Faisok 13:30 - A Turoxoian Fa'ui Sina Piran

³⁰ Taasaxa Piran a fatatoi fa'ulie ti la maatan.

Kara

³⁰ Taasaxa Piran a fatatoi fa'ulie ti la maatan.

Faisok 13:30 Iomraidhean Croise

Matiu 28:6

Nane pife waan nabe'; a Piran fo fatatoi fa'ulie ti la maatan malaan sena fo ferawai pana. Man, xalum a bina aava nane fo mati lana

A Lagasai Roxo Na Jon A Xaleie 10:17

Na Tamaang a vubuxanau senaso ne taa lisan a toyan siak talo ne taa siak fa'ulie.

A Lagasai Roxo Na Jon A Xaleie 2:19

E na Yesus a sui nari, “Kawaasan xapin a lifu lotu aanabe' e lana yaan talatul mon ne taa siak fati fulane.”

Faisok 10:40

taasaxa Piran a fatatoi fa'ulie ti la maatan la fatalatulaana yaan e fasavate la matavas.

Faisok 13:33

nane fo vil fasavate xo pataara layaan a fatatoi fa'uli na Yesus ti la maatan. A toxan a xakalayan pa Yesus lana fataraguiaana Yanganan a malaanabe': “‘Nano, no lak tomexaan siak, tanin ne fo savat tamaam’

Faisok 13:34

E vaxa, layaan a Piran a fatatoi fa'uli na Yesus ti la maatan talo i taa pife masiik, nane kuus malaan, ‘Ne taa tavai nano pana roxoyan xaradak siak aava ne fo kuus fanai pana xe si Devit.’ Aisaia 55:3.

Faisok 13:37

Taasaxa, a saxa aava Piran a fatatoi fa'ulie ti la maatan, a pife masiik.

Faisok 17:31

Senaso nane fo lamon faati sena yaan layaan a mataa aava nane fo fatie, i taa tiis a mu rabuna xapiak pana roxoyan. Nane fo faxalit a mu rabuna xapiak pana layaan nane fatatoi fa'uli a mataa aave ti la maatan.”

Faisok 2:24

Nami xa, mi punuxe. Taasaxa Piran xo a fatatoi fa'ulie e mulus tapine sena maasaxan ina maatan senaso a maatan a pi ta gutan fexaxaas xena tao fatateak vulan na Yesus.

Faisok 2:32

E lana yaan aanabe' a Piran a fatatoi fa'uli na Yesus e nemaam xapiak xa, maam xalume.

Faisok 3:13

A Piran si Abrahem, Aisaak e na Yaakop ve a Piran sina mu butaara, nane tavai a sisiak sina, na Yesus, pana isin lava layaan nane fatatoi fa'ulie ti la maatan. Nami, mi tavai a mu paamua simi pana xena punuxaana. E na Pailat, a memai ti Rom, nane tafo mulus tapine, taasaxa mi bai.

Faisok 3:15

E mi punuk a mataa aava tavai netaara pana toyan tuuna, taasaxa Piran a fatatoi fa'ulie ti la maatan. E maam xalum tuuneie.

Faisok 3:26

Layaan a Piran a siak fati a sisiak sina, nane fenge xe simi paamua. E nane taa fafaamamaas nami layaan a puk tapin nami xasena maana vilaana saat simi.”

Faisok 4:10

Lavaxa, maame vubuk o nami e mu rabuna xapiak ti Israel, mi taa texaas o mi fo punuk na Yesus Krais ti Nasaret, taasaxa Piran a fatatoi fa'ulie ti la maatan. E lapaana gutan si Yesus naboxo a mataa naang taxa tigina la matami e fo roxo xapiak.

Hibru 13:20

Pana tatavai ina maatan sina na Yesus fo fatamasiak a turoxoian xe vulai, vulai. E pana ria ina turoxoian vulai a Piran fo fatatoi fa'uli na Memai Yesus sitaara ti la maatan, nane ve a Mataa Fatak ina Faxatang a mu sipsip. E ne vubuk rao a Piran ina Daarum i taa tavai nami pana maana mo xapiak aava ri roxo xena usi a vubuxanan sina. E fulaa ne vubuk o lapaa Yesus Krais, a Piran i taa faisok lana xunus itaara pana so ta mo aava i taa fananame talo taara taa faatulan a isi Krais xe vulai, vulai. A tuuna paaliu.