Faisok 8:12 - A Turoxoian Fa'ui Sina Piran

¹² Taasaxa layaan a mu rabuna ri langai a ferawaian si Filip pana fatataganan sina Piran e isi Yesus Krais, a mu rabuna tomexaan e lutefin xapiak ri namkai e ri fasufan.

Kara

¹² Taasaxa layaan a mu rabuna ri langai a ferawaian si Filip pana fatataganan sina Piran e isi Yesus Krais, a mu rabuna tomexaan e lutefin xapiak ri namkai e ri fasufan.

Faisok 8:12 Iomraidhean Croise

Matiu 28:19

Falet xo xe sina mu rabuna xapiak la xavala e fapiti nari talo ri taa namkai xena usiau. Fasuf nari lapaana isi Tamaang, a Natuna e a Vovau Xaradak

Luuk 9:2

Nane feng fepatoxan nari xena kuusan fasavat a fatataganan sina Piran e xena vil faroxoiaana mu giisan.

Luuk 9:60

Na Yesus a xuuse, “Nari aava ri maat lana namkaian siri, ri taa xaafan su' a mamaat. E nano, no fe kuusan fasavat a fatataganan sina Piran.”

Faisok 1:3

Lamina maasaxan e maatan sina, na Yesus xo a to fa'ulaa. E nane fa'ipul nari pana xasano vilaana ri pi xaxalume xena faxalit nari o i taxa to tuuna e pife rongan. Lana yaan sangafilu talafaat ri xalum faxavesane e nane xuus nari pana fatataganan sina Piran.

Faisok 11:20

Saxano rabuna ti Saipras e Sairiin ri sivi xe puaa Antiaak e ri fe ferawai xe sina mu Griik vaxa. Ri fapiti nari pana Lagasai Roxo se Memai Yesus.

Faisok 18:8

Na Krispas aava paamua ina lifu ina faxuvulan, nane e a matafetama xapiak sina, ri namkai sena Piran. E maana mu Korin sait aava ri langai si Pol, ri namkai e ri fasufan.

Faisok 19:5

Layaan ri langaie ri namkai se Memai Yesus e ri fasufan lana isina.

Faisok 2:38

Na Pita a sui nari, “Mi taa muluk a maana vilaana saat simi e mi taa puk a lamonan saat simi. E nami xapiak mi taa fasufan lapaana isi Yesus talo a Piran i taa lamon tapin a maana vilaana saat mi fo mo vile. E mui, mi taa siak a tatavai sina Piran aava Vovau Xaradak.

Faisok 2:41

E voxo nari aava ri kuus turoxo pana ferawaian si Pita, ri fasufan. E a xakatan iri fexaxaas sena 3,000.

Faisok 20:21

Ne xuus faagutan a mu Juda e mu Griik xapiak o ri taa puk tapin a vilaana saat siri pana mimilisaatan xe sina Piran e ri taa namkai sena Memai simaam, na Yesus.

Faisok 20:25

“E ne fo falet xolai la palou imi xena fapiti nami pana fatataganan sina Piran. E naboxo ne texaas o piau ta mataa ti la palou imi i taa xalum fulanau.

Faisok 28:31

Nane ferawai pana fatataganan sina Piran e a fepitaa pana Memai Yesus Krais. Nane ferawai pana gutan e pi ta mataa a kuus votane.

Faisok 5:14

E la maana yaan xapiak, a xakatan ina mu rabuna aava ri namkai, taxa lo molava et.

Faisok 8:4

Taasaxa nari aava ri falet xolai xe la mu bina, ri taxa lo kuusan fasavat a Lagasai Roxo se Yesus.

A Si Pol Lagasai Xe Sina Mu Rom 10:10

Senaso mi tigina fatak la matana Piran layaan mi namkai la xunus imi e mi fakaxupan layaan mi kuusan fasavate pana valami.

1 Korin 11:11

Lana waanan sitaara xuvul pana Memai, a tefin e tomexaan ri taa pife waan pasaxa.

Galesia 3:28

E piau ta Griik o Juda, piau ta yaasok o nari aava ri pife yaasok e piau ta tomexaan o lutefin, senaso nami xapiak mi saxa lana xuvulaian xuvul pa Krais.

1 Pita 3:21

A raarum va saxa fakalimaanan aava faxalit netaara pana fasufan aava vilaana ina fakaxupaan nami. A fasufan aanabe' pife ina vil tapin a vusiit la tami, piau. Taasaxa pana fasufan aanabe' mi taxa kuus fanai lapaana Piran pana namkaian simi e sena nanasam roxo simi. A vilaana aanabe' i taxa fakaxup nami lapaana to fa'ulaian si Yesus Krais.