Faisok 2:30 - A Turoxoian Fa'ui Sina Piran

³⁰ Na Devit ve a mataa ina kuus fatuxai e a texaas o a Piran a kuus fanai lapaana isin sina xa o a saxa yaya si Devit i taa nai la vavena nai piranan sina, malaan sena.

Kara

³⁰ Na Devit ve a mataa ina kuus fatuxai e a texaas o a Piran a kuus fanai lapaana isin sina xa o a saxa yaya si Devit i taa nai la vavena nai piranan sina, malaan sena.

Faisok 2:30 Iomraidhean Croise

Matiu 22:43

E nane xuus nari, “Senasou na Devit, layaan a Vovau sina Piran a fagute, a xalie pana ‘Memai’ e kuus malaan:

Matiu 27:35

Layaan ri fo niil fataxutane xena punuxaana, ri tapin a faat xena texaas o nase' taa siak a marapi sina.

Maak 12:36

Na Devit sang a ferawai lapaana Vovau Xaradak: “‘A Piran a kuus xe sina Memai siak: no nai su' la pamuaan siak fefexaxaas a yaan ne timin a mu xaiyaas siim lapaana kaam.’ Yanganan 110:1.

Luuk 24:44

E mui nane xuus nari, “Ne fo xuus fatexaas nami pana maana mo aanabe' layaan ne taxa waan xuvul pami lunai; a maana mo aava ri xaleie lana vuputkai si Moses sega e lana xakalayan sina mu rabuna ina kuus fatuxai e lana mu yanganan sega, ri fo savat la matavas.”

Faisok 1:16

a kuus malaan, “Mu fetinan, a paferawaian sina Piran aanabe' a savat tuuna la matavas, a ferawaian se Judas aava Vovau sina Piran a kuus fatuxai pana la ngusu Devit. Na Judas aanabe' a paamuian a mu rabuna aava ri yot na Yesus.

A Si Pol Lagasai Xe Sina Mu Rom 1:3

Nane ve, lana vipin matatuuna sina, a bu Devit aava ʻkingʼ lava sina mu Juda.

A Si Pol Lagasai Xe Sina Mu Rom 15:12

E na Aisaia a kuus malaan: “Saxa i taa savat ti la pabung si Jesi aava tama Devit xena paamuian a mu rabuna xapiak. E nari aava ri pife Juda, ri taa waan bang fatateak a maana mo roxo aava Piran fo kuus o i taa vile xana rabuna sina.” Aisaia 11:10.

2 Timoti 2:8

Lamon fa'uli na Yesus Krais aava to fa'ulaa ti la mamaat e savat xena fakaxup netaara. Nabe' a Lagasai Roxo siak e ne taxa maasak faagut sena. Ri fo bugutau malaan sena mataa saat. Taasaxa Ferawaian sina Piran xo pife bugutan.

Hibru 1:1

Lana maana yaan xaves e pana maana vilaana xaves la mu yaan ti kavai a Piran fo ferawai xe sina mu butaara la ngusuna mu rabuna ina kuus fatuxai.

Hibru 3:7

E voxo malaan sena Vovau Xaradak a kuus: “Tanin, tamo mi langai a ling ina Piran,

Hibru 4:7

A Piran a faxalit netaara pana lalamonan aanabe' senaso nane siak fati a xasa yaan aava nane taxa xalie pana “tanin”. Mui layaan a mu mariaas xaves fo falet nane kuusan fulane la ngusu Devit layaan nane kala lana Xakalayan ti Kavai malaan: “Tanin, tamo mi langai a ling ina Piran muneta fatavanat a lamonan simi.” Yanganan 95:7-8.

Hibru 6:17

E vaxa, nari aava ri taa siak a kuus fanaian sina Piran, nane vubuk o ri taa masam faagut o nane pi xuxul a lamonan sina e voxo nane fo timin a fakalimaanan sina xuluna kuus fanaian sina.

Hibru 7:21

Taasaxa na Yesus a savat priis lapaana kuus fakalimaanan sina Piran senaso nane fo kuus: “Na Matalava Piran fo ferawai pana fakalimaanan tateak e i taa pife xul fulane: ‘No taa waan priis xe vulai, vulai.’” Yanganan 110:4.

2 Pita 1:21

Senaso piau ta kuus fatuxaian a savat ti lana lamonan sina mataa, piau. Taasaxa, a mataa i taa kuus fatuxai pana ferawaian sina Piran lapaana gutan sina Vovau Xaradak mon.

Kuusan Fasavatan 17:14

E nari xapiak, ri taa fevis xuvul pana Natuna Sipsip, taasaxa Natuna Sipsip i taa fa'onam nari senaso nane a Memai sina mu Memai e a Piran King sina mu piran king. E a rabuna u'usi sina ri taa tigina xuvul pana senaso nane fo siak fati nari e xali nari pana rabuna lalangai.”

Kuusan Fasavatan 19:16

E xuluna marapi sina e xuluna kana xe laa'ui nane toxan a saxa isin a xaleian malaan: “A Piran King Paamua sina mu piran king e Memai Paamua sina mu memai.”