Filipai 2:11 - A Turoxoian Fa'ui Sina Piran

¹¹ e ri taa kuus fasavat o na Yesus Krais ve a Memai e ri taa vil malaane xena tavai a Piran Tamataara, pana isin molava piis.”

Kara

¹¹ e ri taa kuus fasavat o na Yesus Krais ve a Memai e ri taa vil malaane xena tavai a Piran Tamataara, pana isin molava piis.”

Filipai 2:11 Iomraidhean Croise

Matiu 10:32

“Layaan a mataa i taa kuus fasavat la palou ina rabuna o nane namkai sega, nenia, ne taa xuus na Tamaang la xunavata o nane aave a usiau.

Luuk 2:11

Tanin, lana bina si Devit, a Nges Ina Vil Fatato simi fo luxan. Nane ve a Mataa Failai e a Memai simi.

A Lagasai Roxo Na Jon A Xaleie 12:42

Lavaxa, a rabuna xaves e saxanu matalava sina mu Juda sait, ri fo namkai se Yesus taasaxa ri pife kuusane la matavas senaso ri matautan a mu Ferasi ulaa ri tamaa ti votan nari, ri muta laak lana mu lifu ina faxuvulan.

A Lagasai Roxo Na Jon A Xaleie 13:13

Mi fuuna xaliau pana ‘Mataa ina Fepitaa’ e ‘Memai’ e mi kuus tuuna senaso nenia, ne Mataa ina Fepitaa e ne Memai simi.

A Lagasai Roxo Na Jon A Xaleie 13:14

Taasaxa layaan nenia aava Mataa ina Fepitaa e Memai simi, ne taa xamak a mu kami lavaxa, nami sait mi taa fexamaxan a mu kami xa.

A Lagasai Roxo Na Jon A Xaleie 14:13

E a so ta mo mi taa fenung pana lapaana isaak, ne taa vile talo a Natuna i taa siak fati a isina Tamataara.

A Lagasai Roxo Na Jon A Xaleie 14:23

Na Yesus a suie, “Tamo ta mataa i taxa vubuxan xasingitau i taa usi a ferawaian siak e na Tamaang i taa vubuxane. E nemaame taa savat xe sina e taa taagul la xunus ina.

A Lagasai Roxo Na Jon A Xaleie 17:1

Na Yesus a ferawai xapiak pana mo aanabe' e mui nane kaalum xe laa'ui la xunavata e kuus, “Tamaang, a yaan fo savat xo; siak fati a isi Natum talo na Natum taa siak fati a isaam.

A Lagasai Roxo Na Jon A Xaleie 20:28

E na Tomas a suie, “Nano, no Memai siak. No Piran siak.”

A Lagasai Roxo Na Jon A Xaleie 5:23

talo nari mu rabuna xapiak taa suai se Natuna malaan se' ri suai se Tamana. Na Tamana fo feng na Natuna e nase' ta mataa i taa pife suaiane, i taa pife suaian sait na Tamana.

A Lagasai Roxo Na Jon A Xaleie 9:22

Nare, re kuus malaan senaso re matautan a mu matalava Juda. Nari mu matalava Juda ri fo turoxo o tamo ta mataa taa kuus o na Yesus ve a Mataa Failai, lavaxa ri taa ti votan a mataa aave i muta laak lana mu lifu ina faxuvulan.

Faisok 10:36

Mi texaas sena lagasai aava Piran a lisane xe sina mu rabuna ti Israel. A Lagasai Roxo ina luaian aava savat xe sina mu rabuna aava ri namkai se Yesus Krais, nane aava vesan a maana mo xapiak.

Faisok 2:36

“E voxo, nami mu Israel, mi taa texaas se Yesus aava mi fo niil fataxutane laa'ui xuluna bolo, o a Piran a fa'isine pana ro isin molava paaliu; a Memai e na Mataa Failai.”

A Si Pol Lagasai Xe Sina Mu Rom 14:11

A mo aave a tuuna, senaso lokavai, na Aisaia aava mataa ina kuus fatuxai, a kuus malaan: “Nenia ve ne Memai e ne kuus malaan: a mu rabuna xapiak ri taa bukaak la noga e ri taa kuus fasavat o nenia ve ne Piran Tuuna.” Aisaia 45:23.

A Si Pol Lagasai Xe Sina Mu Rom 14:9

Na Krais a maat e a to fa'ulaa talo i taa Memai sina mu rabuna aava ri taxa to e nari aava ri fo maat.

A Si Pol Lagasai Xe Sina Mu Rom 15:9

E vaxa, a mu rabuna aava ri pife Juda, ri taa nangus a Piran sena mamaaluxan sina senaso a Xakalayan Taap a kuus: “Sena mamaaluxan siim ne taa nangus nano pana yanganan layaan ne waan xuvul pana rabuna aava ri pife Juda.” 2 Saamwel 22:50.

1 Korin 12:3

E voxo ne xuus nami o tamo mataa i taxa ferawai lapaana Vovau sina Piran a pife fexaxaas i taa fatutul na Yesus e vaxa pi ta saxa i taa kuus fasavat o “Na Yesus ve a Memai” tamo Vovau Xaradak a pife paamuiane.

1 Korin 15:47

A mataa mata a savat ti la xavala e a Piran a vesane pana pof, taasaxa, a fataraguiaana mataa a savat ti la xunavata.

1 Korin 8:6

taara namkai o taara toxan a Piran saxa mon. Nane ve a tamana maana mo xapiak senaso a vil fanei a maana mo xapiak e taara waan xana. E vaxa a toxan a Memai saxa mon, na Yesus Krais. A Piran a fasavat a maana mo la ma Yesus e nane xo fagut netaara aava taara namkai xena taagul faroxo.

1 Pita 1:21

A Piran a fatatoi fa'uli na Krais ti la maatan e tavaie pana isin lava e lapaa Krais mi namkai sena Piran. E voxo namkaian simi e lamon fanaian simi re waan fatateak xuluna Piran.

1 Jon 4:15

Nase' ta mataa i taa kuus o na Yesus ve a Natuna Piran, lavaxa mataa aave a Piran i taxa taagul xuvul pana e i taxa waan lana fatataganan sina Piran.

1 Jon 4:2

E mi taa texaas sena Vovau sina Piran malaan: a mu vovau aava ri savat sena Piran ri taa kuus turoxo o na Yesus Krais aava luxan malaan sena mataa, fo savat la palou ina rabuna.

2 Jon 1:7

A mu rabuna ina bitan aava ri pife kuus o na Yesus fo mataa xo, ri taxa sangas xolai la xavala. Nari aave, ri mu xaiyaas si Krais e ri taxa lo bit.

Kuusan Fasavatan 3:5

Nase' ta mataa i taa fa'onam a mu vilaana ti la xavala, ne taa tavaie pana marapi pasak e ne taa pife vis tapin a isina ti lana Buuk ina Toyan. Taasaxa ne taa kuus famatavas pana isina e na Tamaang e mu angelo ri taa texaas sena.