Efasis 2:10 - A Turoxoian Fa'ui Sina Piran

¹⁰ A Piran fo vesan fafa'ui netaara lana xuvulaian xuvul pa Krais Yesus talo taara fexaxaas sena vil a maana buk faisok roxo aava lokavai mupiis nane faigotane xataara.

Kara

¹⁰ A Piran fo vesan fafa'ui netaara lana xuvulaian xuvul pa Krais Yesus talo taara fexaxaas sena vil a maana buk faisok roxo aava lokavai mupiis nane faigotane xataara.

Efasis 2:10 Iomraidhean Croise

Matiu 5:16

E malaanabe' mi taa faxalit a mu rabuna pana malang simi talo ri taa xalum a maana faisok roxo simi e ri taa kuus faatulan na Tamami laa'ui la xunavata.

A Lagasai Roxo Na Jon A Xaleie 3:21

Taasaxa nari aava ri fuuna taagul lana tuunayan, ri sasangas lana malang e voxo a malang taa faxaalit o a Piran va fufuna mu vilaana roxo siri.”

Faisok 9:31

E voxo a mu rabuna aava ri namkai pe Judia, Galili e Sameria, ri toxan a fangaafusan sena lagafan siri. Ri fegutai lana namkaian siri, ri suai faagut sena Piran e senaso a Vovau Xaradak a fagut nari, a xakatan iri taxa lo molava et.

Faisok 9:36

Pe la xasa bina, na Jaapa, a toxan a saxa tefin aava namkai, a isina na Tabita. (A isina lana pok bina Griik, na Dokas). Nane vil vulan a maana mo roxo xena xavang a mu rabuna valagof.

A Si Pol Lagasai Xe Sina Mu Rom 8:1

E voxo, a Piran a kuus o nari aava ri waan la xuvulaian xuvul pa Krais Yesus naboxo, ri pife vupuno la matana,

A Si Pol Lagasai Xe Sina Mu Rom 8:29

Senaso, taara texaas o a Piran a texaas o nase' ta rabuna ri taa namkai sena. E nane fakalimaan nari talo ri tafe savat malaan se Natuna lana vilaana e vubuxanan siri. E malaanabe' a Natuna xo a lak tuaan e netaara ve mu rafulak lamina lana matafetama sina Piran.

1 Korin 3:9

Langaiau! Nemaame ve maame ro mataa tatara'uma sina Piran e nami ve mi uma sina. E xasa ferawaian paap a malaan, nami ve mi lifu aava Piran taxa vesane.

2 Korin 5:17

E tamo ta mataa taxa waan la xuvulaian xuvul pa Krais, nane ve a vavesaian fa'ui; a mu vilaana e vubuxanan sina ti la xavala ri fo malit e kaalum! a mataa fa'ui fo savat.

2 Korin 5:5

Lavaxa, a Piran xo fo faigotan netaara xena siaxaana toyan fa'ui aanabe' e nane tavai netaara pana Vovau sina malaan sena faati votaian sina sena maana mo i taa savat.

2 Korin 9:8

E a Piran a fexaxaas sena tiu fasoliuan a xakaavangan xatam sina xulumi talo la maana mo xapiak e la maana yaan xapiak mi taa toxan a maana mo xaves fexaxaas xena xavang nami. E voxo mi taa vil a maana buk faisok roxo.

Galesia 6:15

A pife mo molava tamo mi vuputuk o piau. Taasaxa, tamo a lamonan e namkaian simi re mo fa'ui, a mo aanabe' a pelalava.

Efasis 1:1

Nenia na Pol: a Piran fo burau xena savat yaamut si Krais Yesus e naboxo ne taxa kala xe simi mu rabuna fatak pe Efasis aava mi taxa tigina fatateak lana namkaian se Krais Yesus.

Efasis 1:4

Senaso paamuina yaan a Piran a vil fanei a maana mo xapiak, nane fo siak fati xo netaara xena tigina faxaradak pana piau ta lalosaat la matana sena xuvulaian sitaara xuvul pa Krais.

Efasis 2:13

Taasaxa senaso mi namkai xo se Krais Yesus mi pife waan lasuun. Naboxo, mi waan faasilak sena maatan si Yesus xuluna bolo.

Efasis 2:15

Nane, lana vipin sina, a fexaxaasan a Vuputkai sina mu Juda pana mu fefasaian ina. Nane vil malaane xena fadaarum nami xuvul pamaam sena namkaian sitaara e voxo taara fo savat mataa fa'ui saxa.

Efasis 2:2

Lana yaan aave mi fuuna usi a mu vilaana saat ti la xavala e a paamua ina mu vovau saat la tavegof. Nane ve a vovau aava taxa faisok naboxo lana toyan siri aava ri langai pesalai sina Piran.

Efasis 2:6

E senaso taara waan la xuvulaian xuvul pa Krais, a Piran fo fatatoi fa'uli netaara ti la maatan e fanei netaara xuvul pana la xunavata.

Efasis 4:1

Nenia ve ne mataa vipis senaso ne namkai sena Memai e ne sisiak sina. E ne faxaar nami o mi taa sangas fatak lana toyan simi xuvul pa Krais malaan sena Piran a vubuxane layaan a xel nami xena namkai sena.

Efasis 4:24

e mi taa falak a mu vilaana fa'ui aava Piran a vesane pana vilaana fatak e xaradak malaan sena xa.

Filipai 1:6

E ne texaas tuuna sena mo aanabe': a Piran aava fo tangpat a faisok roxo lana toyan simi, i taa lo faisok falet xena fasavataana la matavas fefexaxaas a yaan na Krais Yesus i taa ulaamaan.

Filipai 2:13

Senaso a Piran i taxa faisok la vubuxanan e lamonan simi talo mi taa vubuk bilai faroxo xena fasavat a vubuxanan sina.

Kolaasi 1:10

E maame fenung malaan talo a toyan simi i taa tavai a Memai pana isin lava e i taa fafaamamaas paaliuane: a toyan simi i taa fasavat a maana faisok roxo e a texaasan simi sena Piran i tafe molava.

Kolaasi 3:10

e mi falak a mu vilaana e vubuxanan fa'ui e voxo mi fo savat mataa fa'ui naboxo. A vilaana aanabe' fuuna lo fasavat a masaman fa'ui talo mi taa texaas o a Piran aava vesan nami, i taxa lo faisok la toyan simi xena timin a vavena la xunus imi.

2 Tesalonaika 2:17

maam vubuk o re taa fabas a xunus imi pana gutan e tateaxan xena faisok e ferawai pana maana mo roxo.

1 Timoti 2:10

Taasaxa mo aava peraroxo, ri taa famaus a tari pana faisok roxo. A faisok aanabe' a vilaana sina lutefin aava ri kuus o ri nangus a Piran.

1 Timoti 5:10

E vaxa, a rabuna ri taa texaas sena maana faisok roxo a tefin nakmaal aanabe' fo vile, nane faxatang faroxoi a rafulak sina; a lifu sina a talakas xe sina mu topen; nane sisiak faroxo xe sina mu rabuna sina Piran e xavang a mu rabuna pana lagafan siri e fuuna vil a maana buk faisok roxo.

1 Timoti 6:18

Fasei nari o ri taa bilai faroxo, fabas nari xa pana faisok roxo, tatavai xe sina xasanofuna e femiraaxan a maana mo siri xena xavang a mu rabuna.

2 Timoti 2:21

Tamo mataa taa sufan tapin a vusiit ina toyan sina talo i taa savat xaradak, i taa mataa roxo ina faisok e a saxa aava mataa tafuna i taa faamamaas pana. E layaan a faisok roxo taa savat i taa tamasiak xena vile.

Taitus 2:14

Nane lisan nane xa pataara xena mulus tapin netaara sena saatan xapiak e xena gei tapin a mu lalosaat siri aava ri sina sang mon e ri vubuk o ri taa vil mon a maana mo roxo.

Taitus 2:7

E nano xo, no faxalit a vilaana roxo siim lana maana mo xapiak no vile. Layaan no fepitaa, muta suak e ferawai fasaat. Taasaxa ferawai tuuna pana texaasan talo nari aava rao ri gel tifi nano, ri taa mangil senaso ri piau ta mo xena gel tifi a nomataa sitaara pana.

Taitus 3:1

Falamon fa'uli a mu rabuna aava ri namkai o ri taa suai faagut sena mu paamua ina bina e mu matalava siri. Ri taa langai nari mu paamua e vulai ri taa faigot xena vil a maana mo roxo.

Taitus 3:14

A rabuna sitaara ri taa lo vil vulan a maana buk faisok roxo xena fabas a toyan siri e xena xavang nari aava ri piau ta mo. E voxo ri taa pife nai palau.

Taitus 3:8

E voxo ne vubuk o no taa fepitaa faagut pana maana mo aanabe' talo nari aava ri namkai sena Piran ri taa fabas a yaan siri pana maana faisok roxo. A vilaana aave a roxo e a fangasik a mu rabuna.

Hibru 10:24

Taara taa lamon faagut pana vilaana ina fasavat a mu vilaana ina roxoyan e vubuxan xasingitan la palou itaara.

1 Pita 2:12

A taagulan simi la palou ina mu rabuna aava ri pife namkai, i taa roxo paaliu senaso a yaan i taa savat e ri taa gel tifi nami pana mu vilaana saat, taasaxa ri taa masam tuuna sena roxoyan simi e voxo ri taa nangus a Piran layaan i taa savatmaan.

1 Jon 1:7

Taasaxa layaan taara taxa sangas lana malang, malaan sena sangasan sina vulai, taara fexaxaas sena taagul faroxo e a ria i Natuna, na Yesus i taa saf tapin a saatan sitaara.

1 Jon 2:6

Layaan a mataa i taa kuus o nane sina Piran, lavaxa a vilaana sina i taa malaan sena toyan si Yesus.