1 Jon 4:4 - A Turoxoian Fa'ui Sina Piran

⁴ Kamu rafulak, nami sina Piran e mi fo fa'onam nari senaso a Saxa aava na Krais, i taxa waan la xunus imi saxa saxa e nane a faagut sena saxa aava taxa waan la xavala, na Setan.

Kara

⁴ Kamu rafulak, nami sina Piran e mi fo fa'onam nari senaso a Saxa aava na Krais, i taxa waan la xunus imi saxa saxa e nane a faagut sena saxa aava taxa waan la xavala, na Setan.

1 Jon 4:4 Iomraidhean Croise

A Lagasai Roxo Na Jon A Xaleie 12:31

A mu rabuna xapiak ti la xavala ri taxa tigina lapaana tiisan e matalava ti la xavala aanabe' i taa xup tapinan.

A Lagasai Roxo Na Jon A Xaleie 14:30

Naboxo ne pife fexaxaas sena ferawai temasaat xuvul pami senaso a piran ti la xavala i taxa filimaan. Taasaxa piau ta mo la toyan siak nane fexaxaas sena yotau pana.

A Lagasai Roxo Na Jon A Xaleie 16:11

E fulaa i taa faxalit nari o a yaan ina tiisan fo savat xo, senaso a saxa aava piran ti la xavala aanabe', taxa waan lapaana tiisan.

A Lagasai Roxo Na Jon A Xaleie 17:23

Ne taa waan la xunus iri malaan se' no taxa waan la xunus iga talo ri taa waan faxuvul faagut lapaana lamonan saxa e voxo a mu rabuna ti la xavala ri taa texaas o nano, no fo fengau e vaxa ne vubuxan xasingit nari aanabe' malaan sena vubuxanan siim xanak.

A Si Pol Lagasai Xe Sina Mu Rom 8:31

Lavaxa, taara taa ferawai malaafaa sena maana mo aanabe'? Tamo Piran taxa tigina la tataara xena xavang netaara nase' taa tisui netaara? Piau ta saxa.

A Si Pol Lagasai Xe Sina Mu Rom 8:37

Piau, lana maana mo xapiak aanabe' taara fexaxaas sena onam marasaxa senaso nane aava vubuxan xasingit netaara i taxa waan xuvul pataara.

1 Korin 2:12

Taara pi siak a vovau ti la xavala, piau, taara fo siak a vovau aava Piran a lisane talo taara taa masam sena maana mo aava Piran fo tavai xatam netaara pana.

1 Korin 6:13

Saxanofuna taa kuus, “Fanganan a mo xana xum e xum a mo xana fanganan.” Aang, taasaxa Piran i taa kawaasan nare xapiak. E sena vipin, muta femilungai pana. Taasaxa, sisiak xe si Memai pana vipin simi e Memai xa i taa faxatang a vipin simi.

2 Korin 4:4

A piran ina yaan aanabe' fo xawei a lamonan siri aava ri pife namkai e voxo ri pife fexaxaas sena xalum a malang ina Lagasai Roxo sena miridingan i Krais aava xaxaalua fatak i Piran.

2 Korin 6:16

A tang lifu ina naangusan sina Piran e a lifu lotu sina mu piran bit re fexaxaas malaafaa? Piau, senaso netaara ve taara lifu ina naangusan sina Piran aava taxa to. A malaan sena Piran fo kuus, “Ne taa taagul xuvul pari e sangas la palou iri e ne taa piran siri e nari, ri taa rabuna siak.”

Efasis 2:2

Lana yaan aave mi fuuna usi a mu vilaana saat ti la xavala e a paamua ina mu vovau saat la tavegof. Nane ve a vovau aava taxa faisok naboxo lana toyan siri aava ri langai pesalai sina Piran.

Efasis 3:17

E na Krais i taa lo taagul vulai la xunus imi senaso mi namkai sena. E ne fenung o a so ta mo mi vile, mi taa vile pana vubuxan xasingitan.

Efasis 6:10

E naboxo a pebukaian fataxapiak: lana xuvulaian simi xuvul pana Memai, tigina fatateak pana gutan molava sina.

1 Jon 2:1

Mu rafulak siak, ne taxa kala xe simi talo mi taa pife usi a vilaana saat. Taasaxa tamo ta saxa imi taa usie e a lalosaat taa waan la tana, taara toxan a saxa aava roxo xasingit e i taa fenung xe sina Piran pataara. A saxa aave ve na Yesus Krais.

1 Jon 2:13

Mu matalava, ne taxa kala xe simi senaso mi texaas se' nane aava taxa waan ti la tangpat. Nami, mu xulau si Yesus, ne taxa kala xe simi senaso mi fo fa'onam na Setan. Mu rafulak, ne kala xe simi senaso mi texaas se Tamataara.

1 Jon 3:20

senaso taara masam o a Piran a molava xasingit sena lamonan sitaara e nane texaas sena maana mo xapiak.

1 Jon 3:24

Nase' ta mataa aava usi a ferawaian sina Piran, nane aave i taa taagul xuvul pana e a Piran i taa waan la xunus ina. E taara texaas o nane taxa taagul xuvul pataara senaso a Vovau Xaradak taxa waan xulutaara saxa saxa.

1 Jon 4:13

E voxo taara texaas o taara taxa taagul xuvul pana e nane taxa waan la palou itaara senaso a Vovau ina taxa waan xulutaara saxa saxa.

1 Jon 4:16

E taara texaas sena vubuxan xasingitan aava Piran a toxane xataara e taara namkai sena. A Piran ve a Vubuxan Xasingitan e nase' ta mataa i taa toxan a vubuxan xasingitan malaan sena Piran, nane aave taxa taagul lapaana Piran e a Piran taxa waan la xunus ina.

1 Jon 4:6

Taasaxa netaara, taara savat sena Piran. A mataa aava texaas sena Piran, i taa langai netaara. E a mu rabuna aava ri pife sina Piran, ri taa lamon fepalauan a ferawaian sitaara. E voxo taara fexaxaas sena taraxali a vovau ina tuunayan e a vovau ina bitan.

1 Jon 5:19

E taara texaas vaxa o taara fo savat xe sina Piran taasaxa xasano rabuna xapiak e xavala ri taxa waan la nobina si Setan.

1 Jon 5:4

Senasou a maana mu rafulak xapiak sina Piran ri fexaxaas sena fa'onam a mo ti la xavala? A so ta mo a xavang netaara xena xasliu a mo ti la xavala? A namkaian sitaara sena Piran a xavang netaara e voxo taara fa'onam a maana mo ti la xavala.

Kuusan Fasavatan 12:11

Nari mu titaara, ri fapoxoie pana ria ina Natuna Sipsip e pana kuusanaana lagasai sina. Ri lamon o a toyan siri pife mo molava e voxo ri pife faatasu sena maatan siri.