Faisok 2:24 - A Turoxoian Fa'ui Sina Piran

²⁴ Nami xa, mi punuxe. Taasaxa Piran xo a fatatoi fa'ulie e mulus tapine sena maasaxan ina maatan senaso a maatan a pi ta gutan fexaxaas xena tao fatateak vulan na Yesus.

Kara

²⁴ Nami xa, mi punuxe. Taasaxa Piran xo a fatatoi fa'ulie e mulus tapine sena maasaxan ina maatan senaso a maatan a pi ta gutan fexaxaas xena tao fatateak vulan na Yesus.

Faisok 2:24 Iomraidhean Croise

Matiu 27:63

e ri kuus, “Matalava, maam lamon fa'uli a ferawaian sina mataa ina bitan aave. Layaan i taxa to lunai a kuus, ‘Lamina yaan talatul ne taa to fa'ulaa.’

A Lagasai Roxo Na Jon A Xaleie 10:18

Piau ta mataa i taa siak tapin a toyan siak, piau. Nenia fatak xa, ne turoxo pana. Ne toxan a gutan fexaxaas xena lisan a toyan siak e ne toxan a gutan fexaxaas xena siak fa'ulie vaxa. A mo aanabe' na Tamaang a xuusau o ne taa vile.”

A Lagasai Roxo Na Jon A Xaleie 10:35

Nane xali nari aava ferawaian sina Piran a savat xe siri, pana mu piran. E mi pife fexaxaas sena vis tapin a ferawaian sina Piran, bo?

A Lagasai Roxo Na Jon A Xaleie 12:39

Ri pife fexaxaas sena namkai senaso na Aisaia a kuus fulaa:

A Lagasai Roxo Na Jon A Xaleie 20:9

Taasaxa nare xapiak re pife masam faroxo pana Xakalayan ti Kavai aava kuus o na Yesus i taa to fa'ulaa sena maatan.

Faisok 1:16

a kuus malaan, “Mu fetinan, a paferawaian sina Piran aanabe' a savat tuuna la matavas, a ferawaian se Judas aava Vovau sina Piran a kuus fatuxai pana la ngusu Devit. Na Judas aanabe' a paamuian a mu rabuna aava ri yot na Yesus.

Faisok 13:30

Taasaxa Piran a fatatoi fa'ulie ti la maatan.

Faisok 13:37

Taasaxa, a saxa aava Piran a fatatoi fa'ulie ti la maatan, a pife masiik.

Faisok 17:31

Senaso nane fo lamon faati sena yaan layaan a mataa aava nane fo fatie, i taa tiis a mu rabuna xapiak pana roxoyan. Nane fo faxalit a mu rabuna xapiak pana layaan nane fatatoi fa'uli a mataa aave ti la maatan.”

Faisok 2:32

E lana yaan aanabe' a Piran a fatatoi fa'uli na Yesus e nemaam xapiak xa, maam xalume.

Faisok 3:15

E mi punuk a mataa aava tavai netaara pana toyan tuuna, taasaxa Piran a fatatoi fa'ulie ti la maatan. E maam xalum tuuneie.

Faisok 3:26

Layaan a Piran a siak fati a sisiak sina, nane fenge xe simi paamua. E nane taa fafaamamaas nami layaan a puk tapin nami xasena maana vilaana saat simi.”

Faisok 4:10

Lavaxa, maame vubuk o nami e mu rabuna xapiak ti Israel, mi taa texaas o mi fo punuk na Yesus Krais ti Nasaret, taasaxa Piran a fatatoi fa'ulie ti la maatan. E lapaana gutan si Yesus naboxo a mataa naang taxa tigina la matami e fo roxo xapiak.

Faisok 5:30

A Piran sina mu tamataara fo fatatoi fa'uli na Yesus ti la maatan, nane aava nami fo punuxe layaan mi niile xuluna bolo.

A Si Pol Lagasai Xe Sina Mu Rom 10:9

A fepitaian simaam a malaan: layaan no kuus fasavat o “Yesus ve a Memai” e layaan mi namkai la xunus imi o a Piran a fatatoi fa'ulie ti la mamaat - lana yaan fatak aave a Piran i taa fakaxup nami.

A Si Pol Lagasai Xe Sina Mu Rom 14:9

Na Krais a maat e a to fa'ulaa talo i taa Memai sina mu rabuna aava ri taxa to e nari aava ri fo maat.

A Si Pol Lagasai Xe Sina Mu Rom 4:24

Ri waan xena xavang netaara aava Piran taa xali netaara pana rabuna fatak; netaara aava taara namkai o a Piran a fatatoi fa'uli na Yesus, a Memai sitaara, ti la mamaat.

A Si Pol Lagasai Xe Sina Mu Rom 6:4

Taara fo xaafanan xuvul pa Krais layaan taara fasufan e vaxa taara fo faadoxotanan xuvul pana lana maatan sait. E a Piran aava na Tamataara a faxalit a miridingan molava sina layaan a fatatoi fa'uli na Krais ti la mamaat e nane vubuk o taara taa taagul pana toyan fa'ui sait.

A Si Pol Lagasai Xe Sina Mu Rom 8:11

E tamo a Vovau sina Piran aava fatatoi fa'uli na Yesus ti la maatan, a waan la xunus imi, a Piran naang i taa tamana fatatoi fa'uli a vipin simi vaxa, sena gutan ina Vovau sina aava waan la xunus imi.

A Si Pol Lagasai Xe Sina Mu Rom 8:34

E pi ta saxa i taa xuus a Piran o i taa fakasanam netaara senaso taara vupuno. Na Yesus Krais aava maat, fo siak xo a fakasanaman aave. E vaxa, a Piran a fatatoi fa'ulie ti la mamaat e naboxo i taxa nai la vepen lava la pamuaan sina Piran e i taxa fenung xe sina o i taa xavang vulan netaara.

1 Korin 15:12

Naboxo, senaso maam kuusan fasavat a to fa'ulaian si Krais ti la mamaat malaafaa saxanofuna la palou imi ri kuus o a mu mamaat ri taa pife to fa'ulaa?

1 Korin 15:15

E fulaa, maam bit tifi a Piran senaso maam fo kuus o nane fatatoi fa'uli na Krais ti la mamaat. Taasaxa tamo tuuna o a Piran i taa pife fatatoi fa'uli a mu mamaat, lavaxa a pife fatatoi fa'uli na Krais sait.

1 Korin 15:20

Taasaxa, a tuuna, a Piran fo fatatoi fa'uli na Krais ti la maatan xena fakalimaan a kuus fanaian xe siri aava ri fo maat xo o a Piran i taa fatatoi fa'uli nari vaxa.

1 Korin 15:4

E ri xaafane e lamina yaan talatul a Piran a fatatoi fa'ulie ti la maatan, malaan sena Xakalayan Taap a kuus pana.

1 Korin 6:14

A Piran a fatatoi fa'uli a Memai ti la maatan pana gutan sina e i taa fatatoi fa'uli netaara vaxa pana gutan naang.

2 Korin 4:14

senaso maam texaas o nane aava fatatoi fa'uli na Memai Yesus ti la mamaat, i taa fatatoi fa'uli nemaam vaxa xuvul pa Yesus e i taa faxuvul nemaam xuvul pami la matana.

Galesia 1:1

Nenia na Pol: ne saxa yaamut senaso a Piran aava na Tamataara e na Yesus Krais aava Piran a fatatoi fa'ulie ti la maatan, nare xapiak re fo siak fatiau xena ngavuk aave. Pi ta mataa a noxolau e pi ta mataa a siak fatiau, piau.

Efasis 1:20

aava nane faisok lapaana layaan a fatatoi fa'uli na Krais ti la maatan e faneie la pamuaan sina, a vepen pelalava la xunavata.

Kolaasi 2:12

Mi fo xaafanan xuvul pana layaan mi fo fasufan e mi to fa'ulaa xuvul pana senaso mi namkai o a Piran aava fatatoi fa'uli na Yesus ti la maatan, nane toxan a gutan xapiak.

1 Tesalonaika 1:10

e malaafaa mi taxa waan bang a Natuna aava i taa filimaan ti la xunavata, na natuna, na Yesus aava nane fatatoi fa'ulie ti la mamaat. E na Yesus xo a fakaxup netaara xasena maraleian molava sina Piran aava i taa filimaan.

Hibru 13:20

Pana tatavai ina maatan sina na Yesus fo fatamasiak a turoxoian xe vulai, vulai. E pana ria ina turoxoian vulai a Piran fo fatatoi fa'uli na Memai Yesus sitaara ti la maatan, nane ve a Mataa Fatak ina Faxatang a mu sipsip. E ne vubuk rao a Piran ina Daarum i taa tavai nami pana maana mo xapiak aava ri roxo xena usi a vubuxanan sina. E fulaa ne vubuk o lapaa Yesus Krais, a Piran i taa faisok lana xunus itaara pana so ta mo aava i taa fananame talo taara taa faatulan a isi Krais xe vulai, vulai. A tuuna paaliu.

Hibru 2:14

A rafulak sina Piran ri rabuna tuuna pana meska e ria e voxo na Yesus xa fewaan malaan seri e toxan a meska e ria ina mataa tuuna sait. Nane vil malaane talo pana maatan sina i taa kawaasan xapin a faisok si Setan aava toxan a gutan ina maatan.

1 Pita 1:21

A Piran a fatatoi fa'uli na Krais ti la maatan e tavaie pana isin lava e lapaa Krais mi namkai sena Piran. E voxo namkaian simi e lamon fanaian simi re waan fatateak xuluna Piran.

Kuusan Fasavatan 1:18

Nenia, ne taxa to taasaxa paamua ne maat e naboxo ne toxan a toyan xe vulai. E ne toxan a ʻkiʼ taragua, saxa ina Maatan e saxa ina bina lapaana xavala aava ri xalie pana ʻHelʼ.