Hibru 6:9 - A Turoxoian Fa'ui Sina Piran

⁹ Taasaxa kamu fesing, naapalaan maam taa ferawai malaan nabe', maam texaas faagut semi. Maam texaas o nami, mi toxan a mu kuus faatulaian roxo aava ri xavil ina fakaaxupan simi.

Kara

⁹ Taasaxa kamu fesing, naapalaan maam taa ferawai malaan nabe', maam texaas faagut semi. Maam texaas o nami, mi toxan a mu kuus faatulaian roxo aava ri xavil ina fakaaxupan simi.

Hibru 6:9 Iomraidhean Croise

Maak 16:16

Nase' ta mataa i taa namkai sega e i taa fasufan, nane ve, ne taa fakaxupe. Taasaxa nase' i taa pife namkai sega a toxan a fakasanaman xana.

Faisok 11:18

Layaan ri langai a mo aanabe' ri pife kuus fasaat fulaa e ri kuus faasiroxo xe sina Piran malaan, “Naboxo a Piran fo tavai a mu rabuna aava ri pife Juda pana yaan xena puxaana lamonan siri talo ri taa to vulai.”

Faisok 20:21

Ne xuus faagutan a mu Juda e mu Griik xapiak o ri taa puk tapin a vilaana saat siri pana mimilisaatan xe sina Piran e ri taa namkai sena Memai simaam, na Yesus.

1 Korin 10:14

E voxo kamu fesing, sinuf sena vilaana ina lotui a mu piran bit.

2 Korin 12:19

La fena ferawaian aanabe' simaam mi fo lamon o maam taxa ferawai xena xavang nemaam xa, bo? Maam fo ferawai malaan seri aava ri waan la xuvulaian xuvul pa Krais la mata Piran e kamu fesing, a maana mo xapiak aava maam vile, maam vile xena xavang nami.

2 Korin 7:1

Kamu fesing, senaso taara toxan a mu kuus fanaian aanabe' taara taa gei tapin a maana mo xapiak aava ri falalosaat a vipin e xunus itaara e taara taa faisok xena faxaradaxaana vilaana sitaara senaso taara suai faagut sena Piran.

2 Korin 7:10

A mamaxusan aava Piran a lisane, a puk tapin nami xasena vilaana saat simi e voxo mi taa waan lapaana fakaaxupan e mi taa pife lamon faaxaves sena. Taasaxa mamaxusan aava savat ti la xavala i taa fasavat a maatan.

Galesia 5:6

Senaso lana xuvulaian xuvul pa Krais Yesus, tamo mi vuputuk o piau, pife mo molava. Taasaxa, a mo pelalava a malaan: taara taa faxalit a namkaian sitaara pana vubuxan xasingitaana xasano rabuna.

Hibru 10:34

Mi fo nasam a maasaxan sina mu timi aava ri taxa waan lana vipis e layaan a xasano rabuna ri gei tapin a maana mo simi, mi faamamaas senaso mi texaas o mi toxan a maana mo roxo sena maana mo aave ri taxa waan vulai.

Hibru 10:39

Taasaxa netaara xa, taara pife rabuna ina faatasu xena kawaasanan, piau! Taara mu rabuna pana namkaian e taara taxa waan lapaana fakaaxupan sina Piran.

Hibru 2:3

E netaara vaxa, tamo taara taa langai pesalai sena fakaaxupan lava, taara taa sinuf sena fakasanaman malaafaa? A Memai xa, fo kuusan fasavat a fakaaxupan aanabe' paamua e nari aava ri langaie, ri fo faxalit famatavas netaara o a ferawaian aave a tuuna.

Hibru 5:9

E layaan nane fo savat fatak xasingit, nane xo a fufuna fakaaxupan aava i taa waan vulai xana mu rabuna aava ri langaie e usie.

Hibru 6:10

A Piran a pife mataa ina bit fepuk, nane a fatak paaliu. Mi lamon o i taa maluf a faisok simi, piau! I taa lamon fa'uli a faisok mi fo vile e malaafaa mi faxalit a vubuxan xasingitan simi xana layaan mi xavang a mu fetinan lapaa Krais. E tuuna mi taxa lo vile lunai.

1 Pita 2:11

Kamu fesing, ne faxaar nami: taagul malaan sena mu topen e saxong xuluna xavala aanabe'. E voxo muta femilungai pana mu vubuxanan saat ti la vipin imi, a vubuxanan ina vipin aave ri fuuna rawen xuvul pana xunus ina mataa.

2 Pita 3:1

Kamu fesing; a lagasai aanabe' a faataraguiaana lagasai aava ne fo xaleie e ne fo lisane xe simi. Lana ro lagasai xapiak ne fo faisok pana falamon fa'uliaan nami sena mu vilaana tuuna xena fasavat a lamonan fatak lana putumi.

1 Jon 2:7

Kamu fesing, ne pife xalei a vuputkai fa'ui xe simi. Nabe' a vuputkai ti kavai aava fo waan ti la tangpat. A vuputkai aanabe' a pife patak sena vuputkai ti kavai aava mi fo langaie paamua.

Juut 1:3

Kamu fesing, ne lamon o ne taa kala xe simi pana fakaaxupan sitaara xapiak, taasaxa naboxo ne texaas lana xunus iga o ne taa kala xe simi rao mi taa tigina fatateak e ferawai faroxo sena namkaian sitaara aava Piran fo tavai netaara mu tinoxol, pana. A Piran fo vile xo e i taa pife vil fulane o xul a lamonan sina.