Faisok 1:9 - A Turoxoian Fa'ui Sina Piran

⁹ Lamina ferawaian aanabe' a Piran a xel falak na Yesus xe laa'ui. Layaan a mu rabuna ri taxa saraak xena xalumaana laaxan sina xe laa'ui, a vata a sivimaan e maa xafute xaseri.

Kara

⁹ Lamina ferawaian aanabe' a Piran a xel falak na Yesus xe laa'ui. Layaan a mu rabuna ri taxa saraak xena xalumaana laaxan sina xe laa'ui, a vata a sivimaan e maa xafute xaseri.

Faisok 1:9 Iomraidhean Croise

Maak 16:19

Pevoxo, layaan na Memai Yesus a taxapus pana ferawaian aanabe' a Piran ti laa'ui a xel fa'ulie e nane fe nai la pamuaan lana vepen sina Piran.

Luuk 21:27

Lana yaan aave ri taa xalum a Natuna Mataa i taxa filimaan lana vata pana gutan e pana malang molava paaliu.

A Lagasai Roxo Na Jon A Xaleie 6:62

A so ta mo i taa savat tamo mi taa xalum a Natuna Mataa i taxa laak fa'ulaa xe la bina aava nane waan lana paamua?

Faisok 1:11

E re fiai, “Ai, mu Galili, xenaso mi taxa lo ti kaalum xe laa'ui? Lamon fa'uli na Yesus naang aava Piran fo xele xasemi xe la bina sina, i taa ulaamaan fulaa malaan se' mi fo xalum a laaxan sina xe laa'ui.”

Faisok 1:2

Paamuina laaxan sina nane tavai a mu yaamut aava nane fo siak fati nari, pana fepitaian lapaana gutan sina Vovau Xaradak.

1 Tesalonaika 4:17

E mui lamina, netaara aava taara taxa to lunai, taara taa fe faxuvul xuvul pari xuluna vata xena fasusui a Memai laa'ui la tavegof. E taara taa waan vulai xuvul pa Memai.

1 Timoti 3:16

A tuuna paaliu, paamua taara pife masam sena fufuna namkaian sitaara, taasaxa naboxo, a Piran a fasavate la matavas: “Na Krais Yesus maa savat la xavala malaan sena mataa, A to fa'ulaian sina a faxaalit o nane ve na Natuna Piran, A mu angelo ri xalume, A mu rabuna aava ri namkai ri kuusan fasavate la mu bina xapiak, A maana rabuna pe la mu bina xapiak ri namkai sena, E a Piran a xel falaxe xe lana miridingan sina.”

Kuusan Fasavatan 1:7

“Kaalum! Nane taxa filimaan xuluna vata e maana mu rabuna xapiak ri taa xalume. E nari aava ri fo xie sait, ri taa xalume. A maana mu rabuna ti la maana pok bina xapiak, nari xapiak ri taa xalume e ri taa muluxe.” Sekaraia 12:10. A malaan. Pevoxo!

Kuusan Fasavatan 11:12

E a ling lava ti la xunavata taa xel nare e taa xuus nare, “Me laakmaan!” E a vata taa yaas nare xe laa'ui la xunavata e mu xaiyaas sire ri taa falim nare.

Kuusan Fasavatan 14:4

Nari aave ri pi tatamai e ri piau ta lalosaat sena lutefin. Nari, ri roxo mon. E ri usi fatak a Natuna Sipsip xe laso ta bina nane vubuk o i taa falet lana. A Piran e a Natuna Sipsip re fo maraan nari e ri malaan sena saxa tatavai aava ri xalie pana xalana wai a matoxol tapang.