Jems 1:10 - A Turoxoian Fa'ui Sina Piran

¹⁰ A mataa pana faat xaves aava namkai, nane vaxa i taa faamamaas pana isin modak lapaana Piran senaso a fafanaian sina i taa malit malaan sena fur mon.

Kara

¹⁰ A mataa pana faat xaves aava namkai, nane vaxa i taa faamamaas pana isin modak lapaana Piran senaso a fafanaian sina i taa malit malaan sena fur mon.

Jems 1:10 Iomraidhean Croise

Matiu 5:3

“Nari aava ri texaas o ri pife tigina fatak la matana Piran sena mu vilaana siri xa, naboxo a naian siri a roxo paaliu senaso a fatataganan sina Piran va siri.

Matiu 6:30

Tamo a Piran i taa famaus a yi aava waan tanin e mafu ri sung a fata pana, naak i taa tamana tavai nami pana marapi xena xafut nami xa, bo? Ai, a namkaian simi a modak paaliu!

1 Korin 7:31

E nari aava ri faisok pana maana mo ti la xavala ri muta lamon vulane senaso a xavala aava mi texaas sena naboxo, faasilak i taa taxapus.

Filipai 3:8

E fulaa, ne lamon o a maana mo xapiak sina rabuna ri mo palau layaan ne fexaxaasane xuvul pana texaasan molava aava ne siaxe sena Memai siak, na Krais Yesus. Ne fo tapin fapalauan a maana mo xapiak xena usie. Ne lamon o a maana mo aave ri malaan sena xawa mon talo ne fexaxaas sena waan xuvul pa Krais.

1 Timoti 6:17

Fasei nari aava ri toxan a maana mo xaves lana waanan siri o ri muta fasaamaat pana maana mo siri. Muta lalamon sena xakaavangan ina maana mo aave senaso taara pife texaas tamo maana mo aave ri taa waan o malit. Taasaxa, kaalum xe sina Piran aava pisingan netaara pana maana mo xena fafaamamaas netaara.

Jems 4:14

Ai nami, mi pife texaas sena so ta mo i taa savat mafu. A toyan simi a so ta buk mo? Nami, mi malaan sena vubun ina fata aava i taa waan famodak mon e mui i taa malit paaliu.

1 Pita 1:24

A Xakalayan ti Kavai a kuus malaan: “A maana rabuna xapiak ri malaan sena yi, e a isin lava siri ri malaan sena fur mon. A yi i tafe maiyang e a mu fur ina taa tumurul, taasaxa a Ferawaian sina Piran i taxa waan vulai xe vulai.” Aisaia 40:6-8. E a ferawaian aave a Lagasai Roxo aava ri fo xuus fatexaas nami pana.

1 Jon 2:17

E a xavala aanabe' i taa malit xuvul pana maana mo aava famasi a vubuxanan sina rabuna sait, taasaxa, a mataa aava usi a vilaana sina Piran, nane ve, i taa waan vulai, vulai.