Jems 5:1 - A Turoxoian Fa'ui Sina Piran

¹ Nami mu rabuna aava mi fo faxuvul a faat xaves temasaat, mi langai. A roxo naak, mi taa taangiis e mi xukulai faagut sena mu lagafan aava ri taa savat simi.

Kara

¹ Nami mu rabuna aava mi fo faxuvul a faat xaves temasaat, mi langai. A roxo naak, mi taa taangiis e mi xukulai faagut sena mu lagafan aava ri taa savat simi.

Jems 5:1 Iomraidhean Croise

Jems 1:11

A ngaas a laak pana lagafan tateak ina e a latan femaiyang e voxo a fur ina latan taa tumulung e a magaafan ina i tafe malit xapiak. E voxo a mataa pana faat xaves vaxa, i tafe malit tapin a maana faisok sina.

Jems 2:6

Taasaxa nami, mi fo famangil a mu valagof. Nase' ta rabuna ri fuuna siak a faat simi? A mu rabuna pana faat xaves ri fuuna siaxe. E nari vaxa, ri fuuna lisan nami xe la nona mataa ina tiisan sait, bo?

Jems 4:13

Langai sena mo aanabe', nami aava mi kuus malaan: “Tanin o mafu maam taa falet xe la saxa bina lava. E maam taa fe taagul pave pana mariaas saxa mon. Maam taa mamareiai e maam taa faasot e faxuvul a faat xaves.”

Jems 4:9

Taangiis, xukulai e mi mamaxus sena bilaian saat simi. Ta'ulan a nanganan simi e mi taangiis. Ta'ulan a faamamaasan simi e mi mamaxus.