Faisok 4:27 - A Turoxoian Fa'ui Sina Piran

²⁷ A tuuna, na Herot nare Ponsus Pailat, a ro memai ti Rom, re fesavat sina mu Rom e mu rabuna ti Israel pe Jerusalem e ri fexuus kasam xena fasivi a Sisiak Xaradak siim, na Yesus aava nano Piran, no fo noxole.

Kara

²⁷ A tuuna, na Herot nare Ponsus Pailat, a ro memai ti Rom, re fesavat sina mu Rom e mu rabuna ti Israel pe Jerusalem e ri fexuus kasam xena fasivi a Sisiak Xaradak siim, na Yesus aava nano Piran, no fo noxole.

Faisok 4:27 Iomraidhean Croise

Matiu 14:1

Lana yaan aave na Herot taxa paamuian a mu bina pe Galili e a langai pana maana mo na Yesus taxa vile

Matiu 14:3

Na Herot a lamon malaanabe' senaso paamua nane fo xuus a mu rabuna sina o ri taa tao na Jon e pis fawaane la bina ina vipisan. Nane vil malaane senaso a tamai si Herodias aava naasa tina, na Filip.

Matiu 14:6

Taasaxa layaan na Herot xo a toxan a matafanganai sena yaan ina luluuxan sina, nane punuxe. A savat malaanabe': a lak tefin si Herodias a tia faamamaas la matana rabuna pave e na Herot a faamamaas paaliu sait

Matiu 21:28

“Lavaxa, mi lamon malaafaa? A toxan a mataa aava toxan a ro lak tomexaan. Nane falet xe sina lak tuaan e xuuse, ‘Kalak, fe faisok la uma siak tanin.’

Matiu 23:37

“Nami mu Jerusalem, nami mu Jerusalem! Mi punuk a mu rabuna ina kuus fatuxai e mi soxoi famaat a mu fefeng sina Piran pana faat! A maana yaan xaves ne vubuk fakaliuan nami pana maak malaan sena pura tefin a faxuvul a mu rafulak sina lapaana ro xakavena taasaxa mi pife turoxoianau xena vile.

Matiu 27:2

Ri pise e ri lisane xe si Pailat aava paamuian a bina pave lapaana paamua lava ti Rom.

Maak 10:33

Nane xuus nari malaan, “Mi langai. Layaan taara taa laak saa xe Jerusalem a mu rabuna ri taa yot a Natuna Mataa e ri taa lisane xe sina mu paamua ina faxatangaana lotu. E nari, ri taa sei pana punuxaana e ri taa lisane xe sina paamua sina mu Rom.

Maak 15:31

E a mu memai priis sait xuvul pana mu rabuna aava fepitaa pana mu vuputkai, ri merao e ri fesuaxan pengane malaan, “Nane fexaxaas sena xavang a xasano rabuna taasaxa a sou pife fexaxaas sena xavang nane xa?”

Luuk 1:35

A angelo aave a suie, “A Vovau Xaradak i taa savat siim e a gutan sina Piran pana Isin Molava Paaliu i taa xafut nano. E no taa luk a Lak Xaradak e ri taa xalie pa Natuna Piran.

Luuk 22:63

A rabuna ina fevis aava ri faxatang na Yesus, ri suaxane e ri sipe.

Luuk 23:1

E mui a faxuvulan ina rabuna aave ri tamasiak e ri lisan na Yesus xe si Pailat.

Luuk 4:18

“A vovau sina Piran a xafutau senaso nane fo noxolau xena kuusan fasavat a Lagasai Roxo xe sina mu valagof. Nane fengau xena kuus fatexaas o nari aava ri vipis ri taa mulus tapinan; a mu mata piif ri taa kaalum fulaa e a mu rabuna aava ri waan lapaana gutan sina xaiyaas siri ri taa ta'ulai xaseri

Luuk 9:22

E a kuus, “A Natuna Mataa i taa maasak faagut pana maana mo xaves e mu paamua priis, mu matalava e a mu rabuna ina fepitaa pana vuputkai, ri taa tisuie e punuxe. E la fatalatulaana yaan i taa fatatoi fa'ulian.”

A Lagasai Roxo Na Jon A Xaleie 1:11

Nane fo savat xe sina maana rabuna sina, taasaxa ri pife fesuaiane.

A Lagasai Roxo Na Jon A Xaleie 10:36

E naboxo xe sina mataa aava Piran fo bure e fo fenge xe la xavala, naboxo mi xuuse o ‘No ferawai fasaat sena Piran aava taap’ senaso ne kuus o ‘Nenia ne Natuna Piran?’

A Lagasai Roxo Na Jon A Xaleie 18:28

Lavaxa, la paanen lolof xo a mu Juda ri ta'ulan a lifu si Kaiafas e ri lisan na Yesus xe la lifu sina paamua lava ti Rom. A mu Juda ri bai laak lana lifu la yaan aapave senaso ri lamon tamo ri taa laak a lalosaat sina mu topen i taa waan la tari e ri pife fexaxaas sena fangan la Fenamo ina Paaliuan.

A Lagasai Roxo Na Jon A Xaleie 18:29

E voxo na Pailat a savat xe siri lamalei e fin nari, “A so ta vilaana mi taxa gel tifi a mataa aanabe' pana?”

A Lagasai Roxo Na Jon A Xaleie 19:34

Taasaxa saxa mataa ina rawen a xie la usik ina pana tol. E la noyaan aave xa, a ria e a raarum a talatiu xe la pia.

Faisok 10:38

Mi texaas o a Piran a noxol na Yesus ti Nasaret pana Vovau Xaradak e gutan. E na Yesus a falet xolai pana vilaana roxo e nane mulus tapin a mu rabuna xapiak aava ri sisiak si Setan. Nane vile senaso a Piran a waan xuvul pana.

Faisok 2:27

senaso no taa pife ta'ulanau lana bina ina mamaat.’ E vaxa malaan laa, ‘A mataa failai siim taa pife masiik.

Faisok 4:30

Talangaimaan xe simaam pana gutan xena vil faroxoiaana rabuna e xena vil fasavat a mo fa'ipul e maana fakalimaanan lapaana isin sina Sisiak Xaradak siim, na Yesus.”

Hibru 7:26

Lavaxa, nabe' ve a mo roxo paaliu xataara, o na Yesus a Memai Priis sitaara. Senaso nane a fatak xasingit, piau ta lalosaat xuluna e pi ta vilaana saat la xunus ina. A Piran fo siak pataxe sena mu rabuna saat e fo yaas falaxe xe pe laa'ui la xunavata.