Ti̱to̱ 3:9 - Tennet

⁹ Abarik, aara ele ngati adangone ol zoz ci obod ki ji̱ji̱ti̱gga̱c. A̱vvu̱ reena olle cik adango zo̱ze̱ ci lo̱ti̱nno̱k cik Ya̱u̱do̱. Een dangonet ci ogon niko ko̱ darace, iróng karuba gi̱i̱ ci abunna to.

Ti̱to̱ 3:9 Iomraidhean Croise

1 Ko̱ri̱nto̱ 13:2

Ming kanyai anna arizet ci ka̱du̱wa̱ne̱ zoz ci i̱ye̱le̱ka̱ Ta̱mu̱ta̱dde̱n annit, icima kanyai doiz ci ka̱gga̱we̱ kaal do̱o̱k, kedeca kaal wak a̱lu̱gu̱ny Ta̱mu̱ta̱dde̱n iróng i̱ye̱le̱k ol bu̱k, icima kanyai tu̱we̱ne̱t ci kanyike bee ki̱pi̱ya̱ ele kuk ngamani, ma̱i̱je̱ ngatu i̱llo̱i̱ rezinet ngatinanni ci kireze ol, kaave anna gaganiko. Maya ming kirezi ol.

1 Ko̱ri̱nto̱ 8:1

Korongi ku̱du̱wa̱u̱ng zoz ci obod ki da̱i̱ne̱t wak aanyik ol ta̱mu̱ta̱dde̱ne̱t wak adimanai azzine. Ka̱gga̱ naga do̱o̱k kanyak naga genyiz. Aanyyet genyizi kodongit e̱le̱tti̱. Ma̱i̱je̱ rezinet aanyyet ka̱vvu̱t labak kodoit kak.

1 Ti̱mo̱te̱yo̱ 4:7

Ngera zin ele cunne nga̱ri̱de̱te̱ cik gerzek adang zoz ci Ta̱mu̱ta̱dde̱no̱, cik iróng agano ming i̱i̱zo̱ iin. Abarik demezek ele zoz ci Ta̱mu̱ta̱dde̱no̱ odohize.

2 Ti̱mo̱te̱yo̱ 2:14

Oobek ol wak a̱tu̱we̱ de̱mzi̱ne̱t cu ju̱rru̱m. Recanek nogo ngati azikne Manyi bu̱k kar iróng adangone zo̱zo̱nno̱k. Iróng dangonet anyaha gi̱i̱ ci abunna, abarik egerzan ol ne̱k azikne ke̱.

2 Ti̱mo̱te̱yo̱ 2:16

Ma i̱i̱zo̱ dangonet ci een li̱i̱k, eci zoz neci eceba ol o̱o̱tti̱ ki̱ti̱yye̱t tu̱ go̱o̱le̱ ci Ta̱mu̱ta̱dde̱no̱.

2 Ti̱mo̱te̱yo̱ 2:23

Ma i̱i̱zo̱ dango ci adangone ol darace, eci okko anyaha jo̱o̱re̱.

Ti̱to̱ 1:14

Abunna ming abiliz zoz ci azikne nga̱ri̱de̱t wak Ya̱u̱do̱, ki zoz ci a̱du̱wa̱ ol wak utuburet zoz wa een de̱de̱.

Je̱mi̱s 4:1

Nya ci anyaha jo̱o̱re̱t ki dango orgene cunno̱ng? Een kaal ne̱k a̱vvu̱ zo̱ze̱ ci orongnyu niga kaal cik a̱ti̱ko̱nu̱ imma i̱ge̱t zi̱nze̱tti̱nne̱ ko̱, cik anyaha jo̱o̱re̱t.