Hibru 6:5 - A Turoxoian Fa'ui Sina Piran

⁵ e ri texaas o a ferawaian sina Piran a roxo senaso ri fo bilai lapaana e ri fo masam a gutan ina mu yaan sina Piran

Kara

⁵ e ri texaas o a ferawaian sina Piran a roxo senaso ri fo bilai lapaana e ri fo masam a gutan ina mu yaan sina Piran

Hibru 6:5 Iomraidhean Croise

Matiu 12:32

Nase' ta mataa a ferawai fasaat sena Natuna Mataa, a Piran taa lamon tapine taasaxa nase' ta mataa aava ferawai fasaat xasena Vovau Xaradak, i taa pife lamon tapinan, la yaan aanabe' e la mu yaan i taa savat.

Maak 6:20

senaso na Herot a mataut se Jon. Nane texaas o na Jon a mataa roxo e a mataa sina Piran e voxo nane tao fatateaxe lana vipis e vaxa na Herot a vubuk langai a ferawaian sina, taasaxa saxano ferawaian sina nane vungut sena malasuf ina.

Luuk 8:13

Nari aava la bina faat, ri langai e ri faamamaas pana Ferawaian aave taasaxa ri piau ta xarei. Ri namkai pana lou modak mon e mui layaan a vavalam a savat ri poxo lana namkaian siri.

Efasis 6:17

Siak a fakaaxupan sina Piran aava xafut a putumi e fun a Ferawaian sina Piran la xunus imi senaso a Ferawaian aave malaan sena pinis modus aava Vovau a tavai nami pana.

Hibru 11:3

Pana namkaian malaan taara masam o a Piran fo kuusan fasavat a vavesaian sina e pana vilaana aanabe' taara texaas o a maana mo taara taxa xalume a savat sena mo taara pife fexaxaas sena xalume.

Hibru 2:5

A Piran pife siak fati a mu angelo xena paamuian a xavala fa'ui aava i taa savat, a xavala aava maam taxa ferawai sena, piau.

Hibru 4:12

A ferawaian sina Piran i taxa to e i taxa faisok. A ferawaian aave a fafangan sena fisa aava ro xasing ina xapiak re fafangan. A ferawaian aave i taa xi a mataa e fexaxaas sena fepatoxan a xunus sena vovau ina; a fexaxaas sena fepatoxan a vuvuxai e a vaveufa ina. A ferawaian aave a fexaxaas sena tiis a mu lamonan sina mataa e maana mu vubuxanan aava ri waan la xunus ina.

1 Pita 2:3

Malaan sena Xakalayan ti Kavai fo kuus: “Nami fatak mi fo masam naboxo o a vubuxanan sina Piran xataara a peraroxo.” Yanganan 34:8.

2 Pita 2:20

Layaan a rabuna ri texaas sena Memai sitaara, na Yesus Krais, a saxa ina fakaxupaan netaara e ri fo sinuf sena lalosaat ti la xavala, e mui ri fe fifius fatateak fulan nari lana vilaana saat e a vilaana aave i taa fa'onam nari; a waanan siri i tafe saat paaliu sena waanan siri ti paamua.