roxo Na Jon A Xaleie 20:28

E na Tomas a suie, “Nano, no Memai siak. No Piran siak.”

A Lagasai Roxo Na Jon A Xaleie 8:58

Na Yesus a xuus nari, “A tuuna paaliu, ne xuus nami: paamuina luluuxan si Abrahem nenia, ne fo waan!”

A Si Pol Lagasai Xe Sina Mu Rom 9:5

A mu buri ve mu matalava sitaara e a Mataa Failai sina Piran a waan lana saxa pabung siri. E nane ve a Piran Tuuna e i taxa lo paamuian a maana mo xapiak. A mu rabuna xapiak ri taa nanguse e kuus fati a isina naboxo e xe vulai. A Tuuna.

Efasis 3:9

E vaxa ne taa kuusan fasavat a maana mo fufunai sina Piran la matavas. Nane aava vesan a xavala e maana mo xuluna, a fun a maana mo fufunai aave ti lana tangpat ina yaan.

Filipai 2:6

“Lana mu vilaana e lamonan sina nane ve a Piran fatak, taasaxa lamon faati o i taa pife tao fatateak a mu vilaana e lamonan xapiak aave xena waan la vepen sina Piran.

Kolaasi 1:15

Na Krais ve a xaxaalua fatak ina Piran aava taara pife fexaxaas sena xalume. E nane ve a lak tuaan aava pelalava sena maana mo xapiak senaso a waan paamuin a maana mo xapiak.

Kolaasi 1:17

Nane a waan paamuin a maana mo xapiak e pana gutan sina a tao faxuvul a maana mo xapiak e voxo ri waan la nobina siri.

1 Timoti 3:16

A tuuna paaliu, paamua taara pife masam sena fufuna namkaian sitaara, taasaxa naboxo, a Piran a fasavate la matavas: “Na Krais Yesus maa savat la xavala malaan sena mataa, A to fa'ulaian sina a faxaalit o nane ve na Natuna Piran, A mu angelo ri xalume, A mu rabuna aava ri namkai ri kuusan fasavate la mu bina xapiak, A maana rabuna pe la mu bina xapiak ri namkai sena, E a Piran a xel falaxe xe lana miridingan sina.”

Taitus 2:13

Taara taa waan malaanabe' senaso taara taxa waan bang a yaan roxo layaan na Yesus Krais aava Piran e Nges Ina Vil Fatato sitaara, i taa savat lana miridingan molava piis.

Hibru 13:8

Na Yesus Krais a fexaxaas la maana yaan xapiak, lanef, tanin e mafu e xe vulai.

Hibru 7:3

Lana Xakalayan ti Kavai ri pife kala sena ninana o tamana o ta saxa buna. E voxo a kaalum malaan se' nane piau ta yaan ina tangpat e piau ta yaan fataxapiak. E voxo nane a malaan sena Natuna Piran senaso nane taxa waan priis sina Piran vulai xe vulai.

2 Pita 1:1

Nenia, na Saimon Pita aava saxa sisiak e yaamut si Yesus Krais, ne taxa lisan a lagasai aanabe' xe simi aava mi taxa waan lapaana vilaana fatak si Yesus Krais, a Piran aava mataa ina fakaxupaan netaara xapiak, nami aava mi fo siak a namkaian molava fexaxaas malaan semaam.

1 Jon 5:20

E taara texaas o a Natuna Piran fo savat e fo tavai netaara pana masaman talo taara taa taraxali a Piran tuuna. E taara taxa lo taagul xuvul pana e pa Natuna, na Yesus Krais. Nane ve a Piran tuuna e Toyan vulai, vulai.

1 Jon 5:7

E a Vovau Xaradak sait i taxa lo ferawai fangaasik pana isina senaso a Vovau Xaradak fuuna kuus tuuna mon.

Kuusan Fasavatan 1:11

A ling aave a kuus malaan, “A maana mo no taa xalume, no taa xaleie lana lagasai e no taa lisan a lagasai aave xe la nu lifu lotu pisiguak aanabe': xe la lifu lotu pe Efasis, xe la lifu lotu pe Samirna, xe la lifu lotu pe Pergamam, xe la lifu lotu pe Taiataira, xe la lifu lotu pe Saardis, xe la lifu lotu pe Filadelfia, xe la lifu lotu pe Leodisia.”

Kuusan Fasavatan 1:17

Layaan ne xalume, ne poxo la kana malaan se' ne maat. Taasaxa nane a tawau pana mana pamuaan e kuus malaan, “Muta mataut, nenia ve ne Paamua e ne Fataxapiak.

Kuusan Fasavatan 1:2

Na Jon xa, saxa yaamut si Yesus, a kuus fangaasik sena Ferawaian sina Piran aava lagasai se Yesus Krais. Nane kuusan fatak a maana vilaana aava nane fo xalume.

Kuusan Fasavatan 1:8

A Piran Laa'ui a kuus malaan, “Nenia, a isaak na Elfa e na Omega senaso ne waan la fatitapang e ne taa waan la fataxapiak sait. Ne taxa waan naboxo, ne fo waan ti kavai e ne taa filimaan fulaa. Ne peraroxo!”

Kuusan Fasavatan 19:13

Nane toxan a marapi aava fo timinan lana ria. E a isina mataa aave ri xalie pana Ferawaian Sina Piran.

Kuusan Fasavatan 2:8

“Xe sina sisiak siak aava taxa paamuian a mu rabuna ina lotu pe Samirna, no taa kala malaan: a Paamua e a Fataxapiak aava fo maat e taxa to naboxo, a kuus malaan:

Kuusan Fasavatan 21:6

E nane xuusau, “A taxapus xo! Nenia, ne Elfa e ne Omega, ne Paamua e ne Fataxapiak. Nase' ta mataa aava ma'iu, ne taa tavai xatame pana raarum ti la matana raarum ina toyan.

Kuusan Fasavatan 22:13

Nenia, ne Elfa e ne Omega, ne Tangpat e ne Taxapusan, ne Paamua e ne Fataxapiak.

Kuusan Fasavatan 3:14

“Xe sina sisiak siak aava taxa paamuian a mu rabuna ina lotu pe Leodisia, no taa kala malaan: nenia ve ne Turoxoian e ne Ferawaian Fangaasik Tuuna e nenia ve ne Fufuna Vavesai sina Piran. Ne kuus malaan: