Hibru 9:3 - A Turoxoian Fa'ui Sina Piran

³ E lamina vaabat marapi ri toxan a baat aava ri xalie pana Nobina Taap Xasingit.

Kara

³ E lamina vaabat marapi ri toxan a baat aava ri xalie pana Nobina Taap Xasingit.

Hibru 9:3 Iomraidhean Croise

Matiu 27:51

E lana yaan aave a marapi aava tofai la tang lifu lotu a tiririk xapiak ti laa'ui xe lapia. A Piran a faradakui a xavala e gurum a maana faat.

Hibru 6:19

Taara toxan a lamon fanaian aanabe' malaan sena xaaxaak molava lana toyan sitaara. A lamon fanaian sitaara a mo tuuna aava i taa waan fatateak e laak liu a marapi taap ina Tang Lifu Lotu laa'ui la xunavata xena savat lana Nobina Taap Xasingit.

Hibru 9:7

Taasaxa memai priis sang mon i taa laak lana baat ina Nobina Taap Xasingit e nane fexaxaas sena laak faasaxa mon lana mariaas saxa. E nane i taa siak a ria xuvul pana xena tatavai xe sina Piran. I taa tatavai xe sina Piran xana xa e xana mu rabuna talo a Piran i taa lamon tapin a mu vilaana saat aava ri vungut o ri fo vile.

Hibru 9:8

A Vovau Xaradak a faxalit netaara pana maana mu vilaana aanabe' o a salan xataara xena laak lana Nobina Taap Xasingit, a pife talakas layaan a Nobina Taap i taxa tigina lunai.