Faisok 17:32 - A Turoxoian Fa'ui Sina Piran

³² Layaan na Pol a ferawai pana to fa'ulaian ti la maatan, saxano rabuna ri suaxane taasaxa saxanofuna ri kuus, “Maam vubuk langai fulan a ferawaian siim pana mo aanabe'.”

Kara

³² Layaan na Pol a ferawai pana to fa'ulaian ti la maatan, saxano rabuna ri suaxane taasaxa saxanofuna ri kuus, “Maam vubuk langai fulan a ferawaian siim pana mo aanabe'.”

Faisok 17:32 Iomraidhean Croise

Luuk 14:18

“Taasaxa nari xapiak ri favavof a malitan siri. Saxa a kuus, ‘Monabe' mon ne fo maraan a nexavala e ne taa fe xalume. Kaari, ne pife fexaxaas sena falet.’

Luuk 22:63

A rabuna ina fevis aava ri faxatang na Yesus, ri suaxane e ri sipe.

Luuk 23:11

E mui na Herot e mu rabuna ina fevis, ri suaxan na Yesus. Ri fafalaxe pana marapi ina piran e ri feng fa'ulie xe si Pailat.

Luuk 23:36

A mu rabuna ina fevis, ri tavaie pana wain mopaak xena num. E ri filimaan faasilak xena suaxane e ri kuus,

Faisok 13:41

“‘Kaalum, nami aava mi suak, mi taa maat fa'ipul senaso ne taxa vesan a mo tanin e mi taa pife namkai sena naapalaan tamo saxa taa xuus famatavas nami pana.’” Habaakak 1:5.

Faisok 17:18

E saxano rabuna ina fepitaian aava ri toxan a texaasan molava, ri fegagelai xuvul pa Pol. E saxanofuna ri kuus, “A mataa vungut aanabe' i taxa kuus panaso?” E xasanofuna ri kuus, “Nane taxa ferawai pana saxano piran patak paaliu.” Ri kuus malaan senaso na Pol taxa ferawai pa Yesus e a to fa'ulaian sina.

Faisok 17:31

Senaso nane fo lamon faati sena yaan layaan a mataa aava nane fo fatie, i taa tiis a mu rabuna xapiak pana roxoyan. Nane fo faxalit a mu rabuna xapiak pana layaan nane fatatoi fa'uli a mataa aave ti la maatan.”

Faisok 17:33

E voxo na Pol a ta'ulan a faxuvulan aave.

Faisok 2:13

Taasaxa saxanofuna ri suaxan nari e ri kuus, “Ri fo num temasaat.”

Faisok 24:25

Na Pol a ferawai pana vilaana fatak sina Piran e a faxatangan roxo e pana yaan a Piran i taa tiis a mu rabuna xapiak sena vilaana saat o roxo siri. Na Felik femataut sena ferawaian aanabe' e voxo a feng tapine e kuus, “Taxapus, no paan saa. Ne taa xel fulan nano lumui.”

Faisok 25:19

Taasaxa ri marala sena saxano vuputkai ina lotu siri e sena saxa mamaat ri xalie pa Yesus aava na Pol a kuus o a to fa'ulaa.

Faisok 26:8

Senasou mi lamon o a Piran a pife fexaxaas sena fatato fa'uli a mu mamaat?

1 Korin 1:23

Taasaxa taara kuusan fasavat a maatan si Yesus xuluna bolo e mu Juda ri kalaxoi xuluna e mu Griik ri lamon o a ferawaian sina ngong.

1 Korin 15:12

Naboxo, senaso maam kuusan fasavat a to fa'ulaian si Krais ti la mamaat malaafaa saxanofuna la palou imi ri kuus o a mu mamaat ri taa pife to fa'ulaa?

1 Korin 4:10

Senaso maam namkai se Krais, a rabuna ri lamon o nemaam mu lamavaang. Taasaxa nami xo mi namkai se Krais e nami ve mi rabuna pana texaasan. Nemaam, maam piau ta gutan taasaxa mi toxan a gutan. A mu rabuna ri xalum fasivi nemaam taasaxa ri suaian nami.

2 Korin 6:2

Senaso a Piran a kuus, “Lana yaan ina mamaaluxan siak ne langai nami e lana yaan ina fakaxupan, ne xavang nami.” Aisaia 49:8. E ne xuus nami o nabe' ve a yaan ina mamaaluxan e nabe' ve a yaan ina fakaxupan sina Piran.

Hibru 11:36

Saxanofuna iri, a rabuna ri kuusan pengan nari e xasanofuna iri, ri inis nari pana yeis e vaxa ri pis nari pana ʻseinʼ e ri lisan nari xe lana bina ina vipisan.

Hibru 13:13

Lavaxa, netaara vaxa, taara taa savat xe sina pe lamalei e taara taa siak a mangilan ina maatan sina sait.