Faisok 16:32 - A Turoxoian Fa'ui Sina Piran

³² E mui re fapiti nari xapiak aava ri taagul lana lifu sina, pana Ferawaian sina Memai.

Kara

³² E mui re fapiti nari xapiak aava ri taagul lana lifu sina, pana Ferawaian sina Memai.

Faisok 16:32 Iomraidhean Croise

Maak 16:15

E nane xuus nari, “Falet xe la maana mu bina xapiak e mi tavai a mu rabuna xapiak pana Lagasai Roxo siak.

Faisok 16:31

E re suie, “Namkai se Memai Yesus e no taa fakaxup nano e a matafetama siim.”

Faisok 16:33

Lana yaan aanabe' xo, a mataa ina faxatangan a xamak a mu viis sire e mui nane e mu matafetama sina ri fasufan.

A Si Pol Lagasai Xe Sina Mu Rom 1:14

Senaso a Piran fo kas a lamonan siak pana Lagasai Roxo aanabe', ne toxan a faisok lava naboxo xena kuusane xe sina mu rabuna xapiak aava ri pife Juda: a mu Griik e mu topen sait; a mu rabuna pana texaasan e nari aava ri piau ta texaasan.

A Si Pol Lagasai Xe Sina Mu Rom 1:16

Ne pife mangil, ne faamamaas paaliu layaan ne kuusan fasavat a Lagasai Roxo se Krais. Senaso a lagasai aanabe' a toxan a gutan sina Piran xena fakaxup a mu rabuna aava ri namkai sena. Nemaam mu Juda, maam langai paamuine e naboxo nami aava mi pife Juda, nami sait, mi fo langaie.

Efasis 3:8

Naapalaan nenia, ne mataa palau mon sena mu rabuna fatak sina, nane tavaiau pana ngavuk lava aanabe': nenia, ne taa kuusan fasavat a Lagasai Roxo xe sina mu rabuna aava ri pife Juda. A lagasai aanabe' a kuus famatavas pana maana fafanaian e roxoyan molava piis aava waan xuvul pa Krais. Taara pife fexaxaas sena tingin a ngangai o katan ina.

1 Tesalonaika 2:8

Maam vubuxan xasingit nami e voxo maam faamamaas xena tavai nami pana Lagasai Roxo sina Piran e xena taagul la palou imi, senaso maam tao fatateak nami la xunus imaam.