Hibru 4:3 - A Turoxoian Fa'ui Sina Piran

³ Lavaxa, netaara aava taara namkai, taara taa siak a fangaafusan aava Piran fo kuus fanai pana. A mo aanabe' a malaan sena ferawaian sina: “Ne marala e ne fakalimaan faagut malaan: ‘Nari, ri taa pife laak lana nobina aava ne vubuk tavai nari pana xena fangaafusan.’” Yanganan 95:11. Taara texaas o a faisok sina Piran fo taxapus layaan nane vesan xapin a xavala aanabe' taasaxa nane kuus malaan sena fangaafusan xari.

Kara

³ Lavaxa, netaara aava taara namkai, taara taa siak a fangaafusan aava Piran fo kuus fanai pana. A mo aanabe' a malaan sena ferawaian sina: “Ne marala e ne fakalimaan faagut malaan: ‘Nari, ri taa pife laak lana nobina aava ne vubuk tavai nari pana xena fangaafusan.” Yng 95:11 Taara texaas o a faisok sina Piran fo taxapus layaan nane vesan xapin a xavala aanabe' taasaxa nane kuus malaan sena fangaafusan xari.

Hibru 4:3 Iomraidhean Croise

Matiu 13:35

A savat malaan xena faxalit a mo aava mataa ina kuus fatuxai fo ferawai pana: “Layaan ne ferawai xe siri ne taa ferawai paap mon. Ne taa xuus nari pana maana mo aava waan fufunai la tangpat ina maana mo xapiak.” Yanganan 78:2.

Matiu 25:34

“E mui a King aave i taa kuus xe siri mu rabuna la pamuaan sina, ‘Filimaan, nami aava na Tamaang a ferawai fararoxo semi. Filimaan, siak a maana roxoyan ina fatataganan sina aava nane faigotane xami paamuina yaan nane vesan a xavala.

Efasis 1:4

Senaso paamuina yaan a Piran a vil fanei a maana mo xapiak, nane fo siak fati xo netaara xena tigina faxaradak pana piau ta lalosaat la matana sena xuvulaian sitaara xuvul pa Krais.

Hibru 3:11

Nenia, ne marala e ne fakalimaan faagut malaan: ‘Nari, ri taa pife laak lana nobina aava ne vubuk tavai nari pana xena fangaafusan.’” Yanganan 95:7-11.

Hibru 3:14

Senaso taara taxa faxaalit o taara pabung si Krais tamo taara tao fatateak a namkaian aava taara xaveak siaxe fefexaxaas sena yaan ina maatan sitaara saxa saxa.

Hibru 9:26

Tamo malaan, i taa siak a maasaxan xaves ti la yaan ina tangpat ina xavala fefexaxaas tanin. Taasaxa naboxo, layaan a fataxapiak ina mu mariaas a faasilak, nane fo savat faasaxa mon xena vil tapin a faasaalan pana tatavai ina vipin ina xa.

1 Pita 1:20

Paamuina tangpat ina xavala a Piran fo siak fatie, taasaxa lana mu yaan aanabe' nane fasavate xena fangasik nami.