Faisok 3:1 - A Turoxoian Fa'ui Sina Piran

¹ Saxa yaan faasilak leaaf, la 3 oklok, na Pita nare Jon re taxa laak xe lana tang lifu lotu xena fenung xe sina Piran.

Kara

¹ Saxa yaan faasilak leaaf, la 3 oklok, na Pita nare Jon re taxa laak xe lana tang lifu lotu xena fenung xe sina Piran.

Faisok 3:1 Iomraidhean Croise

Matiu 17:1

A yaan pisaxa lumui na Yesus a xel patak na Pita e ro fetinan Jems nare Jon e a paamuian narutul xe laa'ui paaliu la put e ri waan nari sang mon.

Matiu 26:37

Nane xel faxuvul na Pita e a ro lak tomexaan si Sebedi e ri falet patak famodak e nane mimilisaat falet e maasak faagut lana xunus ina.

Matiu 27:45

La paanaas, faasilak la belo, a bina xapiak fesuk pana awa talatul.

Luuk 1:10

La yaan ina faramaana xo a savat e mu rabuna aava ri savat xena nangus a Piran, ri taxa faxuvul lamalei e ri taxa fenung.

Luuk 18:10

e a kuus, “A rovaat tomexaan re laak xe lana tang lifu lotu xena fenung xe sina Piran. A saxa mataa ve a Ferasi e a xasafuna ve a mataa ina siak taakis.

Luuk 22:8

E na Yesus a feng na Pita nare Jon pana fefasaian aanabe', “Falet e fe faigotan a fenamo ina Paaliuan talo taara fexaxaas sena fangan.”

Luuk 24:53

E ri waan vulai lana lifu lotu e ri fuuna kuus faasiroxo vulai xe sina Piran.

A Lagasai Roxo Na Jon A Xaleie 21:7

E a yaamut aava na Yesus a vubuxan xasingite a xuus na Pita, “A Memai ve!” Layaan na Saimon Pita a langai, ʻA Memai veʼ, fataapus paaliu nane falak a ʻsiotʼ sina (senaso nane muluse la yaan ina faisok) e lalaas du lana laman.

Faisok 10:3

Saxa paanaas, faasilak leaaf, nane xalum a xaxaalua. Nane xalum famatavas saxa angelo sina Piran aava savat sina e a kuus, “Kornilius!”

Faisok 10:30

Na Kornilius a kuus, “A yaan talatul fo falet e nenia, ne taxa fenung la lifu siak la leaaf e lana fenungan siak a mataa pana marapi pasak paaliu a tigina fa'ipul la noga

Faisok 2:46

La maana yaan ri taxa lo faxuvul pe la tang lifu lotu e ri fangan xuvul pe la lifu siri pana vilau roxo.

Faisok 3:3

Layaan nane xalum na Pita nare Jon re taxa laak vaxa, nane fin nare pan' ta faat.

Faisok 3:4

E na Pita xuvul pa Jon re xalum fatateaxe e na Pita a xuuse, “Xalum fatateak nemaame.”

Faisok 4:13

Layaan ri xalum na Pita nare Jon re pife mataut, ri ipulan a vilaana sire senaso ri texaas o nare, re pi ta texaasan, re rovaat palau mon. E mui, ri lamon fa'uli a rovaat aave o re fo waan xuvul pa Yesus.

Faisok 5:25

Layaan a mu matalava ri taxa fexuus, saxa mataa maa savat siri e a xuus fatexaas nari, “A mu rabuna aava mi fo yot nari lanef, ri taxa waan la tang lifu lotu laa e ri taxa fapiti fulan a rabuna.”

Faisok 8:14

Layaan a mu yaamut pe Jerusalem si ri langai o a mu Sameria ri namkai sena ferawaian sina Piran, ri feng na Pita nare Jon xe siri.

Galesia 2:9

Na Jems, Pita e na Jon, narutul aava mu rabuna ri texaas sena isin lava sirutul lana lotu, rutul suai e yuuf ma xuvul pamaame Baanabas layaan rutul taraxali o a Piran fo siak fatiau e fo tavaiau pana xakaavangan xatam xena faisok aanabe'. Ri turoxo o maame taa falet xe sina mu rabuna aava ri pife Juda e nari, ri taa falet xe sina mu Juda.