Faisok 10:38 - A Turoxoian Fa'ui Sina Piran

³⁸ Mi texaas o a Piran a noxol na Yesus ti Nasaret pana Vovau Xaradak e gutan. E na Yesus a falet xolai pana vilaana roxo e nane mulus tapin a mu rabuna xapiak aava ri sisiak si Setan. Nane vile senaso a Piran a waan xuvul pana.

Kara

³⁸ Mi texaas o a Piran a noxol na Yesus ti Nasaret pana Vovau Xaradak e gutan. E na Yesus a falet xolai pana vilaana roxo e nane mulus tapin a mu rabuna xapiak aava ri sisiak si Setan. Nane vile senaso a Piran a waan xuvul pana.

Faisok 10:38 Iomraidhean Croise

Matiu 12:15

Na Yesus a texaas sena lamonan siri e voxo ta'ulan a bina aave. A maana rabuna xaves ri falet xuvul pana e nane xo a vil faroxoi nari xapiak aava ri giis

Matiu 12:28

Tuuna, pife tateaxan i Bilsibul taasaxa Vovau sina Piran aava tavaiau pana gutan xena gei tapin a mu masalai. E a mo aanabe' a faxaalit tuuna o a fatataganan sina Piran fo savat xo.

Matiu 9:19

E na Yesus a tamasiak e usie xuvul pana mu fefeng sina.

Matiu 9:35

Na Yesus a falet xe la maana mu bina lava e modak e fepitaa la mu lifu ina faxuvulan siri e kuusan fasavat a Lagasai Roxo sena fatataganan sina Piran e vil faroxoi a rabuna pana maana buk giisan xapiak.

Maak 6:6

Nane ipul senaso a rabuna pave ri pife toxan a namkaian e voxo nane falet xe la xasano bina patak xena fepitaa.

Luuk 3:22

e a Vovau Xaradak a sivimaan xuluna lana vipin ina vaalus. E a ling a ferawai ti laa'ui la xunavata, “Nano, no natuk, ne vubuxan xasingit nano e a xunus iga a roxoian nano.”

Luuk 4:18

“A vovau sina Piran a xafutau senaso nane fo noxolau xena kuusan fasavat a Lagasai Roxo xe sina mu valagof. Nane fengau xena kuus fatexaas o nari aava ri vipis ri taa mulus tapinan; a mu mata piif ri taa kaalum fulaa e a mu rabuna aava ri waan lapaana gutan sina xaiyaas siri ri taa ta'ulai xaseri

Luuk 9:42

E layaan a lak aave taxa filimaan, a vovau saat a tapin fasivie xe lapia pana radakuian. Taasaxa na Yesus a baras a vovau saat aave e a vil faroxoi a lak e lisan fa'ulie xe si tamana.

Luuk 9:56

e ri falet xe la xasa bina.

A Lagasai Roxo Na Jon A Xaleie 10:32

E na Yesus a fin nari, “Ne fo faxalit nami pana mu fakalimaanan roxo aava filimaan sina Tamaang. A so ta fakalimaanan ve rao mi soxoiau pana faat sena?”

A Lagasai Roxo Na Jon A Xaleie 16:32

Faxatang! A yaan i taa savat, naak naboxo taxa waan, e ri taa xup tapin nami e nami saxa saxa mi taa sinuf xe la lifu simi e mi taa ta'ulanau e ne taa waan nakmaal. Taasaxa ne taa pife waan pasaxa senaso na Tamataara i taxa waan xuvul paga.

A Lagasai Roxo Na Jon A Xaleie 3:2

a savat si Yesus la vung e kuus malaan, “Mataa ina Fepitaa, maam texaas o no fo filimaan xe nabe' ti la bina sina Piran xena vil a faisok ina fepitaian. Maam lamon malaan senaso a mataa sang mon pife fexaxaas sena vil a maana mo fa'ipul malaan sema, tamo Piran pife waan xuvul pana.”

A Lagasai Roxo Na Jon A Xaleie 3:34

Nane aava Piran fo fenge, nane taxa ferawai pana ferawaian sina Piran e a Piran fuuna feng a Vovau sina e a Vovau sina i taa pife taxapus.

A Lagasai Roxo Na Jon A Xaleie 6:27

Muta faisok pana maana buk fanganan aava i taa masiik, piau. Taasaxa faisok pana fanganan aava i taa waan vulai e i taa lisan a toyan xe vulai. A fanganan naang ve a Natuna Mataa i taa tavai nami pana senaso a Piran Tamataara fo siak fatie e tavaie pana gutan xena vil malaane.”

Faisok 10:37

Mi texaas sena so ta mo fo savat pe Judia: a tangpat pe Galili lamina fasufan aava na Jon a fepitaa pana.

Faisok 2:22

“Nami mu Israel, langaiau: na Yesus ti Nasaret, a Piran a turoxoian nane. E pana gutan sina Piran, nane xo fo vil a maana faisok ina gutan e mo fa'ipul la palou imi. A maana mo aanabe' ri faxalit fatexaas nami o a Piran fo fenge.

Hibru 1:9

No fuuna vubuxan a maana mo xapiak aava roxo e no baian a maana mo xapiak aava saat. E voxo Piran, a Piran siim, fo siak fati nano e nane tavai nano pana faamamaasan senaso nane fo bur nano pana ngavuk aava pelalava sena ngavuk aava nane tavai a xasanofuna pana.” Yanganan 45:6-7.

1 Pita 5:8

Para! Faxatang faroxo! A xaiyaas simi, na Setan, i taxa sangas xolai e i taxa vaas faagut malaan sena piu vupung ri xalie pana ʻlaionʼ e i taxa seng ta mataa talo i taa ngane.

1 Jon 2:20

Taasaxa nami aanabe', a Mataa Failai fo noxol nami e mi toxan a texaasan.

1 Jon 3:8

A mataa aava taxa lo bilai fasaat, nane si Setan senaso na Setan taxa lo bilai fasaat ti la tangpat. A Natuna Piran fo savat xena kawaasan xapin a faisok si Setan.