Hibru 1:1 - A Turoxoian Fa'ui Sina Piran

¹ Lana maana yaan xaves e pana maana vilaana xaves la mu yaan ti kavai a Piran fo ferawai xe sina mu butaara la ngusuna mu rabuna ina kuus fatuxai.

Kara

¹ Lana maana yaan xaves e pana maana vilaana xaves la mu yaan ti kavai a Piran fo ferawai xe sina mu butaara la ngusuna mu rabuna ina kuus fatuxai.

Hibru 1:1 Iomraidhean Croise

Luuk 1:72

Nane xa a kuus o i taa muluk a mu butaara e i taa lamon fa'uli a turoxoian taap sina aava nane kuus fanai pana xe sina butaara, na Abrahem. Nane kuus o i taa fakaxup netaara xasena xaiyaas sitaara talo taara taa savat sisiak sina lana roxoyan e xaradaxan la maana yaan xapiak sitaara e taara taa pife mataut.

Luuk 24:27

E nane tangpat pana xakalayan si Moses e maana rabuna ina kuus fatuxai xapiak e a xuus famatavas nare pana maana mu palagasai aava waan lana Ferawaian sina Piran sena.

Luuk 24:44

E mui nane xuus nari, “Ne fo xuus fatexaas nami pana maana mo aanabe' layaan ne taxa waan xuvul pami lunai; a maana mo aava ri xaleie lana vuputkai si Moses sega e lana xakalayan sina mu rabuna ina kuus fatuxai e lana mu yanganan sega, ri fo savat la matavas.”

A Lagasai Roxo Na Jon A Xaleie 16:13

Taasaxa layaan a Vovau ina Tuunayan i taa savatmaan i taa faxalit nami pana maana mo xapiak aava ri tuuna sega. Nane i taa pife ferawai lapaana gutan sina sang mon taasaxa maana mo nane langaie i taa xuus nami pana e i taa xuus fatexaas nami pana mu vilaana aava ri pife savat lunai.

A Lagasai Roxo Na Jon A Xaleie 7:22

Na Moses fo fapiti nami pana vilaana ina vuputuk (taasaxa pife savat si Moses, a savat paamua sina mu butaara ti kavai) e a vilaana aanabe' nami vaxa mi fuuna vile la Yaan ina Fangaafusan.

A Lagasai Roxo Na Jon A Xaleie 9:29

Maam texaas o a Piran fo ferawai xe si Moses, taasaxa mataa aanabe' maam vungut sena so ta bina nane filimaan ti lana.”

Faisok 13:32

“Nemaam, maam xuus nami pana Lagasai Roxo: a so ta mo a Piran a kuus fanai pana xe sina mu butaara

Faisok 2:30

Na Devit ve a mataa ina kuus fatuxai e a texaas o a Piran a kuus fanai lapaana isin sina xa o a saxa yaya si Devit i taa nai la vavena nai piranan sina, malaan sena.

Faisok 28:23

Ri lamon pana saxa yaan ina faxuvulan fulaa e layaan a yaan aave a savat, maana rabuna xaves ri maa savat si Pol. Ti la paanen fefexaxaas la vung nane xuus fatexaas nari pana fatataganan sina Piran e a fapiti nari pa Yesus ti lana xakalayan sina rabuna ina kuus fatuxai e a mu vuputkai si Moses.

Faisok 3:21

Taasaxa nane xo taa waan la xunavata fefexaxaas a yaan a Piran i taa vil fafa'ui a maana mo xapiak malaan sena mu rabuna ina kuus fatuxai ri fo kuusan famatavase.

Hibru 11:18

E sena lak aanabe' xo a Piran a xuuse, “Lana pabung si Aisaak no taa toxan a maana bum aava ne fo kuus fanai pana.”

Hibru 11:2

Pana namkaian siri, a mu rabuna ti kavai ri fo siak a kuus faatulaian sina Piran.

Hibru 12:25

Lavaxa, faxatang faroxo e muta lamavaang sena Saxa aava taxa ferawai. Nari, ri fo lamavaang sena saxa aava fo kuusan a lagasai taap sina Piran nabe' la xavala ri pife sinufan a fakasanaman, piau. E mi lamon o taara taa sinufan a tiisan tamo taara taa puk tapin netaara xasena Saxa aava ferawai ti la xunavata, bo?

Hibru 2:2

A mu vuputkai aava mu angelo ri fo kuusan fasavate xe sina mu butaara, ri tuuna paaliu. E nase' ta mataa pife usie o langai pesalai sena, i taa siak a maana fakasanaman aava mu vuputkai fo ferawai pana.

Hibru 2:3

E netaara vaxa, tamo taara taa langai pesalai sena fakaaxupan lava, taara taa sinuf sena fakasanaman malaafaa? A Memai xa, fo kuusan fasavat a fakaaxupan aanabe' paamua e nari aava ri langaie, ri fo faxalit famatavas netaara o a ferawaian aave a tuuna.

Hibru 3:5

Na Moses xa waan fatak lana vepen ina sisiak la palou ina lifu sina Piran e nane kuus fangaasik sena maana mo aava Piran i taa kuusane lumui.

Hibru 4:8

Tamo na Jaasua fo tavai a mu rabuna pana fangaafusan aava Piran a kuus pana, lumui lamina a Piran i taa pife kuus fulaa sena xasa yaan ina fangaafusan.

Hibru 5:5

Pana vilaana malaan na Krais pife siak a ngavuk ina Memai Priis xe xuluna xa. Taasaxa Piran a xuuse: “Nano, no Lak Tomexaan siak, Tanin nenia ne Tamaam.” Yanganan 2:7.

Hibru 9:19

Paamua na Moses a xuus fatexaas a rabuna pana maana vuputkai aava ri waan lana xakalayan ina Vuputkai. E mui nane siak a ria ina bulmakau e mu meme e xukun xuvule pana raarum. E mui pana newai ʻisopʼ aava pisan pana fui vuung ina sipsip a tapalan a ria laa'ui xuluna Xakalayan e xuluna mu rabuna xapiak.