Hibru 4:1 - A Turoxoian Fa'ui Sina Piran

¹ E nabaxa a Piran a tavai netaara pana kuus fanaian sina talo taara fexaxaas sena siak a fangaafusan sina aava nane fo ferawai pana. Lavaxa, mi taa faxatang faroxo senaso pife mo roxo o saxa imi i taa milung e taa pife siak a fangaafusan aava Piran fo kuus fanai pana.

Kara

¹ E nabaxa a Piran a tavai netaara pana kuus fanaian sina talo taara fexaxaas sena siak a fangaafusan sina aava nane fo ferawai pana. Lavaxa, mi taa faxatang faroxo senaso pife mo roxo o saxa imi i taa milung e taa pife siak a fangaafusan aava Piran fo kuus fanai pana.

Hibru 4:1 Iomraidhean Croise

Matiu 24:48

Taasaxa tamo nane ve a sisiak saat i tamaa ilisai, ‘Naak saxa mo taxa tivotan a paamua siak e i taa pife ulaamaan fataapus.’

Faisok 3:19

E voxo tanin, muluk a vilaana saat simi e puk a lamonan simi talo a Piran i taa lamon tapin a maana vilaana saat simi e a Yaan ina Fangaafusan Tuuna i taa savat sena Memai

A Si Pol Lagasai Xe Sina Mu Rom 11:20

A tuuna paaliu, saxano Juda ri pife namkai sena lagasai sina Piran e voxo nane fo patal tapin nari. Taasaxa nami, mi waan pave sena namkaian. E voxo muta lamon falavai nami xa taasaxa suaian faagutan a Piran.

A Si Pol Lagasai Xe Sina Mu Rom 3:23

senaso a mu rabuna xapiak ri fo vil a saat e ri faasaal sena miridingan ina Piran.

1 Korin 10:12

Nase' lamon o i taxa tigina fatateak i taa faxatang ulaa i tamaa poxo.

2 Korin 6:1

Nemaam, maam faisok xuvul pana Piran e maam faxaar nami talo mi taa pife saxam fepalauan a xakaavangan xatam sina.

Galesia 5:4

Nami aava mi buk tigina fatak la matana Piran pana usiaana vuputkai, mi fo xatip tapin nami xa se Krais. Mi ti taaluugan a xakaavangan xatam sina Piran.

2 Timoti 2:13

Tamo taara pife tigina fatateak lana namkaian sitaara, nane taa lo ferawai tuuna vulai senaso pife fexaxaas sena xul a ferawaian sina.”

Hibru 12:15

Faxatang faroxo; muneta puk tapin nami xa xasena xakaavangan xatam sina Piran. E faxatang nami xa, senaso pife roxo a mataa i taa malaan sena wai pana xarei mopaak aava i taa fuaa pana xalana saat e i taa lisan a lagafan xe sina maana rabuna.

Hibru 12:25

Lavaxa, faxatang faroxo e muta lamavaang sena Saxa aava taxa ferawai. Nari, ri fo lamavaang sena saxa aava fo kuusan a lagasai taap sina Piran nabe' la xavala ri pife sinufan a fakasanaman, piau. E mi lamon o taara taa sinufan a tiisan tamo taara taa puk tapin netaara xasena Saxa aava ferawai ti la xunavata, bo?

Hibru 13:7

Lamon fa'uli a mu paamu simi aava ri fo xuus nami pana Lagasai Roxo sina Piran. Lamon fa'uli a mu vilaana ina taagulan siri e vilaana ina maatan siri. Naak, a mo roxo mi taa pok a namkaian siri, bo?

Hibru 3:11

Nenia, ne marala e ne fakalimaan faagut malaan: ‘Nari, ri taa pife laak lana nobina aava ne vubuk tavai nari pana xena fangaafusan.’” Yanganan 95:7-11.

Hibru 4:11

Lavaxa, taara taa tafang faagut xena siak a fangaafusan aave senaso a mo saat paaliu o saxa itaara i taa faasaal malaan sena mu bu Israel aava ri pife namkai.

Hibru 4:9

Taasaxa toxan a yaan taxa waan lunai talo rabuna sina Piran ri taa siak a fangaafusan malaan sena Piran.