Efasis 3:9 - A Turoxoian Fa'ui Sina Piran

⁹ E vaxa ne taa kuusan fasavat a maana mo fufunai sina Piran la matavas. Nane aava vesan a xavala e maana mo xuluna, a fun a maana mo fufunai aave ti lana tangpat ina yaan.

Kara

⁹ E vaxa ne taa kuusan fasavat a maana mo fufunai sina Piran la matavas. Nane aava vesan a xavala e maana mo xuluna, a fun a maana mo fufunai aave ti lana tangpat ina yaan.

Efasis 3:9 Iomraidhean Croise

Matiu 10:27

“A so ta mo ne xuus nami sang mon pana mi taa kuusane la palou ina mu rabuna e so ta mo taara fo ferawai pana la palou itaara mon, mi taa xukulai pana talo a mu rabuna xapiak ri taa langaie.

Matiu 13:35

A savat malaan xena faxalit a mo aava mataa ina kuus fatuxai fo ferawai pana: “Layaan ne ferawai xe siri ne taa ferawai paap mon. Ne taa xuus nari pana maana mo aava waan fufunai la tangpat ina maana mo xapiak.” Yanganan 78:2.

Matiu 25:34

“E mui a King aave i taa kuus xe siri mu rabuna la pamuaan sina, ‘Filimaan, nami aava na Tamaang a ferawai fararoxo semi. Filimaan, siak a maana roxoyan ina fatataganan sina aava nane faigotane xami paamuina yaan nane vesan a xavala.

Matiu 28:19

Falet xo xe sina mu rabuna xapiak la xavala e fapiti nari talo ri taa namkai xena usiau. Fasuf nari lapaana isi Tamaang, a Natuna e a Vovau Xaradak

Luuk 24:47

e lana isina, a rabuna ri taa kuusan a lagasai o a Piran i taa lamon tapin a vilaana saat tamo ri taa puk tapin nari xa xasena vilaana saat siri e ri usi na Yesus. A lagasai aanabe' ri taa fapiti a mu rabuna xapiak pana e ri taa tangpat nabe' Jerusalem.

A Lagasai Roxo Na Jon A Xaleie 10:30

Na Tamaang e nenia maame saxa.”

A Lagasai Roxo Na Jon A Xaleie 5:17

E na Yesus a xuus nari mu matalava Juda, “Mi lamon o na Tamaang taxa fangaafus sena faisok sina, bo? Piau! Naboxo nane taxa faisok e nenia vaxa, ne taxa faisok malaan sena.”

A Lagasai Roxo Na Jon A Xaleie 5:19

Na Yesus a xuus fulan nari, “Tuuna paaliu ne xuus nami, na Natuna mon, a pife fexaxaas sena vil ta saxa mo. Nane a fexaxaas i taa vil a mo aava nane fo xalum na Tamana vile. E voxo so ta vilaana na Tamana taxa vile, na Natuna taa usie sait.

Faisok 15:18

A Piran aava fasavat a maana mo aanabe' la matavas, fo kuus malaan.” Emos 9:11-12.

A Si Pol Lagasai Xe Sina Mu Rom 11:25

Mu fetinan, ne bai o mi taa vungut sena mo fufunai aanabe' senaso ne bai mi taa lamon falavai nami xa. Lavaxa, a Piran a favaang a saxano Israel talo ri taa pife namkai se Yesus. E ri taa waan malaan fefexaxaas a yaan a mu rabuna xapiak la xavala ri taa langai se Yesus. E nari aava Piran fo siak fati nari, ri taa namkai.

1 Korin 2:7

Piau, taara taxa ferawai pana texaasan aava Piran fo fune xasena rabuna. Lokavai mupiis, paamuina yaan a Piran a vesan fasavat a maana mo nane a lamon faati o a texaasan aanabe' i taa fabas netaara pana miridingan.

Efasis 1:4

Senaso paamuina yaan a Piran a vil fanei a maana mo xapiak, nane fo siak fati xo netaara xena tigina faxaradak pana piau ta lalosaat la matana sena xuvulaian sitaara xuvul pa Krais.

Efasis 3:2

Tuuna, mi fo langai o a Piran fo tavaiau pana faisok ina kuusan fasavat a xakaavangan xatam sina xe simi

Efasis 6:19

E vaxa fenung paga talo layaan ne buk ferawai, a Piran i taa tavaiau pana ferawaian sina e ne taa pife mataut xena kuusan fasavat a tuunayan ina Lagasai Roxo.

Kolaasi 1:23

I taa waan malaan tamo mi taa tigina fatateak vulai lana namkaian simi malaan sena tang faat lava e muta lamon xolai pana maana mo mi taxa lamon faneie aava mi langai pana lana Lagasai Roxo. A Lagasai Roxo aanabe' aava mi fo langaie, a mu rabuna xapiak la xavala ri fo langaie e nenia na Pol, ne savat sisiak sena.

Kolaasi 1:26

Lokavai mupiis fefexaxaas tanin a mu rabuna xapiak ri pife matavas pana texaasan fufunai aanabe' senaso a Piran a fune xaseri. Taasaxa naboxo a mu rabuna aava ri namkai se Yesus ri texaas faroxo sena.

Kolaasi 3:3

Senaso nami, mi fo maat e a toyan fa'ui simi taxa waan fufunai xuvul pa Krais lapaana Piran.

Kolaasi 4:3

e fenung xe sina Piran pamaam. Fine o i taa faigotan a rabuna aava ri taa langai a lagasai simaam senaso maam buk kuusan a maana tuunayan se Krais. A maana tuunayan aave ri fufuna vipisan siak.

2 Tesalonaika 2:13

A mo roxo maam kuus faasiroxo vulai xe sina Piran pami, mu fetinan aava Piran a vubuxan xasingit nami. Senaso ti la tangpat nane lamon faati o nami, mi taa kaaxup. E nane fakaxup nami layaan a Vovau Xaradak a timin patak nami e mi namkai sena tuunayan.

1 Timoti 3:16

A tuuna paaliu, paamua taara pife masam sena fufuna namkaian sitaara, taasaxa naboxo, a Piran a fasavate la matavas: “Na Krais Yesus maa savat la xavala malaan sena mataa, A to fa'ulaian sina a faxaalit o nane ve na Natuna Piran, A mu angelo ri xalume, A mu rabuna aava ri namkai ri kuusan fasavate la mu bina xapiak, A maana rabuna pe la mu bina xapiak ri namkai sena, E a Piran a xel falaxe xe lana miridingan sina.”

2 Timoti 4:17

Taasaxa Memai a waan xuvul paga xena fagutau. E voxo ne fexaxaas sena kuusan fasavat a lagasai xapiak talo a mu rabuna aava ri pife Juda, ri langaie. E ne fakaxupan sena maatan.

Taitus 1:2

Sena namkaian e texaasan aave taara taxa waan bang a toyan xe vulai. A Piran aava pi vibit, nane kuus fanai pana toyan aave paamuina tangpat ina yaan.

1 Pita 1:20

Paamuina tangpat ina xavala a Piran fo siak fatie, taasaxa lana mu yaan aanabe' nane fasavate xena fangasik nami.

Kuusan Fasavatan 13:8

a maana mu rabuna xapiak aava isiri pife savat lana Buuk ina Toyan sina Natuna Sipsip, nari xapiak aava ri nangus a vupung patak. A buuk aanabe' fo waan ti la tangpat ina xavala e a Natuna Sipsip aava fo punuxan, a xaleie.

Kuusan Fasavatan 14:6

E laa'ui la palou ina vata, ne xalum a angelo taxa lif xolai. A Piran a fenge xena kuusan fasavat a Lagasai Roxo aava waan vulai, vulai. Nane taa kuusane xe sina maana mu rabuna xapiak la xavala: maana mu bina xapiak, maana pabung, maana pok bina e maana buk rabuna.

Kuusan Fasavatan 17:8

A vupung aava no xalume, fo waan paamua e naboxo pife waan, taasaxa lumui i taa laak ti lana Tang Vaa'ul talo i taa falet xena kawaasanan. A maana mu rabuna ri taagul xuluna xavala, nari aava isiri pife xaleian lana Buuk ina Toyan ti la tangpat ina xavala, nari xo, ri taa ipul faagut layaan ri xalum a vupung aave senaso nane fo waan e naboxo a pife waan, taasaxa lumui i taa savat fulaa.

Kuusan Fasavatan 4:11

“Nano, no Piran simaam, no Matalava simaam. No fexaxaas sena siak a naangusan e a suaian. No fexaxaas sena siak a gutan senaso pana vubuxanan siim no fo lamon a maana mo ti la tangpat e no vesane. E kaalum, a maana mo no fo lamone e no fo vesane ri taxa waan xo.”