Faisok 7:60 - A Turoxoian Fa'ui Sina Piran

⁶⁰ Lumui nane bukaak e poxo turung xe lapia e a kuus faagut, “Memai, muta sui pengan nari.” E lumui nane poxo e femaat.

Kara

⁶⁰ Lumui nane bukaak e poxo turung xe lapia e a kuus faagut, “Memai, muta sui pengan nari.” E lumui nane poxo e femaat.

Faisok 7:60 Iomraidhean Croise

Matiu 27:52

E a maana bina ina mamaat ri talakas e maana rabuna xaradak sina Piran aava ri fo maat, ri to fa'ulaa ti la mamaat

Matiu 5:44

Taasaxa nenia, ne xuus nami, vubuxan xasingit a mu xaiyaas simi e fenung xe sina Piran talo i taa xavang nari aava ri vil pengan nami.

Luuk 22:41

Nane ta'ulan nari, taasaxa pife lasuun temasaat, e fe bukaak e fenung,

Luuk 23:34

E na Yesus a kuus, “Tamaang, lamon tapin a vilaana saat siri senaso ri vungut sena so ta mo ri taxa vile.” Saxano rabuna ina fevisan ri tapin a faat xena siak a marapi si Yesus.

Luuk 6:28

Ferawai faroxo sena rabuna aava ri fatutul nami e fenung pari aava ri bilai fasaat xe simi.

A Lagasai Roxo Na Jon A Xaleie 11:11

Nane kuus malaan e mui a xuus nari, “A fesing sitaara, na Lasarus, i taxa matef maat, taasaxa nenia, ne taa falet xe pave xena faparayaana.”

Faisok 13:36

“Senaso layaan na Devit a fataxapin a faisok aava Piran a tavaie pana, nane maat. Ri xaafane la ta buna e a tana masiik pave.

Faisok 20:36

Layaan na Pol a fataxapin a ferawaian sina, nari xapiak ri tapiit turung e ri fenung.

Faisok 21:5

Taasaxa layaan a mu yaan simaam a taxapus et, maam ta'ulan nari e falet fulaa. A mu rabuna si Yesus nari lutefin e mu rafulak siri sait, ri falet xuvul pamaam xe lamalei la bina. E pave la gun maam tapiit turung xena fenung.

Faisok 9:40

Na Pita a feng tapin nari xapiak xe lamalei e mui nane tapiit turung e a fenung. Nane tapuk xe sina tefin aava fo maat e a kuus, “Tabita, tamasiak.” Nane tafaangun e layaan a xalum na Pita a nai fatak.

1 Korin 11:30

A vilaana aanabe' a fufuna giisan aava waan la palou imi e saxanofuna ri fo maat xo sena.

1 Korin 15:18

E fulaa a mu rabuna aava ri namkai se Krais e ri fo maat xo, nari vaxa ri milung.

1 Korin 15:20

Taasaxa, a tuuna, a Piran fo fatatoi fa'uli na Krais ti la maatan xena fakalimaan a kuus fanaian xe siri aava ri fo maat xo o a Piran i taa fatatoi fa'uli nari vaxa.

1 Korin 15:51

Langai a tuunayan fufunai aanabe': pife netaara xapiak taara taa maat, piau. Layaan a tafiu fataxapiak i taa rawei taara xapiak, taara taa xuxul fa'ipul, fataapus paaliu malaan sena mataa a fapuruk a matana. E layaan a tafiu i taa rawei a mu mamaat ri taa fatatoi fa'ulian e ri taa pife maat fulaa e netaara xapiak taara taa xulan.

1 Korin 15:6

E mui, lana yaan saxa, a savat sina maana fetinan xaves aava ri xasliu 500. E a xaves iri, ri taxa to lunai e saxanofuna ri fo maat xo.

1 Tesalonaika 5:10

Nane maat pataara e naboxo tamo taara taxa to lunai o taara fo maat xo taara fexaxaas sena taagul xuvul pana.

2 Timoti 4:16

Pi ta mataa a xavangau lana tatafangai mata siak, nari xapiak ri ta'ulanau. Ne nung a Piran o i taa pife tiis nari pana.

2 Pita 3:4

E ri taa kuus, “Nane fo kuus fanai o i taa savat e nane taxa waan faa? A mu butaara fo maat, taasaxa, a maana mo xapiak pife patak sena yaan ina vesanaana xavala, bo?”