Faisok 16:31 - A Turoxoian Fa'ui Sina Piran

³¹ E re suie, “Namkai se Memai Yesus e no taa fakaxup nano e a matafetama siim.”

Kara

³¹ E re suie, “Namkai se Memai Yesus e no taa fakaxup nano e a matafetama siim.”

Faisok 16:31 Iomraidhean Croise

Maak 16:16

Nase' ta mataa i taa namkai sega e i taa fasufan, nane ve, ne taa fakaxupe. Taasaxa nase' i taa pife namkai sega a toxan a fakasanaman xana.

A Lagasai Roxo Na Jon A Xaleie 1:12

Taasaxa saxano rabuna xo, ri fesuaiane e nari aava ri namkai sena isina, nane turoxoian nari, ri taa savat rafulak sina Piran,

A Lagasai Roxo Na Jon A Xaleie 20:31

Taasaxa maana mo aava ri waan lana xakalayan aanabe' ne xaleie talo mi taa namkai o na Yesus a Mataa Failai (na Messia) e a Natuna Piran. E layaan mi taa namkai sena mi taa siak a toyan sina lapaana gutan ina isina.

A Lagasai Roxo Na Jon A Xaleie 3:36

Nase' ta mataa i taxa namkai se Natuna a toxan a toyan vulai, taasaxa nase' ta mataa i taa baian a Natuna i taa pife siak a toyan senaso a maraleian sina Piran taa waan xuluna mataa aave.”

A Lagasai Roxo Na Jon A Xaleie 6:40

A vubuxanan si Tamaang a malaan: a maana mu rabuna aava ri xalum tuunei na Natuna e ri namkai sena, nari xo ri taa siak a toyan vulai, vulai, e fulaa ne taa fatatoi fa'uli nari lana Yaan Fataxapiak.”

A Lagasai Roxo Na Jon A Xaleie 6:47

Ne xuus tuunei nami, nane aava namkai i taa toxan a toyan vulai, vulai.

Faisok 15:11

Piau! Taara namkai o taara fo kaaxup pana xakaavangan xatam si Memai Yesus malaan seri.”

Faisok 16:15

E lamina fasufan sina e sina matafetama sina, nane fiai rao maam taa falet xe la lifu sina. Nane fiai malaan, “Tamo mi lamon tuuna o nenia, ne namkai se Memai, filimaan xe la lifu siak.” E nane bai o maam taa kuus pana piau.

Faisok 16:32

E mui re fapiti nari xapiak aava ri taagul lana lifu sina, pana Ferawaian sina Memai.

Faisok 18:8

Na Krispas aava paamua ina lifu ina faxuvulan, nane e a matafetama xapiak sina, ri namkai sena Piran. E maana mu Korin sait aava ri langai si Pol, ri namkai e ri fasufan.

Faisok 4:12

Pi ta xasa mataa fulaa a fexaxaas sena fakaxup netaara, na Yesus sang mon. A Piran a siak fatie xena fakaxup netaara e nane sang mon a salan ina roxoyan.”

Faisok 8:36

Layaan re taxa faxa'usi et a salan, re savat la xasing ina raarum e a mataa Itiopia a kuus, “Kaalum, a raarum. Xenaso ne taa pife fasufan xo?”

A Si Pol Lagasai Xe Sina Mu Rom 11:16

A malaanabe': tamo a xavil ina bret aava ri tatavai xe sina Piran pana malaan sena xalana mata, a xaradak lavaxa, a bret xurul a xaradak. E tamo a xarei ina wai a xaradak a mu raxan vaxa ri xaradak.

Galesia 3:14

E na Krais a maraan fa'uli netaara pana maatan sina talo a roxoyan aava Piran fo kuus fanai pana xe si Abrahem, i taa savat se Krais Yesus xe sina mu rabuna aava ri pife Juda. E vaxa talo netaara aava taara namkai sena, taara taa siak a Vovau Xaradak aava Piran fo kuus fanai pana.

Galesia 3:22

Taasaxa, a Xakalayan Taap a kuus o a xavala xapiak a pisan lapaana vilaana saat talo a maana mo ina kuus fanaian aava savat sena namkaian se Yesus Krais, i taa savat siri aava ri namkai.

Galesia 3:26

Nami xapiak, mi rafulak sina Piran lana xuvulaian xuvul pa Krais Yesus