Faisok 2:23 - A Turoxoian Fa'ui Sina Piran

²³ E a Piran xo lana texaasan e vubuxanan sina, a texaas o mi taa yot na Yesus. E nami, pana xakaavangan sina mu rabuna saat, mi punuxe layaan mi niil fataxutane laa'ui xuluna bolo.

Kara

²³ E a Piran xo lana texaasan e vubuxanan sina, a texaas o mi taa yot na Yesus. E nami, pana xakaavangan sina mu rabuna saat, mi punuxe layaan mi niil fataxutane laa'ui xuluna bolo.

Faisok 2:23 Iomraidhean Croise

Matiu 20:19

E ri taa lisane xe sina mu rabuna aava ri pife Juda e nari xo ri taa suaxane e inise pana yeis tuturuk e niil fataxutane xuluna bolo xena punuxe taasaxa la fatalatulaana yaan mui a Piran i taa fatatoi fa'ulie ti la maatan.”

Matiu 26:24

A Natuna Mataa i taa maat malaan sena Xakalayan Taap a ferawai pana, taasaxa i taa pife falet faroxo pana saxa aava pet lisan a Natuna Mataa! I taa mo roxo paaliu pana mataa aave tamo na ninana pife luxe!”

Matiu 27:35

Layaan ri fo niil fataxutane xena punuxaana, ri tapin a faat xena texaas o nase' taa siak a marapi sina.

Maak 15:24

E voxo ri niil fataxutane xuluna bolo. E ri fepatoxan a mu marapi sina pana fetafangai pana faat, talo nase' i taa savat paamua i taa siak a saxa mo.

Luuk 22:22

A Natuna Mataa i taa maat senaso a Piran xa fo lamon faati pana, taasaxa ne taxa muluk marasaxain a saxa aava i taa pet lisanau.”

Luuk 22:37

A Xakalayan Taap a kuus, ‘Ri xalie pana mataa fafaasaal.’ Aisaia 53:12. A mo aanabe' i taa savat la matavas sega. Aang, a lagasai sega i taxa savat la matavas monabe' mon.”

Luuk 23:33

Layaan ri savat la bina aava ri xalie pana veng, ri niil fataxutan na Yesus xuluna bolo e a ro mataa saat la nu itina, saxa la pamuaan e saxa la paxaiya.

Luuk 24:20

E mu paamua priis e mu matalava sitaara ri yot lisane xe sina paamua ti Rom xena punuxaana e nari, ri niil fataxutane.

A Lagasai Roxo Na Jon A Xaleie 19:18

E pave ri niil fataxutane. Ri niil fataxutan a xasaro mataa sait e ri fatiginei nare la ro xasing ina bolo si Yesus.

A Lagasai Roxo Na Jon A Xaleie 19:24

E voxo ri ferawai sena, “Taara taa pife ririxe taasaxa taara taa fetafangai pana faat talo taara taa texaas o nase' taa siaxe.” Ri vil malaane e voxo ri fasavat tuunei a xakalayan aava kuus malaan: “Ri fepatoxan a mu marapi siak la palou iri e ri fetafangai pana faat xena texaas o nase' i taa siak a ʻsiotʼ siak.” Yanganan 22:18.

Faisok 13:27

A rabuna ti Jerusalem e a mu paamua siri, ri ngalngolan na Yesus e vaxa ri pife masam sena ferawaian sina mu rabuna ina kuus fatuxai aava ri fuuna kate la maana Yaan ina Fangaafusan saxa saxa. Taasaxa ri fasavat a ferawaian sina mu rabuna ina kuus fatuxai layaan ri punuxe.

Faisok 15:18

A Piran aava fasavat a maana mo aanabe' la matavas, fo kuus malaan.” Emos 9:11-12.

Faisok 2:36

“E voxo, nami mu Israel, mi taa texaas se Yesus aava mi fo niil fataxutane laa'ui xuluna bolo, o a Piran a fa'isine pana ro isin molava paaliu; a Memai e na Mataa Failai.”

Faisok 3:18

Taasaxa lumua, a mu rabuna ina kuus fatuxai ri fo kuus o a Mataa Failai sina Piran i taa maasak faagut.” E tanin a mo aanabe' fo savat tuuna la matavas.

Faisok 4:28

Lana gutan e texaasan siim a so ta mo no lamon faati o i taa savat, nari xo, ri fo fasavate.

Faisok 5:28

“Maam fo kuus bukan nami o mi muta fepitaa fulaa pana isin aanabe'. Taasaxa mi fo yuuf a rabuna xaves ti Jerusalem pana fepitaian simi. Naak mi taxa vubuk timin a maatan sina mataa aanabe' xulumaam, bo?”

Faisok 5:30

A Piran sina mu tamataara fo fatatoi fa'uli na Yesus ti la maatan, nane aava nami fo punuxe layaan mi niile xuluna bolo.

Faisok 7:52

A mu bumi ti kavai ri vil pengan a mu rabuna ina kuus fatuxai saxa saxa, bo? E ri punuk nari aava ri kuusan fasavat a filimaanan sina Sisiak Xaradak sina Piran aava na Yesus. E naboxo, nami, mi malaan seri, mi pet lisane e mi punuxe.

A Si Pol Lagasai Xe Sina Mu Rom 2:12

A maana rabuna aava ri pife Juda, ri piau ta vuputkai aava savat la ngusu Moses. Taasaxa, layaan ri faasaal sena, lunai a Piran a kuus o ri vupuno e i taa kawaasan xapin nari naapalaan ri piau ta vuputkai. E a mu Juda aava ri toxan a vuputkai sina Piran, layaan ri faasaal sena, a Piran i taa kuus o nari vaxa ri vupuno e i taa kawaasan xapin nari senaso ri toxane taasaxa ri pife usi faroxoie.

A Si Pol Lagasai Xe Sina Mu Rom 4:17

Senaso a Xakalayan Taap a kuus, “Ne fo fakalimaan nano xena tamana mu rabuna xaves.” Tangpat 17:5. E voxo na Abrahem va tamataara la matana Piran aava nane namkai sena; a Piran aava fatatoi fa'uli a mu mamaat e kuus pana mo, paamuina savatan ina, malaan sena fo savat xo.

1 Tesalonaika 2:15

E mu Juda aave vaxa ri punuk na Memai Yesus e mu rabuna ina kuus fatuxai e ri xup tapin nemaam vaxa. A Piran a pife faamamaas paaliu pari e ri xaiyaas sina mu rabuna xapiak!

1 Pita 1:2

A Piran aava na Tamataara, fo texaas paamua o i taa xel nami xe lana faisok ina faxaradaxan sina Vovau Xaradak talo mi taa usi fatak na Yesus Krais e mi taa fasufan lapaana ria ina. Ne vubuk o a xakaavangan xatam sina e a luaian re taa xafut xapin nami xapiak.

1 Pita 1:20

Paamuina tangpat ina xavala a Piran fo siak fatie, taasaxa lana mu yaan aanabe' nane fasavate xena fangasik nami.

1 Pita 2:8

E saxa Xakalayan ti Kavai fulaa a kuus: “A faat aanabe' i taa fakalaxoi a rabuna e i taa fapoxoi nari.” Aisaia 8:14. Ri taa kalaxoi senaso ri pife namkai sena ferawaian sina Piran e nane xo a lamon faati o ri taa usi a vilaana ina langai pesalaian aanabe'.

Juut 1:4

Xenaso mi taa vil malaane? Saxano rabuna aava ri pife texaas sena Piran, ri fo savatmaan e ri taxa waan fufunai la palou itaara. E nari, ri vubuk piil a lagasai tuuna ina xakaavangan xatam sina Piran senaso ri buk usi a vilaana ina tamai feruuk. E fulaa, ri faaxolusan na Yesus Krais aava Memai e Piran sitaara. Ti kavai a ferawaian sina Piran fo kuusan fasavat a fakasanaman aava rabuna malaan, ri taa siaxe.

Kuusan Fasavatan 13:8

a maana mu rabuna xapiak aava isiri pife savat lana Buuk ina Toyan sina Natuna Sipsip, nari xapiak aava ri nangus a vupung patak. A buuk aanabe' fo waan ti la tangpat ina xavala e a Natuna Sipsip aava fo punuxan, a xaleie.