Faisok 15:6 - A Turoxoian Fa'ui Sina Piran

⁶ A mu yaamut e mu matalava ri faxuvul xena ferawai pana fiaian aanabe'.

Kara

⁶ A mu yaamut e mu matalava ri faxuvul xena ferawai pana fiaian aanabe'.

Faisok 15:6 Iomraidhean Croise

Matiu 18:20

Senaso layaan a nutuvaat ri faxuvul lapaana isaak, nenia, ne waan xuvul pari.”

Faisok 11:30

E ri vil malaane e ri siak fati na Baanabas nare Sol xena lisanaana xe sina mu matalava pe Jerusalem.

Faisok 15:2

Na Pol nare Baanabas re fepuxai xuvul pari sena fepitaian aanabe'. E voxo mu rabuna ri feng na Pol nare Baanabas xuvul pana xasano rabuna aava ri namkai xe pul Jerusalem xena ferawai xuvul pana mu yaamut e mu matalava pana lagafan aanabe'.

Faisok 15:22

E mui, a mu yaamut e mu matalava xuvul pana mu rabuna xapiak ina lotu, ri lamon o ri taa siak fati a saxano rabuna ti la palou iri xena fengaan nari xe puaa Antiaak xuvul pa Pol nare Baanabas. E ri siak fati na Judas, xasa isina na Basaabas e na Sailas, a rovaat aava mu fetinan ri suai sere.

Faisok 15:25

E voxo nemaam xapiak, lapaana lamonan saxa, maam fo siak fati a saxanofuna xena fengaan nari xe simi xuvul pana ro fesing sitaara, na Pol nare Baanabas

Faisok 15:4

A mu yaamut, mu matalava e mu rabuna sina Piran pe Jerusalem, ri faamamaas pana savatan siri. E na Pol nari, ri kuusan a maana mo xaves aava Piran fo vile seri.

Faisok 16:4

La fena faletan siri ri savat la mu bina saxa saxa e ri xuus fatexaas a mu rabuna aava ri namkai pana nu vuputkai sina mu yaamut e mu matalava pe Jerusalem. E ri xuus nari o ri taa langai sena nu vuputkai aanabe'.

Faisok 21:18

E a yaan mui nemaam Pol, maam fe tixalum na Jems. A mu matalava ina lotu vaxa ri waan faxuvul pave.

Faisok 6:2

E voxo, nari mu yaamut sangafilu saxa pana taragua, ri xel faxuvul a mu rabuna aava ri namkai e ri kuus, “Maam taa pife faisok pana tavaiaan nami pana fanganan senaso maam toxan a faisok xaves xena fepitaa pana maana ferawaian sina Piran.

Hibru 13:17

A vilaana roxo paaliu a malaanabe': mi taa usi a mu paamua simi e mi taa langai a ferawaian siri. Ri taxa lo faxatang a xunus imi senaso ri taa xuus a Piran pana maana vilaana ina faisok siri. Tamo mi taa usi faroxoi nari, ri taa vil a faisok siri pana faamamaasan, tamo piau ri taa faisok pana mimilisaatan e a vilaana aave i taa pife xavang nami.

Hibru 13:7

Lamon fa'uli a mu paamu simi aava ri fo xuus nami pana Lagasai Roxo sina Piran. Lamon fa'uli a mu vilaana ina taagulan siri e vilaana ina maatan siri. Naak, a mo roxo mi taa pok a namkaian siri, bo?