Faisok 10:14 - A Turoxoian Fa'ui Sina Piran

¹⁴ E na Pita a suie, “Piau Memai, a vuputkai si Moses a xuus fatexaas nemaam pana saxano buk meska maam pife fexaxaas sena ngane e a mo lalosaat pi lalaak la valaak. Ne pi ngangan a mo lalosaat o maana buk meska maam pi ngangane.”

Kara

¹⁴ E na Pita a suie, “Piau Memai, a vuputkai si Moses a xuus fatexaas nemaam pana saxano buk meska maam pife fexaxaas sena ngane e a mo lalosaat pi lalaak la valaak. Ne pi ngangan a mo lalosaat o maana buk meska maam pi ngangane.”

Faisok 10:14 Iomraidhean Croise

Matiu 15:11

A mo aava mataa taa nume o ngane i taa pife falalosaate la matana Piran, piau. Taasaxa, a ferawaian aava savat ti la valana, i taa falalosaate la matana Piran.”

Matiu 16:22

E na Pita a xele xe la xasing xena barase sena ferawaian sina e a kuus, “Piau, a mo aanabe' i taa pife savat siim, Memai.”

Matiu 25:9

“Taasaxa lutefin pana lamonan ri sui nari, ‘Piau paaliu! Maam piau ta wel fexaxaas setaara xapiak, falet xe la lifu ina faasot pana wel e maraan ta xami.’

Matiu 8:2

E lana yaan naang a mataa tana tapak maa bukaak la ka Yesus e kuus, “Memai, tamo no vubuxane no fexaxaas sena vil faroxoiau.”

Maak 7:2

E ri xalum a saxano fefeng si Yesus ri taxa fangan pana mari vusiit senaso ri pife xamak a mari paamuina fanganan.

Luuk 1:60

Taasaxa na ninana a kuus, “Piau, a isina na Jon.”

A Lagasai Roxo Na Jon A Xaleie 4:11

E a tefin a xuuse, “Matalava, no piau ta mo xena pituf raarum e a raakaaf aanabe' a tu. No taa pituf raarum ina toyan faa?

Faisok 10:13

E mui a ling a xuuse, “Tamasiak Pita. Tamo no vubuxan ta meska ti la palou ina mu vupung aanabe' punuxe e no ngane.”

Faisok 10:28

Nane xuus nari, “Mi texaas o lapaana vuputkai simaam mu Juda maam pife fexaxaas sena laak xe lana lifu sina rabuna aava ri pife Juda o tixalum nari. Taasaxa Piran fo faxalitau o ne taa pife xali ta mataa pana lalosaat.

Faisok 22:8

“E ne fiai, ‘Memai nano nase'?’ “E nane kuus, ‘Nenia ve na Yesus ti Nasaret aava no taxa vil pengane.’

Faisok 9:5

Na Sol a fiai, “Memai, nano nase'?” A ling aave a suie, “Nenia ve na Yesus aava no taxa vil pengane.