Faisok 3:4 - A Turoxoian Fa'ui Sina Piran

⁴ E na Pita xuvul pa Jon re xalum fatateaxe e na Pita a xuuse, “Xalum fatateak nemaame.”

Kara

⁴ E na Pita xuvul pa Jon re xalum fatateaxe e na Pita a xuuse, “Xalum fatateak nemaame.”

Faisok 3:4 Iomraidhean Croise

Luuk 4:20

Lamina kataana, nane fulus a Lagasai aave e a tavai a saxa fefeng la lifu ina faxuvulan pana. E bak a nai xena fepitaa. A mu rabuna xapiak lana lifu ina faxuvulan ri kaalum fatateak xe sina.

A Lagasai Roxo Na Jon A Xaleie 11:40

Na Yesus fine, “Ne fo xuus nano paamua e bo, o tamo no taa namkai sega no taa xalum a gutan sina Piran?”

A Lagasai Roxo Na Jon A Xaleie 5:6

Layaan na Yesus a xalume, nane texaas o a mataa aave fo waan lokavai paaliu e a xuuse, “No vubuk roxo fulaa?”

Faisok 10:4

Na Kornilius a xalum fatateaxe pana matautan e a fiai, “Rao no sou Memai?” A angelo a suie, “A fenungan siim e mu tatavaian siim xe sina mu rabuna valagof, ri fo fafaamamaas a Piran e nane lamon fa'uli nano.

Faisok 11:6

Ne kaalum lana e maana buk tiir xaves ri taxa waan: a mu tiir pana kana talafaat, a mu vupung e a maana mo fafaalis e lilif.

Faisok 3:1

Saxa yaan faasilak leaaf, la 3 oklok, na Pita nare Jon re taxa laak xe lana tang lifu lotu xena fenung xe sina Piran.

Faisok 3:11

Lavaxa, a mataa tamu maalapen i taxa doxot xolan na Pita nare Jon e a mu rabuna ri ipul faagut e ri falapukmaan xe sirutul lana saxa nobina ina tang lifu lotu aava ri xalie pana Bina si Solomon.

Faisok 3:12

Layaan na Pita a xalum a ipulan sina mu rabuna, nane xuus nari, “Mu Israel, senasou mi xalum fatateak nemaatul? Naak mi lamon o maame fo vil fasasangas a mataa aanabe' pana gutan o roxoyan simaame, bo? Piau!

Faisok 3:3

Layaan nane xalum na Pita nare Jon re taxa laak vaxa, nane fin nare pan' ta faat.

Faisok 3:5

E voxo, a maalapen a xalum fatateak nare senaso nane lamon o re taa tavaie pana saxa mo.