Failimon 1:20 - A Turoxoian Fa'ui Sina Piran

²⁰ Ka fesing, xavangau pana mo aanabe'. No taa vile pa Krais e i taa fafaamamaasau sait.

Kara

²⁰ Ka fesing, xavangau pana mo aanabe'. No taa vile pa Krais e i taa fafaamamaasau sait.

Failimon 1:20 Iomraidhean Croise

1 Korin 16:18

E rutul faluai a lamonan siak, malaan serutul faluai nami. Mi taa suai sena rabuna malaan serutul.

2 Korin 2:2

Tamo ne taa famamaxus nami, nase' fulaa taxa waan xena fafaamamaasau, nami mon aava ne fo famamaxus nami.

2 Korin 7:13

E sena maana mo aanabe' mi fo fagut nemaam. A tuuna, maam faamamaas, taasaxa maam faamamaas paaliu senaso a vilaana simi a fafaamamaas na Taitus e fangasik a vovau ina.

Filipai 1:8

E a Piran i taa kuus xakaavang pana vubuxanan siak xena xalumaan nami xapiak senaso ne vubuxan xasingit nami malaan se Krais Yesus a vubuxan xasingit nami.

Filipai 4:1

Mu fetinan aava ne vubuxan xasingit nami e ne vubuk temasaat o ne taa xalum nami, nami ve mi faamamaasan siak nabe' e mi ligilot siak mui. E voxo kamu fesing, mi taa tigina fatateak lana xuvulaian xuvul pa Memai malaan se' ne fo xuus nami pana.

Failimon 1:12

Naboxo, ne taxa feng fa'ulie xe siim, taasaxa layaan nane pife waan iau xena xavangau a malaan se' ne taxa put tapin a pamamuaan siak.

Failimon 1:7

Ka fesing, a vubuxan xasingitan siim a fasavat a faamamaasan molava la xunus iga senaso no fo xavang faxavesan a mu rabuna fatak sina Piran.

Hibru 13:17

A vilaana roxo paaliu a malaanabe': mi taa usi a mu paamua simi e mi taa langai a ferawaian siri. Ri taxa lo faxatang a xunus imi senaso ri taa xuus a Piran pana maana vilaana ina faisok siri. Tamo mi taa usi faroxoi nari, ri taa vil a faisok siri pana faamamaasan, tamo piau ri taa faisok pana mimilisaatan e a vilaana aave i taa pife xavang nami.

1 Jon 3:17

Layaan a mataa pana maana mo xaves, i taa xalum a saxa tina aava taxa waan valagof e nane pife xavange pana saxano mo sina, a vubuxanan xana Piran taxa waan lana malaafaa?

3 Jon 1:4

Piau ta mo fexaxaas xena fafaamamaasau malaan sena lagasai o a rafulak siak ri taxa taagul faroxo pana vilaana ina tuunayan.